Oyinyima 17:7 - IWE ỌNỊNỊ

⁷ Di Ohomorihi rẹ ka Ịrẹyị ọnọnị ọnị ọnị maanị pè e ọnịrị ezi anị ịrẹma-ịrẹma kà aanị vị ana jẹẹ pooro. Ịrẹyị pooro zịna-zịna ọ vị nị. Ịrẹyị ọnọọ ọ vị ka ọnị vaa vị Ohomorihi ọnịrị ezi anị ịrẹma-ịrẹma pooro zịna-zịna.

Oyinyima 17:7 ပူးပေါင်းရင်းမြစ်များ

Oyinyima 15:18

Ịhị ọnọọ Ẹnẹyịmavara ô pè Abụramị kà ịrẹyị tịtẹ dị ọ kà a yọ ka: Ezi anị ịrẹma-ịrẹma ọnị sị ẹtẹ ọnọnịị yị nị. Ẹnị ẹ nyị hụrẹ ụtọ okuha ana ya ẹhwị Ijipiti na ngụ irehu Iyuhwuretisi nị, ẹnị ẹ nyị nị.

Oyinyima 17:13

Ọ kà ozi ana a ma ini ohweje anị ọnịrị ozi ọnị ọ sị ẹkẹhị anị na hị́ vị ọnị ọ vaa jị ụvẹvẹnẹ. Ohomorihi rẹ ka apọtẹrẹwa ọnọọ vị ana vaa yà ịnị ẹngụ ẹnịnị ana vaa sị zụ ka ịrẹyị ọnọnị vị ana jẹẹ pooro zịna-zịna.

Oyinyima 17:19

Di Ohomorihi ka: Eyiye, Isera ose anị vaa ma ozi ọnọrụ ọnya. Ọ̀ọ sị ọ ma dị ọ yị ọ Ayiziiki. Ọ kà Ịsị ọnị pè e kà tịtẹ aanị, ọnị ọnị vaa sịị yị nị, beri ezi anị ịrẹma-ịrẹma.

Oyinyima 26:24

Ịrahụ ịhị ọnọọ, Ẹnẹyịmavara ọ sị ẹngụ zụ ọ, dị ọ kà a yọ dị ọ ka, “Ẹma vị Ohomorihi Abụrahamị ada awụ nị. Asị u hí angwa agụvị ka mị yà pè wu. Mị vaa hụ agụvị Abụrahamị ozi ahụ amị dị mị mẹ ka ò zee wu, dị mị mẹ ka ezi ewu ẹ̀ rụrụ.”

Oyinyima 28:13

Di o re re ka Ẹnẹyịmavara ộ jẹẹ pè ọnị dị ọ ka: Ọnị ọ̀ vị Ẹnẹyịmavara ana vị Ohomorihi Abụrahamị ada anị ọnịrị Ayiziiki. Ọ kà ẹtẹ ọnị ọ hụtụ tụ́ aanị, ọnịrị ezi anị ọnị sịị yị nị.

Oyinyima 6:18

Ama ịsị ọnị vịdị kà tịtẹ ka ọnị vaa mẹẹ yị aza vị ọnị ọnị vaa mẹẹ wu. Ọ kà Inowa vaa ngụ ịnị ẹpa ọnọọ, di ezi anị beri ose anị ọnịrị ose ezi anị rẹ ngụ ọ.

Oyinyima 9:16

Ịjị ọgazị ọ̀ọ hụrẹ tụ́ ịnị eguhi, ọnị vee re e dị ọnị tamayị ọkatịtẹ anị zịna-zịna ọnị ọnị Ohomorihi pè avaba ịsị ẹ nyị ụhwẹ ene hi ẹhẹ ka.”

2 Ịsamụwẹrị 7:24

Wa raà sị Anisirẹrị jẹẹ ka aza awụ ẹ vị pooro nị. Ẹnẹyịmavara, ẹwa vị Ohomorihi ẹnịnị nị.”

1 Ịtọpa 16:13

Ẹwụ nịnị ezi Abụrahamị, ozi ahụ Ohomorihi; ẹwụ nịnị ezi Ijekọvụ, ẹwụ nịnị ọnị ọ nyị.

1 Ịtọpa 16:14

Ẹnẹyịmavara ọ vị Ohomorihi ayị nị, ọda anị vị ọnị ọ mẹ yị avaba anẹhẹ.

Ahẹ Ụgama 81:10

Ohomorihi rẹ ka ọnị ọ vị Ẹnẹyịmavara ana vị Ohomorihi awụ nịnị nị. Ọ kà ọnị ọ sị wụ nịnị hụrẹ Ijipiti vẹ nị. Ọ rẹ ka wa há irenu nịnị kẹnẹ, ka ọnị vaa sị ịsa awụ nịnị.

Ọyịkụra 3:15

Di Ohomorihi rẹ kà a yị Imosiisi dị ọ ka: ọnị Ẹnẹyịmavara ana vị Ohomorihi ana Abụrahamị, Ayiziiki, ọnịrị Ijekọvụ hẹkẹ ọ tụ́ ọ hi wa nị. Ọ kà Ịrẹha anị ọ vị ọnọọ nị pooro zịna-zịna. Ịrẹha ọnọọ ezi ịrẹma-ịrẹma vaa hị́ ọnị nị.

Ọyịkụra 3:6

Di Ohomorihi rẹ ka, “Ọnị ọ̀ vị Ohomorihi ana ada Imosiisi hẹkẹ nị. Ọnị ọ̀ rẹ vị Ohomorihi ana Abụrahamị, Ayiziiki ọnịrị Ijekọvụ hẹkẹ nị.” Di Imosiisi wụsẹ sị eyi anị tẹ nị. Angwa ee hi ọ ka ọnị ve re Ohomorihi.

Ọyịkụra 6:4

Dị ọ rẹ ka ịsị ọnị dọ ka ọnị vaa mẹẹ yị wa vị ana jị jẹẹ geri-geri. Ọ kà ọnị ka ẹtẹ Ikanaani ẹnị ẹ vị ọzọga tụ́ aanị, vị ọnị ọnị vaa sịị yị wa, dị ahịka ẹnị ẹ kụkụ nyị nị.

Ọyịkụra 6:7

Ọ kà ọnị aa sị wa mẹ aza anị, dị ọnị vị Ohomorihi ẹnịnị. Ọ kà ọnị ọ̀ọ vavọọ sị ọ mẹ, ẹ vaa yẹ ka ọnị Ẹnẹyịmavara vị Ohomorihi ẹnịnị nị, ka ọnị ọ kụ̀ wa hụrẹ Ijipiti ka asị ẹ kụkụ vị ọrịhị ẹnịnị nị.

Ayịsaya 61:8

Ẹnẹyịmavara kà a, oni o sì ịrẹyị ịzẹyịza, dị ọnị nyị ịhyẹrẹ àko ọnịrị ebira odivi. Ọnị vaa sị ịzẹyịza si aza anị ụta ụya ọnị ẹ rị Ọnị vee wo oto ẹnẹ ẹ yị nyị ẹhwị yị wa

Ijeremaya 31:1

Ẹnẹyịmavara kà ụmẹ aa vẹ ọnị ọnị vaa vị Ohomorihi avaba ịrẹsụ-ịrẹsụ Anisirẹrị nịnị, dị ẹnịnị ẹnị rẹ vị aza anị.

Ezikẹẹrị 28:26

Ẹnịnị vaa ra ịzọọ, dị ẹ́ yị nyị ịsị ẹ mẹ̀ wa. Ẹnịnị vaa dà irehi, dị ẹ dà ụbazị ene e chire ọchị ịvayịnị hi. Ịjị ọnị ộ raa sị ụya rị anẹkụra ana gụrị wa ẹnẹ ẹ̀ yị vịdị sị ụbanyị yị wa, Anisirẹrị nịnị vaa ra, dị ẹ́ yị nyị ịsị ẹ mẹ̀ wa. Ịjọnọọ ẹnịnị vaa yẹ ka ọnị ọ vị Ẹnẹyịmavara Ohomorihi nị.

Ireevi 11:45

Ọ kà, ọnị ọ vị Ẹnẹyịmavara ana kụ wụ nịnị hụrị ẹtẹ Ijipiti, ka ọnị ọ̀ vị Ohomorihi awụ nịnị nị. Agụvị avọọ, sị ẹngụ awụ nịnị tụ irenyi yị ọnị agụvị ka ọza ọnịnị ọnị vị nị.

Ireevi 25:38

Ọ kà, ọnị ọ vị Ẹnẹyịmavara Ohomorihi ẹnịnị, ana kụ wa hụrị ẹtẹ Ijipiti ka ọnị ọ va sị ẹtẹ Ikanaani yị wa, dị ọnị ọ̀ vị Ohomorihi ẹnịnị nị.

Ireevi 26:12

Ọnị vaa raa pe wa; ọnị vaa vị Ohomorihi ẹnịnị, dị ẹnịnị vị aza anị.

Ireevi 26:44

Ama ịnị avaba anị, ụmẹ ẹnẹ ẹnịnị ẹ̀ẹ yà ịnị ẹtẹ ọnịvị ẹnịnị ọnị ẹ́ yị vaa hụrẹ wa saka-saka; ọnị ẹ́ yị vee vu wa ẹtẹ bemi-bemi. Ọnị ọ̀ọ vavọọ mẹ, vị ọnị ẹ̀ yị saasa ịrẹyị ọnị ọnịrị wa hị́ eku anị yị ẹngụ avọọ nị: Ọnị ọ vị Ẹnẹyịmavara Ohomorihi ẹnịnị nị.

Ireevi 26:45

Ọnị vaa tamayị ịrẹyị ọnị ọnị hị́ eku anị yị ohiku ẹnịnị, ụmẹ ọnọọ ọnị sị sị ụkata zụ̀ avaba anẹkụra ana vọ nịnị, dị ọnị kụ aza anị hụrị Ijipiti nị. Vị́ ọnị vavọọ mẹ ka ọnị Ẹnẹyịmavara ọ̀ va vị Ohomorihi ẹnịnị nị.

Ireevi 26:9

Ọ kà ọnị vaa mẹ ọyịzaa yị wa, dị ẹ yaa rụrụụ hu avọọ. Ọnị vaa mẹ ana vị aanị ịnị ịrẹyị ọnị ọnịrị wa hị́ eku yị ẹngụ tụ.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Imatiwu 22:32

‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’ Ohomorihi ọ yị vị Ohomorihi aza ene wusu, ama Ohomorihi aza ana yàra.”

Ịmaakị 10:14

Íjeesu mè re wa, ayị ọ sị kụ́ ọọ. Dị ọ ka, “Navọ ezi eweyi nịnị ẹ̀ vẹ ịda amị! Asị ụ dọ wa oro, agụvị ka ẹngụ ẹnẹnị ẹ nyị ịzị Ohomorihi yà aa mẹ ịjọva nị.

Odeyi 2:39

Oto oni Ohomorihi wo aanị, vị áawụ nịnị ọnịrị éezi ewu nịnị ọnịrị áaza ana ra hi aha onoze huuu, avaba aza oni Ohomorihi Ananyị yị va naa hị́ ọ vị nị.”

Aniroomi 9:4

ẹnị ẹ vị Anisirẹrị nị, ẹnị Óhomorihi sị Mẹ ezi anị, dị ọ mẹ ka ẹ̀ nyị tụ́ ịnị ụbanyị anị nị. Ohomorihi ô wo oto irenyi-irenyi yị wa, dị ọ rẹ sị ọda anị yị wa nị. Ohomorihi ọ rẹ sị zụ wa a mẹ̀ vọrọ ka àa hẹkẹ ọnị, dị ẹ̀ rẹ dọ ịsa oni Ohomorihi kà a ka ẹ yị zụ nyị ka ọnị ọ yị vaa mẹẹ yị wa nị.

Anẹhwẹsọsị 2:2

Ịnị ụmẹ ọnọọ, ebira odivi anẹhẹ ụ waa saasa nịnị nị. Waa mẹ̀ ịsa ọnị ọga ụhwẹ echu nịnị ana nyị ụkata hi ẹbẹẹba ẹ̀ẹ kà ka wa mẹ nịnị. Ụhwẹ echu ọnọọ aa yịị mẹ ọda tụra aza ẹnẹ ẹ̀ yị mā wụ́ ịrẹyị Ohomorihi ịrẹsụ nị.

Iwe Ọhụhị Imosiisi ana aa hị́ Ọyịvatụrọda 29:13

Ẹnẹyịmavara vaa dọ ka aza anị ẹ vị nị, dị ọnị vị Ohomorihi ẹnịnị nị anka ọnị mẹ wo oto yị ohiku ẹnịnị, Abụrahamị, Ayiziiki, ọnịrị Ijekọvụ.

Anihiburu 11:16

Ama ẹnịnị ee sì ịzị e huna ẹkụra ẹnịnị ịyẹẹyẹ, ịzọọ ọ vị ẹkụra ihinẹba nị. Agụvị avọọ ụhị ọ yị nyị Ohomorihi, ẹ̀ẹ yaa hị́ ọ Ohomorihi ẹnịnị, agụvị ka ọ sị ẹkụra tenyi tịtẹ yị wa.

Anihiburu 8:10

Ananyị yị rẹ kà oto ọnị ọnị kụkụ vee wo yị Anisirẹrị nịnị yị: Ọ kà, Ịnị ụmẹ ana aa vẹ, ọnị vaa sị ọda anịị tụ́ ịnị ayị ẹnịnị, dị ọnị rẹ chẹrẹẹ tụ́ ịnị ayị ẹnịnị. Ọnị vaa vị Ohomorihi ẹnịnị, dị ẹnị rẹ vị aza anị.

Ọdọvịdị 2:1

 nyị ụmẹ ọnya aanị ọnị anggẹẹrị Ẹnẹyịmavara sị hụrị Igirigari na ngụ Ibokimi. Ộ kà a ọnị ọ̀ kụ wa hụrị ẹtẹ Ijipiti na ngụ ịnị ẹtẹ ọnị ọnị hị́ eku anị ka ọnị aa sị yị ohiku ẹnịnị nị. Ộ kà a ọnị ẹ yị vaa sị ahụ jịnẹ eku ọnị ọnị hị́ yị wa.