Oyinyima 17:5 - IWE ỌNỊNỊ

⁵ Ẹ yị kụkụ vị Abụramị ịrẹha anị rị, ọnị ọ kụkụ rị Abụrahamị nị, agụvị ka ọnị ọ raà vara a ada otomiroku anẹkụra.

Oyinyima 17:5 ပူးပေါင်းရင်းမြစ်များ

Oyinyima 17:15

Di Ohomorihi rẹ kà a yị Abụrahamị dị ọ ka, “Hụrị ajịnị na, asị ụ rẹ kụkụ hị́ ose anị Isarayi. Ịrẹha anị ọ kụkụ rị Isera nị.

Oyinyima 32:28

Dị ọza ọnọọ ka, “Vị Ijekọvụ a kụkụ vaa hị́ ọ, ọnị ọ ka ọnị ọ kụkụ rị Isirẹrị nị, agụvị ka o re è pè Ohomorihi ọnịrị aza vụ̀ ịrẹvụ, ọ sị wa hu.”

Oyinyima 32:29

Di Ijekọvụ ka, “Aarịhịnị, hị́ ịrẹha anị zụ̀ ọnị de.” Dị ọza ọnọọ ka, “Sị ẹ vẹ dị ee họ̀ use ịrẹha anị.” Dị ọ kụ́ ọ adịjọọ ịzọọ nị.

Oyinyima 35:10

Di Ohomorihi kà a yọ dị ọ ka, “Ịrẹha anị ọvịdị rị Ijekọvụ nị. Ama ẹ yị kụkụ vị ọnị ọ rị Ijekọvụ, ọnị ọ kụkụ rị Isirẹrị nị.” Dị ọ kụkụ aa hị́ ọ Isirẹrị nị.

2 Ịsamụwẹrị 12:25

Dị Ẹnẹyịmavara tụ́ Inatanị ọnịsẹ anị ka ọ̀ kà a ka ịrẹha ozi ọnọọ ọ rị Ijedida nị.

1 Ịtọpa 1:27

ọnị Abụramị (ana a raa hị́ Abụrahamị).

Inehemaya 9:7

Ọnị ọ vị Ẹnẹyịmavara, Ohomorihi ana nyị Abụramị, dị ọ sị ọ hụrẹ ẹkụra Uri ẹtẹ Anikaridi, dị ọ vara ịrẹha anị tu ịnị Abụrahamị nị.

Ayịsaya 65:15

Aza amị ẹnị mị nyị vị ana vaa sị ịrẹha awụ nịnịị chìi hi ọza. Ẹmị Ẹnẹyịmavara Ohomorihi vaa mẹ ka we su nịnị. Ama mị vaa sị ịrẹha ọwọọwaa yị aza anaa saasa ịrẹyị amị.

Ijeremaya 20:3

Ijeremaya ka, ẹnẹnẹ eyinẹhẹ anị, Ipasihuri mẹ raa hụrẹ ọnị ụvọ, dị ọnị kà a yọ ka, ẹ́ yị vị Ẹnẹyịmavara ọ sị ịrẹha yọ ka ọnị ọ rị Ipasihuri. Ịrẹha ọnị ọ sị yọ ọ vị ochire ọza angwa avaba aha nị.

Ijeremaya 23:6

Ịjị ọọ raa rị ohinọyị, ẹngụ anị Ijuda nịnị vee hi ahị, dị Anisirẹrị nịnị nyị ẹngwọọrọ. Ịrẹha anị ọ vaa rị Ẹnẹyịmavara ọ vị Amẹtẹrẹ Ayị nị.

Ịrịka 13:16

Ịrẹha ẹnịnị ẹ vị anọrụ ọnị Imosiisi tụ́ ne re ẹtẹ nị; Imosiisi vị ana sị Ijosuwa yị Ihoseya ozi Inuni.

Ịjọọnụ 1:42

Dị Andụrụ sị Ipita vẹ ịdị Ijeesu nị. Ịjị Ijeesu re e, dị ọ kà a yọ ka, “Ẹ wa vị Ịsayịmọnị ozi Ịjọọnụ nị. Ẹwa kụkụ rẹ vaa rị Ikehwasi nị.” (Iruvo “Ikehwasi” ọ vị “ịrẹta” nị.)

Aniroomi 4:17

 vịdị maanị chẹrẹ ẹ tụ́ ini Iwe Ohomorihi. (Ohomorihi ka): Ọnị ọ raà sị Abụrahamị vị ada ẹkụra ọrụrụ-ọrụrụ. Ini eyi Ohomorihi ana Abụrahamị sị ayị tụra Abụrahamị ọ vị ada ayị nị. Ohomorihi ọọ̄ ha oku nịnị ị kwẹẹtẹ hụụnị isu nị; ọọ̄ mẹ̀ ọda dị ịsa ẹnẹ ẹ̀ yị vịdị yà ịzọọ, dị ọ kụkụ yà ịzọọ.

Ẹtore 2:17

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, ọnị vaa sị ịmana oni Ohomorihi sị tẹ̀, dị ọnị sị yọ ka ọọ rị ọọ. Ọnị rẹ vaa sị ịrẹta ọvwọọvụụ yọ; â chẹrẹ ịrẹha ọwọọwa tụ́ ịnị ịrẹta ọnọọ, ana ahịka ẹ yị nyị ọza ana zụ yẹ ẹ, ẹ̀ yị vị ọza ana nyị ọọ kẹnẹ.