Oyinyima 18:1 - IWE ỌNỊNỊ

¹ Ẹkụhị ọnya, ịnị ụmẹ ọọdụ gàaga, dị Abụrahamị yaayịtẹ enoze ajẹngụ anị iruvo ọchị Imamire nị. Ọ mẹ̀ vavọọ ya ịzọọ, dị Ẹnẹyịmavara rẹ sị ẹngụ zụ ọ nị.

Oyinyima 18:1 ပူးပေါင်းရင်းမြစ်များ

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 13:18

Dị Abụramị kú ajẹngụ anị dị ọ va yà iruvo ọchị. Ụbazị Edẹnị: A ka ụbazị Ẹnẹyịmavara, aroni Imamire ịnị ẹkụra Ihebirọnị nị. Dị ọ mẹ aha ịsọvọ tụ́ ịzọọ yị Ẹnẹyịmavara nị.

Oyinyima 14:13

Dị ọza ịnya ana vụrị há ịnị ịrẹkụ ọnọọ va kà a yị Abụramị Anihiburu ọnọọ nị. Ịjọnọọ Abụramị ọnị vị ana ra ọgụrị ọchị aroni. Imamire Anamọrị ọ nyị ọchị ẹnẹẹ nị. Imamire ọnịrị ẹyịnyara anị ana aā hị́ Esikori ọnịrị Aneri ẹnị vị ogu Abụramị.

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Oyinyima 17:22

Ịjị Ohomorihi sị ịrẹyị anị kà yị Abụrahamị ta, dị ọ hụụ ịda Abụrahamị di aa nọ ẹbẹẹba nị.

Oyinyima 18:22

Dị aza ẹnẹẹ si hu, dị ẹ yaa nọ Isodọmị nị. Di Abụrahamị ọnị kụkụ yị jẹẹ pè Ẹnẹyịmavara nị.

Oyinyima 20:1

Abụrahamị ộ hụrẹ Imamire, dị ọ zi oze Ịnẹgẹvị dị ọ na yà ịnị akakana Ikadesi ọnịrị Isuri nị, dị ahịka ịnị ẹkụra Igera ọ ra nị.

Oyinyima 26:2

Di Ẹnẹyịmavara sị ẹngụ zụ̀ Ayiziiki dị ọ kà a yọ ka, “Asị ọ nọ Ijipiti. Ọ kà ọnị vaa kà a yọ ịzị a vọrọ ka ò ku udi tụ̀ ịnị ẹtẹ ọnọnị.

Oyinyima 35:27

Ijekọvụ o ve tù Ayiziiki ada anị ẹkụra Imamire, ọgụrị Ikiriyati Araba, Ịzọọ a rẹẹ hị́ Ihebirọnị booro aanị nị. Ịzọọ Abụrahamị ọnịrị Ayiziiki vịdị ra nị.

Oyinyima 48:3

Di Ijekọvụ kà a yị Ijosẹẹhụ dị ọ ka, “Ohomorihi Ochẹtẹẹngụ ộ sị ẹngụ zụ̀ ọnị ọnị mẹ̀ yà Iruzi ịnị ẹtẹ Ikanaani dị ọ mẹ̀ aduwa mị nị.

2 Ịtọpa 1:7

Ịnị ịrahụ anị, Ohomorihi ya sị ẹngụ zụ Isoromọnị ịnị ụra, dị ọ họ̀ ọ ka sị ọnị ọ́ọ́ sị yọ?

Ọyịkụra 4:1

Di Imosiisi tụ́ Ẹnẹyịmavara ohi dị ọ ka: ọ́ọ́ yẹ ka ẹnịnị ẹ yị vaa dọ ka ịzẹyịza ọnị aa kà nị. Ọ kà ẹnịnị ẹ yị vaa wụ́ ịrẹyị anị. Ọ kà ẹnịnị vị ana vaa kà a ka ireche ọnị ee che nị, ka oni o yi re Ẹnẹyịmavara.

Odeyi 7:2

Dị Isitivini ka, “Ẹwụ nịnị anda ayị ọnịrị ada ayị nịnị, batọ ịrẹyị amị nịnị! Ohomorihi onigirima ộ sị ẹngụ zụ̀ Abụrahamị ada ayị, ịnị ụmẹ ọnọọ sị yà Imesopotamiya, dị ọ va na ra Ị́haraanị.

Anihiburu 11:9

Ini oze ka Abụrahamị ộ sị ayị tụra Ohomorihi, ọ na ra ịnị ẹtẹ oni Ohomorihi ka ẹ yị zụ nyị ka ọnị ọ yị vaa sịị yọ. Ộ yà ịzọọ anka ọzọga. Ọnị beri Ayiziiki ọnịrị Ijekọvụ oni Ohomorihi rẹ hị́ eku ọnọọ vị ana ra ịnị ajẹngụ kẹnẹ,

Anihiburu 13:2

Tamayị ka áa vọrọ ka wee sì ọzọga nịnị! Aza ẹnyị ệ vavọọ mẹ, e reè sì anggẹẹrị nịnị ọzọga, ẹ yị yẹ.

Ijosuwa 5:13

Ijosuwa maa gụrị Ijeriko na, dị ọ kana eyi, dị o re ọnọrụ ana sị ụhwọ rị ụvọ tu ọvịdị anị nị. Dị ọ ka pe e, dị ọ họ̀ ọnọrụ use ka ọnịrị ọ óó ya nị avị ọnịvị anị ọ vị nị?