Oyinyima 14:3 - IWE ỌNỊNỊ

³ Ohinọyị ẹẹhị ẹnẹnị ẹnị ẹ rẹ vabẹ ini ozi ana aā hị́ Isidimi nị ịzọọ ọ kụkụ aa hị́ òkū anọ-anọ nị.

Oyinyima 14:3 ပူးပေါင်းရင်းမြစ်များ

Oyinyima 10:19

Ẹtẹ Anikenaani ộ hụrẹ Ịsịdọnị ẹbẹẹba ózee Igera dị ọ na pooro na ngụ ẹkụra Igaza nị. Ọ rẹ zi oze Isodọmị, éyi ọnị ọyị azị hụrẹ Igomora, Adima ọnịrị Izeboyimi vavọọ na ngụ ịzị aā hị́ Irasa.

Oyinyima 14:10

Ini ozi ana aā hị́ Isidimi ịzị ẹ yà aa kụ̀ ịrẹkụ aanị, ọ̀dà dụmẹ-dụmẹ vị ana gwẹtẹ ini imisi ene hi ịzọọ. Óhinọyị Anisodọmị ọnịrị ohinọyị Anigomora mèe zwe, dị ẹ na ngụ imisi ẹnẹẹ dị ẹnị ana vọ sị zwe nọ ịnị ataba nị.

Oyinyima 14:4

Ohinọyị ẹẹhị ẹnẹnị ệ vịdị hẹkẹ ohinọyị ana aā hị́ Ikedoromeri mẹ ịrayị ẹwụrẹva. Ịnị ana tụ́ ọ ịrayị ẹwụrẹta dị ẹ ka ẹnị ẹ yị kụkụ hẹkẹ ẹ nị.

Oyinyima 14:8

Di Ohinọyị Anisodọmị ọnịrị ohinọyị Anigomora ne beri ohinọyị Anibera ana a rẹẹ̄ hị́ Izowa ẹnị rẹ kụ́ ịrẹkụ ẹnịnị di ẹ yaa nọ Isidimi nị. Aza ene e ne

Oyinyima 19:24

Dị Ẹnẹyịmavara zụ̀ ịra ana a sị ohuru tụ́ hi ịnị ẹkụra Isodọmị ọnịrị Igomora nị. Ẹbẹẹba Ẹnẹyịmavara zụ̀ ọ hụrẹ vẹ nị.

Ahẹ Ụgama 107:34

dị ẹtẹ ana vịdị aa mẹ̀ ịsa ọ̀ vara ẹtẹ anọ-anọ ẹnẹ ẹ̀ yị kụkụ zụ mẹ̀ ịsa. Ebira edivi ana aza ana ra hi ịzọọ aa mẹ ọ mẹ ka Ohomorihi ọ̀ vavọọ mẹ ịzọọ nị.

Ịrịka 34:12

Avọọ ẹhwị ẹtẹ ọnọọ mẹ na ngụ Okuha Ịjọdanị parahu na jẹẹ Irehu Anọ. Avaba ẹhwị ẹtẹ Anisirẹrị jesi kara ọ vị ọnọọ nị.

Iwe Ọhụhị Imosiisi ana aa hị́ Ọyịvatụrọda 3:17

Ẹtẹ ẹnịnị ọ za inozi ana kara Ijodani. Ẹgẹ anị eyi ịzị ọyịị̄ ngụ ẹtẹ vị Òkū Igariri na ngụ Òkū Anọ ana gụrị ataba Ipisiga eyi ịzị ọyịị̄ kwẹẹtẹ.

Ijosuwa 3:16

Ẹ mẹ jị ahụ ngụ ọ kẹnẹ enyi ana kụ́ ọhara chi vẹ jẹẹ saka-saka nị. Dị enyi ka jẹẹ anka ugene hụrẹ ẹkụra ana a hị́ Adamị ọ gụrị Izaretani. Dị Anisirẹrị zị ụsẹ ịrẹsụ ẹtẹ ọyịwụ jịnẹ ịrẹhụ ọ gụrị Ijeriko nị.