Oyinyima 17:1 - IWE ỌNỊNỊ

¹ Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Oyinyima 17:1 ပူးပေါင်းရင်းမြစ်များ

Oyinyima 12:1

Ẹkụhị ọnya di Ẹnẹyịmavara hị́ Abụramị dị ọ kà a yọ ka: Ọ kwẹẹtẹ hụrị ẹkụra anị ana vị ịda anda anị ọnịrị eehi ada anị dị ọ̀ọ nọ ịnị ẹtẹ ọnya ọnị ọnị vaa sị zụ̀ ọ.

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 16:16

Abụramị vị ịrayị ẹbẹẹna tụra ịhịnọnyị di Ihaga va ma Isimẹrị yọ.

Oyinyima 18:1

Ẹkụhị ọnya, ịnị ụmẹ ọọdụ gàaga, dị Abụrahamị yaayịtẹ enoze ajẹngụ anị iruvo ọchị Imamire nị. Ọ mẹ̀ vavọọ ya ịzọọ, dị Ẹnẹyịmavara rẹ sị ẹngụ zụ ọ nị.

Oyinyima 18:14

Áá nyị ịsị ẹ tụ́ akanya yị Ẹnẹyịmavara Ịnị ụmẹ ọnị aa vaa vẹ vee tù ọ, oni ee vee tù ka Isera ộ si ozi rị ụvọ.”

Oyinyima 24:40

Dị ọ ka ọga anị Ẹnẹyịmavara ọnị ọnịị̄ wụ́ ịrẹyị anị vaa tụ́ anggẹẹrị anịị saasa anị, dị ọ mẹ ụsẹ anị zoza. Ọ kà ọnị ọ̀ nyị ọnẹẹ hụụnị eehi ada anị ịda anda anị va yị ozi anị.

Oyinyima 26:2

Di Ẹnẹyịmavara sị ẹngụ zụ̀ Ayiziiki dị ọ kà a yọ ka, “Asị ọ nọ Ijipiti. Ọ kà ọnị vaa kà a yọ ịzị a vọrọ ka ò ku udi tụ̀ ịnị ẹtẹ ọnọnị.

Oyinyima 28:3

Di ọ mẹ̀ aduwa yọ dị ọ ka Ohomorihi Ochẹtẹẹngụ vaa mẹ ka ò zee yọ, dị ọ mẹ ka ọ ma ozi ẹtẹẹtẹrẹ. Ezi ewu ẹ vaa vị ohiku anẹkụra ọrụrụ-ọrụrụ nị.

Oyinyima 35:11

Di Ohomorihi rẹ kà a yọ dị ọ ka, “Ọnị ọ vị Ohomorihi Ochẹtẹẹngụ nị. Ọ kà ọọ̄ ma ezi dị ẹ̀ẹ rụrụ. Dị ọ rẹ ka ezi anị ẹ vaa vị ohiku anẹkụra ọrụrụ-ọrụrụ nị. Ọ kà ezi anị ẹnyị vaa vị ohinọyị.

Oyinyima 43:14

Dị ọ ka Ohomorihi Ochẹtẹẹngụ ọ̀ navọ ọ̀ vayị ẹnịnị. Ọ̀ navọ ọ̀ zẹẹ ka ọnọrụ ọnọọ ọ̀ hụrẹ ọhụva ẹnịnị ọnịrị Ịbẹnjamịnị, ụvọ vavẹ. Ọ kà àa vị aanị yọ, àa vi ezi anị ta nị, vị ẹ ta avọọ nị.”

Oyinyima 46:3

Di Ohomorihi ka, “Ọnị ọ̀ vị Ohomorihi ana ada Ijekọvụ hẹkẹ nị. Ọ kà ọ màa nọ Ijipiti aanị, asị o hí angwa, ka ọnị vaa mẹ ka ọ̀ vara anẹkụra ọbanyị tụ́ ịzọọ.

Oyinyima 48:15

Di Ijekọvụ mẹ̀ aduwa yị Ijosẹẹhụ dị ọ ka, “Ohomorihi, oni ohiku anị Abụrahamị ọnịrị Ayiziiki hẹkẹ, Ohomorihi ana zụ̀ ọnị oze pooro ve tù ajịnị,

Oyinyima 48:3

Di Ijekọvụ kà a yị Ijosẹẹhụ dị ọ ka, “Ohomorihi Ochẹtẹẹngụ ộ sị ẹngụ zụ̀ ọnị ọnị mẹ̀ yà Iruzi ịnị ẹtẹ Ikanaani dị ọ mẹ̀ aduwa mị nị.

Oyinyima 5:22

Enọkị ọnịrị Ohomorihi ệ rị pooro mẹ ịrayị ịrẹkẹẹchẹhị ọ mẹ̀ hụrẹ ma Imetusẹra. Ộ rẹ vana ma ezi anọrụ ọnịrị anẹẹ.

Oyinyima 5:24

Enọkị ọnịrị Ohomorihi ệ rị, dị ọza ò yi vene re e nị, agụvị ka Ohomorihi ọ raà sị ọ si hu.

Oyinyima 6:9

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

1 Ohinọyị 2:4

Ộ kà a mị ka, ‘Ezi ewu ẹ̀ẹ zẹẹ di e si eyi pè oze amị nị, dị ẹ yaa sị avaba ayị ẹnịnị ọnịrị ivehu ẹnịnị mẹ̀ ebira ịzẹyịza ini eyi amị nị, ọ ka ọza ana vaa vị ohinọyị Anisirẹrị vị ana vaa yà ini ovwoovu amị pooro.’ ”

1 Ohinọyị 3:6

Di Isoromọnị ka, “Wa raà vayị Idevidi ada amị ana vị ozi ahụ awụ ẹtẹẹtẹrẹ anka ọnị ịnyẹmba mẹ̀ mẹ̀ ebira ini eyi awụ. Wâ yẹ ka ộ mẹ̀ ịzẹyịza ọnịrị ịsa ana vọrọ, dị ọ rẹ nyị ayị ana vọrọ ini eyi awụ nị. Avọọ ẹwụ mẹ̀ rẹ nyayịnẹ vayị anị dị u si ozi yọ ka ọ̀ rị ohinọyị tụ́ udi anị ajịnị nị.

1 Ohinọyị 8:25

Ẹnẹyịmavara Ohomorihi Anisirẹrị, navọ ịsa ọnị ụ ka wụ vaa mẹ yi Idevidi ada amị wa mẹẹ yọ. Wâ kà a yọ ka wẹ yị vaa zẹẹ ka asị ọ nyị ọza ana vaa dọ ọ ịrẹsụ ana vaa rị ohinọyị Anisirẹrị. Wụ ka wụ vavọọ vaa sị ọza yọ, ezi anị ẹ̀ẹ zẹẹ ka ẹnị ẹ̀ sị eyi pè oze awụ anka Idevidi mẹ̀ sị eyi pè oze awụ.

2 Ohinọyị 20:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ sụ ùnè ẹtẹẹtẹrẹ nị.

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ijoovu 11:7

Ọ̀ọ ka ọnị ọ zụ yẹ Ohomorihi mẹmẹ nyị ụbanyị ọnịrị ịzị ọ nyị ụkata na za nị?

Ahẹ Ụgama 115:3

Ohomorihi yà ẹbẹẹba, ịsa ene zee e eyi kẹnẹ ọọ̄ mẹ nị.

Ahẹ Ụgama 116:9

Ẹnẹyịmavara, ụ ka mà yà ịda awụ dị maa zị ụsẹ ịnị ẹhẹ beri aza ana yàra.

Ahẹ Ụgama 25:14

Ẹngụ aza ana sị ụbanyị yị Ẹnẹyịmavara Ẹnẹyịmavara ọnị rẹ vaa sị ịnẹẹ zụ̀ nị Ọ vaa kà a zụ̀ wa ịsa ọnị ọ ka ọnị vaa mẹẹ yị wa.

Ọyịkụra 6:3

Ộ kà ọnị ộ sị ẹngụ zụ̀ Abụrahamị ọnịrị Ayiziiki ne beri Ijekọvụ kà ẹnịnị ệ yẹ ka ọnị ọ vị Ohomorihi Ochẹtẹẹngụ nị. Ọ kà ama ọnị ọ yị sị ẹngụ anị zụ̀ wa ka ẹ̀ yẹ ka ọnị ọ̀ rị Ẹnẹyịmavara nị.

Ụhịrẹyị 10:9

Ẹ yị nyị ịsị ee chire ọza ana aā mẹ ịrẹyị ana vọrọ angwa ama ụvọ vee ku ọza ana a mẹ asuvu.

Ayịsaya 38:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ nyayịnẹ jị òrèrè ẹtẹẹtẹrẹ nị.

Ijeremaya 32:17

Tee, Ohomorihi Ananyị yị! Ẹwa tana ụvọ dị ụ sị ụkata awụ tụ́ ẹbẹẹba ọnịrị ẹhẹ ọnọnị nọ. Ẹ́ yị nyị ịsị ẹ katẹngụ yị ụ o.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.

Ịrịka 11:23

Dị Ẹnẹyịmavara tụ Imosiisi ohi ka ẹ yị ịsa ọnị ọnị ẹ yị zụ mẹ. O nee zi ka o vee re ka ịrẹyị ọnị ka vaa sẹ.

Ịrịka 24:16

Ohomorihi ene hu kere-kere ọ̀ sị ịrẹyị ọnọọ yị ọnị nị. Ọnịrị eyi anị o va ku ẹtẹ, dị Ẹnẹyịmavara Ochẹtẹẹngụ sị etore zụ ọnị nị.

Imatiwu 19:26

Ijeesu ô re wa, dị ọ ka ọza ọ rẹ ẹ̀ yị zụ mẹ̀ ẹ nị, ama Ohomorihi ọ zụ mẹ̀ ẹ, agụvị ka ẹ yị nyị ịsị Ohomorihi ọ̀ yị zụ mẹ.

Imatiwu 5:48

Agụvị avọọ, áa vọrọ ka wa gụ nịnị, anka Áda awụ nịnị ẹbẹẹba mẹ̀ gụ.”

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Odeyi 23:1

Dị Ịpọọrụ và eyi ká anikootu, dị ọ ka, “Ẹwụ nịnị anda ayị, mâ yẹ ka ẹ yị nyị ịsị mị mẹ anaa vọrọ ka ọ̀ jị ịvị yị ayị amị ọ́vịdị Ohomorihi pooro ve tù ajịnị.”

Odeyi 24:16

Dị maa sịị vụrị ka me re ka ayị amị ộ nị ọ́vịdị Ohomorihi ọnịrị aza nị.

Anẹhwẹsọsị 3:20

Ohomorihi ọ zụ mẹẹ yị huna ọpa oni i họ̀ use, à vị ọnị ị hyakụ ee ro, ini oze ụkata ana aa sịị mẹ̀ ụkọrọ ịnị ayị ayị.

Iwe Ọhụhị Imosiisi ana aa hị́ Ọyịvatụrọda 10:17

Ẹnẹyịmavara Ohomorihi awụ nịnị o hụụnị avaba ori nịnị ọnịrị avaba ụkata irenyi-irenyi. Ọ́ banyị, di o chi ẹtẹ ẹngụ nị. Ọnị a vọrọ ka ee hí angwa anị nị. Ọ yị mā nyị ọza re eyi, dị ọ yi mā dọ ochirerenu nị.

Iwe Ọhụhị Imosiisi ana aa hị́ Ọyịvatụrọda 18:13

Re ka waa sị ayị tụra Ẹnẹyịmavara Ohomorihi awụ nịnị ọnịnya kẹnẹ.

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.

Anihwiripi 4:13

Ma zụ mẹ avaba ịsa ini oze ụkata oni Ikirisiti aa sịị yị mị.

Anihiburu 12:28

Agụvị avọọ, à vẹ vị yaa kụ́ Ohomorihi avọ, agụvị ka ọ raà sị aha ịjọvaa yị, ana ahịka o yi zụ henyi. À vẹ ya zẹẹ ka Ohomorihi ọ̀ vayị ayị, dị ya zụ hẹkẹ ẹ ini oze ana ahịka óo zé e eyi; dị ya zụụ sị ụbanyịị yọ, dị ya rẹ zụ nyị angwahi anị!

Anihiburu 7:25

Ọza ana àa zị oze ịnị ụvọ anị vẹ ịdị Ohomorihi, ọ zụ dọ wa há ịnị ụmẹ tụra ụmẹ, agụvị ka ọ́ọ yàra pooro zịna-zịna ka ọnị ọ̀ọ da ịpẹẹ yị Ohomorihi agụvị ẹnịnị.