Oyinyima 15:7 - IWE ỌNỊNỊ

⁷ Di Ohomorihi re kà a yị Abụramị dị ọ ka: Ọnị vị Ẹnẹyịmavara ana sị ọ hụrẹ ẹkụra Ọọrị ịnị ẹtẹ Anikaridi vẹ ka ọnị ọ̀ va sị ẹtẹ ọnọnị yị ọ dị ọ̀ kụkụ vị aanị nị.

Oyinyima 15:7 ပူးပေါင်းရင်းမြစ်များ

Oyinyima 12:1

Ẹkụhị ọnya di Ẹnẹyịmavara hị́ Abụramị dị ọ kà a yọ ka: Ọ kwẹẹtẹ hụrị ẹkụra anị ana vị ịda anda anị ọnịrị eehi ada anị dị ọ̀ọ nọ ịnị ẹtẹ ọnya ọnị ọnị vaa sị zụ̀ ọ.

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 28:4

Ọ kà ọ vaa mẹ ka ò zee yị ọnịrị ezi anị anka ọ mẹ̀ mẹ ka ò zee yị Abụrahamị. Ọ rẹ ka ẹtẹ oni Ohomorihi sị yị Abụrahamị ọnị ọ vị ọzọga tụ́ ịnị aanị, ọnị ọ vaa nyị nị.”

Oyinyima 50:24

Di Ijosẹẹhụ va hị́ ẹnẹbẹnị anị dị ọ ka, “Mee vee sú. Ama Ohomorihi vaa jẹẹ wụ nịnị ịrẹma dị ọ sị wụ nịnị hụụnị ẹtẹ ọnọnị nọ ịnị ẹtẹ ọnị ọ hị́ eku ka ọnị aa sịị yị Abụrahamị ọnịrị Ayiziiki ne beri Ijekọvụ.”

Ahẹ Ụgama 105:11

Ộ kà a yị wa ka ẹnị ọnị vaa sị ẹtẹ Ikenanii yị nị, dị ahịka ẹnị ẹ kụkụ nyị ịzọọ nị.

Ahẹ Ụgama 105:42

Ohomorihi ộ vavọọ mẹ agụvị ka ộ tamayị ịrẹyị ọnị ọ kà yị Abụrahamị ozi ahụ anị ka ọnị vaa mẹ.

Ahẹ Ụgama 105:44

Ohomorihi ộ sị ẹtẹ anẹkụra ọsa yị wa, dị ahịka ẹnị ẹ vana kụ́ ogu ana aza ẹnẹsa re osiye anị nị.

Ọyịkụra 32:13

Tamayị ịrẹyị ezi ahụ awụ ẹnẹnị, Abụrahamị, Ayiziiki ọnịrị Ijekọvụ. Tamayị ka wa raà sị ụbanyị ẹngụ awụ hị́ eku ka ụ vaa mẹ ka ezi ẹnịnị ẹ̀ rụrụ anka ụzọmị ene hi ẹbẹẹba. Ụ ka ezi anị ụ vaa sị avaba ẹtẹ ọnọnịị yị nị. Ụ ka wa sị ọ ka ka ẹ yị zụ nyị ka wẹ yị vaa sịị yị wa dị ọ̀ vị ẹẹnịnị pooro na.”

Ịrịka 33:53

Dị ẹ dọ ẹtẹ ọnọọ, dị ẹ ra ịnị anị agụvị ka ọnị ọ ra sị yị wa ka ọ vị ẹẹnịnị.

Aniroomi 4:13

Ohomorihi ộ zẹẹ Abụrahamị ịzẹzẹ ka Abụrahamị ọnịrị ezi anị ẹ vaa nyị avaba ẹhẹ nị. Ẹ yị vị agụvị ka Abụrahamị ộ saasa ọda Aniju, ama agụvị ka ộ sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza ọ vavọọ sị kà a yọ nị.

Iwe Ọhụhị Imosiisi ana aa hị́ Ọyịvatụrọda 3:18

Imosiisi me re jị uwe ẹtẹ ọnọọ ta, dị ộ ka yị evere Irubẹnị ọnịrị Igadi ne beri achẹva Ịmanasẹ ka: Ẹnẹyịmavara ana vị Ohomorihi ẹnịnị ộ raa sị ẹtẹ ọnọnị yị wa. Avaba Isoja ẹnịnị e tenyi ẹngụ zi ịrẹkụ ẹnịnị ẹ jịnẹ irehu Ijodani, Isoja nịnị e hi ọvịdị.

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.