Oyinyima 17:8 - IWE ỌNỊNỊ

⁸ Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

Oyinyima 17:8 ပူးပေါင်းရင်းမြစ်များ

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 13:15

Ọ kà avaba ẹtẹ ọnị ọ maanị re aanị ọnị ne beri Ụnanka anị ịrẹma-ịrẹma ọnị vaa sịị yị, dị ọ vị ẹẹnịnị pooro zịna-zịna nị.

Oyinyima 13:17

Dị ọ rẹ ka ọ̀ kwẹẹtẹ dị ọ̀ maanị che ẹtẹ ọnọọ ajaajẹẹ ọnịrị ẹvẹnẹ-ẹvẹnẹ na para hu. Ọ kà ọnị ọnị vaa sịị yị nị.

Oyinyima 23:4

“Ọzọga ọnị vị dị ọnị ra ịda ẹnịnị nị. Ọ kà Aarịhịnị ẹ sị ẹtẹ yị ọnị ana vaa vị aanị, ịzị ọnị zụ ne oku tụ́, di ọnị òo ne oku ene sú ọnị tụ́ ịzọọ.”

Oyinyima 26:24

Ịrahụ ịhị ọnọọ, Ẹnẹyịmavara ọ sị ẹngụ zụ ọ, dị ọ kà a yọ dị ọ ka, “Ẹma vị Ohomorihi Abụrahamị ada awụ nị. Asị u hí angwa agụvị ka mị yà pè wu. Mị vaa hụ agụvị Abụrahamị ozi ahụ amị dị mị mẹ ka ò zee wu, dị mị mẹ ka ezi ewu ẹ̀ rụrụ.”

Oyinyima 28:4

Ọ kà ọ vaa mẹ ka ò zee yị ọnịrị ezi anị anka ọ mẹ̀ mẹ ka ò zee yị Abụrahamị. Ọ rẹ ka ẹtẹ oni Ohomorihi sị yị Abụrahamị ọnị ọ vị ọzọga tụ́ ịnị aanị, ọnị ọ vaa nyị nị.”

Oyinyima 35:27

Ijekọvụ o ve tù Ayiziiki ada anị ẹkụra Imamire, ọgụrị Ikiriyati Araba, Ịzọọ a rẹẹ hị́ Ihebirọnị booro aanị nị. Ịzọọ Abụrahamị ọnịrị Ayiziiki vịdị ra nị.

Oyinyima 36:7

Ịsị ẹ mẹ ka ọ kụ́ ẹnya kwooze ọ vị ka ogu ẹnị ẹnị ẹyịva nyị ọ sị dẹngụ. Ịsụpa ẹnịnị ệ rụrụ ẹnẹmẹhị. Ẹtẹ ene e vịdị dudu ra ịnị anị ọ yị kụkụ dọ wa. Ẹnịnị ẹ yị kụkụ zụ yà aha ọnya.

Oyinyima 37:1

Ijekọvụ vị ana rị ra ịnị ẹtẹ Ikanaani ịzị ada anị vịdị ra.

Oyinyima 48:4

Dị ọ ka ọnị vaa mẹ ka ọnị ọ̀ ma ozi rụrụ ẹtẹẹtẹrẹ. Ọ kà ezi anị ẹ vaa vi ohiku anẹkụra ọrụrụ-ọrụrụ nị. Ọ kà dị ọ rẹ ka ọnị vaa sị ẹtẹ ọnọọ yị ezi anị ịrẹma-ịrẹma dị ahịka ẹnị ẹ kụkụ nyị pooro zịna-zịna nị.

2 Ịsamụwẹrị 23:5

Ịnị eyi Ohomorihi, avọọ irehi amị mẹ̀ yà. Ịsị ọ ka ọnị vaa mẹẹ mị ọnị ọ mā vara pooro zịna. Avaba

1 Ịtọpa 16:18

Ộ kà a yị wa ka ẹnị ọnị vaa sị ẹtẹ Ikenanii yị nị, dị ahịka ẹnị ẹ kụkụ nyị ịzọọ nị.

Ahẹ Ụgama 103:17

Ama Ẹnẹyịmavara vi eneē sì ịrẹyị aza eneē hí angwa anị pooro zịna-zịna. Ịsa ana vọrọ ọọ̄ mẹ yị ezi ẹnịnị ịrẹma-ịrẹma nị.

Ahẹ Ụgama 105:11

Ộ kà a yị wa ka ẹnị ọnị vaa sị ẹtẹ Ikenanii yị nị, dị ahịka ẹnị ẹ kụkụ nyị ịzọọ nị.

Ahẹ Ụgama 105:9

Ịrẹyị ọnọọ vị ọnị ọ vịdị kà yị Abụrahamị, dị ọ rẹ hị́ eku anị yị Ayiziiki ka ọnị vaa mẹ̀ ẹ nị.

Ọyịkụra 13:11

Dị ọ rẹ ka ịhị ọ̀ọ raà kụ́ wa na ngụ ịnị ẹtẹ Ikanaani dị ọnị raà sị yị wa nị anka ọnị mẹ̀ vịdị hị́ eku yị Anisirẹrị ọnịrị ohiku ẹnịnị ka avọọ ọnị vaa mẹ nị,

Ọyịkụra 21:6

Ọ̀ọ vavọọ yà, dị ọza ana hị́ ọrịhị ọnọọ sị ọrịhị ọnọọ nọ ịzị Ohomorihiī yà. Òo tù ịzọọ dị ọ sị ọ na jẹẹ pè uhweremi oze, dị ọ sị ịsa jị ọ ụtọ rō. Dị ahịka ọrịhị ọga anị ọnọọ ọ kụkụ vị pàá nị.

Ọyịkụra 29:45

Dị mị ra ịnị akakana Anisirẹrị nịnị, dị ahịka ẹma vị Ohomorihi ẹnịnị nị.

Ọyịkụra 32:13

Tamayị ịrẹyị ezi ahụ awụ ẹnẹnị, Abụrahamị, Ayiziiki ọnịrị Ijekọvụ. Tamayị ka wa raà sị ụbanyị ẹngụ awụ hị́ eku ka ụ vaa mẹ ka ezi ẹnịnị ẹ̀ rụrụ anka ụzọmị ene hi ẹbẹẹba. Ụ ka ezi anị ụ vaa sị avaba ẹtẹ ọnọnịị yị nị. Ụ ka wa sị ọ ka ka ẹ yị zụ nyị ka wẹ yị vaa sịị yị wa dị ọ̀ vị ẹẹnịnị pooro na.”

Ọyịkụra 40:15

Dị ọ̀ rẹ ká angwẹ kú wa anka ọ mẹ̀ ká angwẹ kú ada ẹnịnị dị ẹ̀ rẹẹ mẹ̀ ụkọrọ yị Ohomorihi anka ohirẹsụ irehi Ohomorihi. Ẹnẹyịmavara kà àa vavọọ sị wa nyị, ịpa ẹnịnị ẹ kụkụ vaa vị ohirẹsụ irehi Ohomorihi pooro zịna-zịna nị.

Ọyịkụra 6:4

Dị ọ rẹ ka ịsị ọnị dọ ka ọnị vaa mẹẹ yị wa vị ana jị jẹẹ geri-geri. Ọ kà ọnị ka ẹtẹ Ikanaani ẹnị ẹ vị ọzọga tụ́ aanị, vị ọnị ọnị vaa sịị yị wa, dị ahịka ẹnị ẹ kụkụ nyị nị.

Ọyịkụra 6:7

Ọ kà ọnị aa sị wa mẹ aza anị, dị ọnị vị Ohomorihi ẹnịnị. Ọ kà ọnị ọ̀ọ vavọọ sị ọ mẹ, ẹ vaa yẹ ka ọnị Ẹnẹyịmavara vị Ohomorihi ẹnịnị nị, ka ọnị ọ kụ̀ wa hụrẹ Ijipiti ka asị ẹ kụkụ vị ọrịhị ẹnịnị nị.

Ijeremaya 25:5

Ọnịsẹ ẹnẹẹ ệ kà a wụ nịnị ka wa và hụụnị ẹhẹ odivi ọnị waa rá nịnị ọnịrị ebira odivi ọnị waa mẹ nịnị. Ẹ ka wa và hụụnị anị nịnị agụvị dị wa yị zụụ ra ịnị ẹtẹ ọnị Ẹnẹyịmavara sị yị ẹwụrị ohiku awụ nịnị pooro aanị.

Ijeremaya 31:1

Ẹnẹyịmavara kà ụmẹ aa vẹ ọnị ọnị vaa vị Ohomorihi avaba ịrẹsụ-ịrẹsụ Anisirẹrị nịnị, dị ẹnịnị ẹnị rẹ vị aza anị.

Ezikẹẹrị 11:20

Ịjọnọọ, ẹnịnị vaa sị ụvọọ za ọda anị, dị ẹyaa sị ịzẹyịzaa mẹ ịsị ọnị ọnị mẹ ọda yị wa. Ọnọọ vaa mẹ ka ẹnịnị ẹ̀ vị aza anị, dị ọnị vị Ohomorihi ẹnịnị.

Ezikẹẹrị 33:24

Ozi-ọza, aza ana ra hi ẹkụra-ẹkụra ana jị eburu ịnị ẹtẹ Isirẹrị aanị, aa kà a ka, Abụrahamị vị ọnịnya, di a sị ẹtẹ ọnọnịị yị ọ. Ẹnị ẹ́ sị rụrụ booro aanị, ẹnị ẹ nyị ẹtẹ ọnọọ nị.

Ireevi 14:34

Ịjị waa na sị ngụ ẹtẹ Ikanaani, ọnị ọnị ọnyọọnyị ịnị ẹtẹ ọnọọ ọ̀ọ chị́ uru nị.

Ireevi 16:34

Ọda ẹnẹnị vị ọnị ụ vaa saasa nịnị pooro zịna-zịna. Ido ọnọnị vị ọnị a vaa mẹ ụpẹ ọnya ịnị ịrayị, dị à sị nyịna ịvị Anisirẹrị nịnị kwooze. Ẹnẹyịmavara mẹ mẹ̀ ẹ ọda yị Imosiisi gẹdẹ-gẹdẹ, avọọ a mẹ mẹ̀ ẹ nị.

Ireevi 26:12

Ọnị vaa raa pe wa; ọnị vaa vị Ohomorihi ẹnịnị, dị ẹnịnị vị aza anị.

Ịzakaraya 8:8

Ọnị vaa kụ́ wa vavẹ Ijerusarẹmị vaa ra; ẹ vaa vị aza anị, dị ọnị rẹ vaa Ohomorihi ọnịrẹyịzẹyịza ana wụra sị ayị tụra.

Ịrịka 10:29

Ẹkụhị ọnya, dị Imosiisi hị́ Ihobabi ọnyara ose anị ọnọrụ ana vị ozi Iruweri ana Imediya dị ọ ka, ẹnị aa kwẹẹtẹ nọ ịzị Ẹnẹyịmavara kà ọnị aa sị yị ẹnị. Imosiisi ka ọ kwẹẹtẹ dị ọ saasa ọnị ka ẹnị vaa mẹ̀ ẹ ebira ẹtẹẹrẹ. Ẹtẹ ọnị Ẹnẹyịmavara wo oto anị yị ẹnị o zoza ẹtẹẹtẹrẹ.

Ịrịka 25:13

Dị ọ kà agụvị ka Ịhwịnẹhasị ọ̀ sị ịrẹsụ yị ọnị, ọnịrị evere anị ẹ vaa vị ohirẹsụ irehi anị pooro nị.

Ịrịka 27:12

Ẹkụhị ọnyara aanị, dị Ẹnẹyịmavara kà Imosiisi ka ọ hịrẹ nọ ịrẹsụ ataba Abarimi, di o re ẹtẹ ọnị raà sị yị Anisirẹrị nịnị.

Odeyi 7:5

Ohomorihi ọ yị sị aha ọnyọọnyịị yọ ka ọ̀ vị áanị, ọ̀ọ hyakụ vị ahụ ọnya kẹnẹ. Ama Ohomorihi ka ẹ yị zụ nyị ka ayị vị avaba ẹtẹ ọnọọ ọnị vaa sịị yị Abụrahamị, ọnịrị ka ezi anị ịrẹma-ịrẹma ẹ vaa nyị nị. Ịnị ụmẹ oni Ohomorihi maanị sị kà, Abụrahamị ọọ̀ yị ma ozi,

Iwe Ọhụhị Imosiisi ana aa hị́ Ọyịvatụrọda 14:2

Ka aza ana a sị tụ́ irenyi yị Ẹnẹyịmavara Ohomorihi ẹnịnị ẹ vị nị. Ẹnị Ẹnẹyịmavara nyị yị ẹngụ anị hụụnị avaba aza ene hi ịnị ẹhẹ nị.

Iwe Ọhụhị Imosiisi ana aa hị́ Ọyịvatụrọda 26:18

Ajịnị Ẹnẹyịmavara ọ raà dọ wụ nịnị ka ụ vị aza anị anka ọ me wo oto yị wụ nịnị. Ộ mẹ ọda ka wa saasa avaba ịrẹyị anị.

Iwe Ọhụhị Imosiisi ana aa hị́ Ọyịvatụrọda 29:13

Ẹnẹyịmavara vaa dọ ka aza anị ẹ vị nị, dị ọnị vị Ohomorihi ẹnịnị nị anka ọnị mẹ wo oto yị ohiku ẹnịnị, Abụrahamị, Ayiziiki, ọnịrị Ijekọvụ.

Iwe Ọhụhị Imosiisi ana aa hị́ Ọyịvatụrọda 32:49

ọ na ịrẹsụ ataba Avarimi ịnị ẹtẹ Imowabi ana va eyi ka Ijeriko. Ọ hịrẹ nọ ịrẹsụ ataba Inebo, di o re ẹtẹ Ikanaani ọnị ọnị vaa sị yị Anisirẹrị nịnị.

Iwe Ọhụhị Imosiisi ana aa hị́ Ọyịvatụrọda 32:8

Ẹnẹyịmavara ana nẹba hu keekere ộ sị ẹtẹ ọzọza yị wa nị ọnị ộ ka a ịzị anẹkụra irenyi-irenyi vaa ya ọnịrị ori ọnị ọzọza vaa kụ yị.

Iwe Ọhụhị Imosiisi ana aa hị́ Ọyịvatụrọda 34:4

Dị Ẹnẹyịmavara kà yị Imosiisi ka, ẹtẹ ọnọnị ọnị hị́ eku anị ka ọnị vaa sị yị evere Abụrahamị, Ayiziiki ọnịrị Ijekọvụ. Ọnị ọ̀ navọ ka Imosiisi o re e ama ẹ yị vaa ngụ ịzọọ.

Iwe Ọhụhị Imosiisi ana aa hị́ Ọyịvatụrọda 4:37

Agụvị ka o sì ịrẹyị ohiku ẹnịnị, ọ sị nyị ezi ẹnịnị, dị ọ sị ụkata anị kụ wa jịnẹ hụrẹ Ijipiti nị.

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.

Anihiburu 9:15

Ịsa ẹnẹnị ẹ́ẹ sị zụ̀ ka Ikirisiti ọ vị ọza ana yà ịnị akakana aza ọnịrị Ohomorihi nị, dị ọ mẹ eto oto ọwọọwa, agụvị aza oni Ohomorihi sị hị́, ẹ̀ zụ vẹ, dị ẹ̀ va dọ ẹyịza oni Ohomorihi sị ọọ kà ka ẹ yị zụ nyị ka ọnị ọyị vaa sịị yị wa. Ẹyịza ọnọọ vị ẹnẹẹ vaa nyị pooro zịna-zịna. Ịsa ẹnẹnị vaa mẹ, agụvị ka áa nyị ọza ịnya ene sú ka ọnị ọ̀ hị́ aza varẹma hụụnị ịsa edivi ẹnẹ ẹ vịdịị mẹ ịnị ụmẹ ẹnẹ ẹ sị yà ịnị ụvọ oto ịyẹẹyẹ.

Ijosuwa 1:2

Ộ kà, Imosiisi ana vị ozi ahụ anị mè wusu aanị, Ijosuwa ọ̀ kwẹẹtẹ dị ọ̀ kụ́ avaba Anisirẹrị jịnẹ Okuha Ịjọdanị na ịnị ẹtẹ ọnị ọnị aa sị wa.

Ẹtore 21:7

Ọza ana àa nyị ehuna, ọnị ọ vaa dọ ịsa ẹnẹnịị hụụnị ụvọ amị nị: Mị vaa vị Ohomorihi anị, dị ọnị vị ozi emi.