Oyinyima 13:8 - IWE ỌNỊNỊ

⁸ Ẹkụhị ọnya di Abụramị va hị́ Ịrọọtị dị ọ kà a yọ ka: Ẹ yị vọrọ ka ọnịrị ọ ọ̀ọ zyaazị. Ọ kà a yị rẹ vọrọ ka aza ana aa kụ́ ịsụpa ọnịrị ọ rị ẹ̀ẹ zyaazị. Ọ kà ộ yẹ ka anda ẹnị vị nị.

Oyinyima 13:8 ပူးပေါင်းရင်းမြစ်များ

Oyinyima 13:9

Dị ọ rẹ ka aanị ka ẹ yị vị ẹtẹ ọ tịtẹ ẹnị re aanị. Ọ kà ọ da okokooro anị oni èe sì dị ọ̀ọ nọ ịzọọ dị ọnị ọ rẹ yà aha anị. Ọ kà ọọ ka ọnị aa sị eyi ụvọrị, dị ọnị sị eyi ụvọha. Ọ̀ọ va ka ọnị aa sị eyi ụvọha, dị ọnị sị eyi ụvọrị.

Oyinyima 14:14

Abụramị mẹ̀ maanị wụ́ ka a raà za ozi ọyịnyara anị ịnị ịrẹkụ dị ọ kụ́ aza anị ọnị ọ raà zụ eyi ịrẹkụ dị ọ kụ́ wa aa na nị. Aza ẹnẹẹ vị ana a ma ini eehi ịda anị. Ẹnịnị vị ịrẹkẹẹchẹhị tụra ẹwụrịhịnta. (318) Dị ẹ dị ụ aza ẹnẹẹ huu na ngụ Ịdaanị nị.

Oyinyima 45:24

Dị ọ ka ẹnẹbẹnị anị ẹ̀ vaa na nị. Ẹ màa na, di Ijosẹẹhụ kà a yị wa dị ọ ka, “Asị ẹ na zyaazị ózee o!”

Oyinyima 46:34

dị ẹ̀ kà a yọ ka ẹ mẹ̀ hụrẹ vi ozweyi ẹẹ̄ pá ịsụpa pooro ve tù ọyaanị nị. Ọ kà ẹ̀ kà a ka ụkọrọ ẹnịrị ohiku ẹnịnị ọ vị ọnọọ nị. Ọ kà ẹẹ̀ vavọọ ka, ọ vaa zẹẹ ka ẹ̀ ra Igoseni. Ọ kà avaba aza anaā pá ịsụpa vị anị Anijipiti nini nyị ịsị anị”.

Ahẹ Ụgama 133:1

Aza ana vị anda èe dudu ra vabẹ di ẹ̀ yị nyị ahankata nị, ộ dà zoza kẹnẹ!

Ọyịkụra 2:13

Ịhị ọsa ọ rẹ jịnẹ nọ ẹhẹ. Dị ọ na hụrẹ hi Anihiburu ẹẹva aa zyaazị nị. Dị ọ hị́ ọza ene sì ịrẹyị di aa kà a yọ dị ọ ka: Sị ẹ vẹ di ee tụ́ ọhụva anị?

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

Ụhịrẹyị 15:18

Ọnọyịkụ vị anaā kụ́ ahankata hi ẹtẹ ama ọza ọnị ayị anị nẹtẹ oo ji ịrazị nị.

Ụhịrẹyị 20:3

Ọza enee zwe yị ịrẹyị vị ana sị ụbanyị yị ẹngụ anị, ama ọnụra kẹnẹ o si ka ọnịrị ọza ẹ zyaazị nị.

Imatiwu 5:9

Aza eneē sì ẹngwọọrọ vaa daa jẹ, agụvị ka Ohomorihi vaa hị́ wa ezi anị.

Odeyi 7:26

Eyinẹhẹ anị, o re ne tù ka Anisirẹrị ẹẹva aa zyaazị. Dị ọ ka oni ee nee ji wa nị. Dị ọ ka: ‘Ẹwụ nịnị ẹyịnyara amị, ẹyịnyara ụ vị nịnị nị, sị ẹ vẹ dị ụ waa chamayịị yị ẹngụ nịnị?’

Aniroomi 12:10

Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.

Anihwiripi 2:14

Ịsa tụra ịsa ọnị ụ wàa mẹ, asị ụ rị ihuhu, asị ụ rẹ nyị ahankata tụ́ ọ nịnị.

1 Anịtẹsaronika 4:9

Ẹ yị kụkụ nyị ka ma rẹẹ chẹrẹ iwee tụ́ụ hi wu nịnị ka wee sì ịrẹyị ẹngụ nịnị. Ohomorihi ọ raà sị zụ̀ ẹwụ nịnị ụvọta ka wee sì ịrẹyị ẹngụ nịnị.

Anihiburu 12:14

Sị vụrị, di u we re ka wáa sị ẹngwọọrọ pe aza aa mẹ; dị ụ wa rẹ sị vụrị di u we re ka waa mẹ̀ ebira ọnịnị nịnị! Agụvị ka aza ẹnẹ ẹ̀yị vavọọ mẹ, eyi ve zuu re Ananyị yị.

Anihiburu 13:1

Ẹwụ nịnị ana vị ẹyịnyara ini Ikirisiti, wee yii sì ịrẹyị ẹngụ nịnị!

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.

1Ipita 2:17

Sị ụbanyị yị avaba aza. Sì ịrẹyị ọdọwụ anda awụ nịnị. We yii hí angwa Ohomorihi nịnị. Sị ụbanyị yị ohirẹsụ ẹkụra nịnị.

1Ipita 3:8

Dị ma za ịrẹyị amị ẹtẹ, sị ayị yị ẹngụ nịnị, waa ngụ ayị ẹngụ nịnị, di u wee sì ịrẹyị ẹngụ nịnị, agụvị ka ẹwụ nịnị ọdọwụ vị ẹyịnyara. Vayị ẹngụ nịnị, dị ụ wa kà ẹngụ awụ nịnị chí.

1Ipita 4:8

Ịsị e hu keekere yị: Wee sì ịrẹyị ẹngụ nịnị pooro, agụvị ka wèe sì ịrẹyị ẹngụ nịnị, ọ vaa mẹ ka à vagu ịvị ọrụrụ-ọrụrụ.

2Ipita 1:7

Sì ịrẹyị aza anka ẹyịnyara awụ tụ́ ini ebira ene zé Ohomorihi eyi ọnị ụ nyị! Rẹ vaka ọnọọ, sị vụrị di u we sì ịrẹyị aza anka Ohomorihi mè sì ịrẹyị ẹnịnị.

1 Ịjọọnụ 4:7

Ẹwụ nịnị anda ayị, à navọ yee sì ịrẹyị ẹngụ nịnị, agụvị ka ịrẹyị ọza ò yi sì vị ana hụụ ịdị Ohomorihi vẹ. Ọza ene èe sì ịrẹyị ọza vị ozi Ohomorihi, ọnị ọ yẹ Ohomorihi nị

Ọdọvịdị 9:26

Ịnị ụmẹ ọnọọ, Ịgaarị ọnịrị ẹyịnyara anị sị va ra Ịsẹkẹmị nị. Dị Anịsẹkẹmị nịnị sị ayị ẹnịnị tụra a nị.