Oyinyima 15:2 - IWE ỌNỊNỊ

² Dị Abụramị ka Ẹnẹyịmavara Ohomorihi sị ọnị vị ana aa kụ́ ogu ẹnẹẹ mẹ? Ọ kà ô re ka ọnị ọ yị ma ozi. Eriyaza Anịdamasịkọsị ọnọnị ọ vaa kụ́ ogu anị aanị nị.

Oyinyima 15:2 ပူးပေါင်းရင်းမြစ်များ

Oyinyima 14:15

O mè tụ́ ịzọọ, ịjị ẹtẹ si hozi dị ọ gà ezi ahụ anị dị e pè aza ẹnẹẹ kụ̀ ịrẹkụ, dị ọ rị wa nị. Dị ọ dị ụ wa na huu na ngụ Ihoba eyi ẹbẹẹba Ịdamasịkọsị.

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Oyinyima 15:3

Dị Abụramị rẹ kà Ẹnẹyịmavara ộ yẹ ka ọnị ẹ yị sị ozi yị ọnị ma. Ọrịhị ana a ma yị ọnị aa vaa kụ́ ogu anị aanị nị.”

Oyinyima 24:10

Di ozi ahụ ọnọọ kụ́ ịnyaakụmị ọga anị ẹẹwụ, dị ọ rẹ kụ́ ogu akàaka beri ọ, di o si hu aa nọ akẹbẹẹba Imesopotamiya dị ọ nọ ẹkụra Ịnahọ̀ nị.

Oyinyima 24:2

Ẹhụhị ọnya di Abụrahamị kà a yị ozi ahụ anị ana vị ọzọkụ ana sị eyi pè avaba ịsa ọnị ọ nyị dị ọ ka, “Ọ̀ Sị ụvọ chire ọnị agada,

Oyinyima 25:21

Ose Ayiziiki vị ọbọrị, dị Ayiziiki aa dá ịpẹẹ yị Ẹnẹyịmavara nị. Ẹnẹyịmavara ộ wụ́ aduwa anị, di Irebeka ee zyẹẹ nị.

Oyinyima 39:9

Ọ rẹ ka ẹ yị kụkụ nyị ọza ana nyị ọda hu ọnị ini eehi ọnọnị. Ọ kà ẹ yị rẹ nyị ịsị ọga anị ọ̀ yị sị yị ọnị, à yị hụhụ vị ọnị ịnya kẹnẹ agụvị ka ọnị ọ vị ose anị. Ọ kà o mè ro ka ọnị ọ zụ mẹ̀ ẹngụ ebira odivi ọnọnị, ebira odivi ọbanyị ọ vị ágada Ohomorihi nị.

Oyinyima 43:19

Dị e ne tù ozi ahụ Ijosẹẹhụ, dị ẹ jẹẹ enoze di e yee pè e kà ịrẹyị nị.

Oyinyima 44:1

Ịjị ẹ vavọọ sị ịsa rị, di Ijosẹẹhụ hị́ ozi ahụ ana sị eyi pè irehi anị dị ọ ka: kụ́ akụ hi ịnị achuchu aza ẹnẹẹ nị. Ọ kà Ọpa ẹnị ẹ̀ẹ zụ za kẹnẹ, ẹ vavọọ sị akụ yị wa. Dị ẹ sị ẹkẹhị ọzọza tụ́ ịnị achuchu anịị yọ,

Ahẹ Ụgama 127:3

Ezi vi ogu ẹnị Ẹnẹyịmavara sịị yị ọza. Ize obooro ẹnịnị vị nị.

Ụhịrẹyị 13:12

Ịsa ọnị ọza e si ee tura ẹtẹ ayị anị vaa zị nị, ama ọza ene re ịsị ee si vị ọnị ayị anị hine.

Ụhịrẹyị 17:2

Ozi ahụ ana yẹ ịrẹyị vaa mẹ ọda tụra ozi anaā mẹ̀ ebira ụhị, dị a gà ogu tu ọ anka ozi avọọ.

Ayịsaya 17:1

Ịrẹyị ene vee tù Anịdamasịkọsị yị. Ẹnẹyịmavara kà ọza ọ yị kụkụ vaa yẹ ka â nyị ẹkụra ana aa hí Ịdamasịkọsị. Ịzọọ vị ana vaa jị eburu bemi-bemi.

Ayịsaya 56:5

A vaa tamayị ịrẹha awụ ini Irehi amị ọnịrị ịnị akakana aza amịị gọdọ huni wàa ma ezi ọnọrụ ọnịrị anẹẹ, ọza e yi vee hí ayị awụ”.

Ijeremaya 49:23

 nyị ẹkụra ana aā hị́ Ịdamasịkọsị. Ịrẹyị anị ọnị Ẹnẹyịmavara kà yị: Ọ kà, Anẹkụra ana aā hị́ Ihamati ọnịrị Aripadi nịnị aa hụrẹ ayịnẹ, ẹngụkata ô tu wa agụvị ka ẹnịnị ệ wụ enube ịrẹyị odivi. Ayịhụrịnẹ ọ sị wa vazi anka enyi ịnị oku avọọ, ẹnịnị ẹ́ yị zụ tụhwọ.

Odeyi 7:5

Ohomorihi ọ yị sị aha ọnyọọnyịị yọ ka ọ̀ vị áanị, ọ̀ọ hyakụ vị ahụ ọnya kẹnẹ. Ama Ohomorihi ka ẹ yị zụ nyị ka ayị vị avaba ẹtẹ ọnọọ ọnị vaa sịị yị Abụrahamị, ọnịrị ka ezi anị ịrẹma-ịrẹma ẹ vaa nyị nị. Ịnị ụmẹ oni Ohomorihi maanị sị kà, Abụrahamị ọọ̀ yị ma ozi,

Iruutu 2:6

Dị ọ tụ ohi ka, “Ozi ọnẹẹ Animowabi ana saasa Inawomi hụrẹ ẹtẹ Imowabi vẹ yọ nị.

1 Ịsamụwẹrị 1:11

Ọ kà, “Ẹnẹyịmavara Ochẹtẹẹngụ, wèe re ụya ọnị maa rị aanị, dị ụ sị ozi ọnọrụ ọnyaa yị mị, ẹwụ mị vaa varẹma sịị yị pooro ịnị avaba ẹhẹ anị nị. Mẹ yị vaa kụ́ ọ ịrẹsụ pooro.”