Oyinyima 13:7 - IWE ỌNỊNỊ

⁷ Di aza ana aa kụ́ ịsụpa Abụramị rị ọnịrị aza ana aa kụ́ Ịrọọtị rị kụkụ aa zyaazị nị. Ụmẹ ọnọọ Anikenaani ọnịrị Aniperizi nịnị ẹnị re hi ịnị ẹtẹ ọnọọ.

Oyinyima 13:7 ပူးပေါင်းရင်းမြစ်များ

Oyinyima 10:19

Ẹtẹ Anikenaani ộ hụrẹ Ịsịdọnị ẹbẹẹba ózee Igera dị ọ na pooro na ngụ ẹkụra Igaza nị. Ọ rẹ zi oze Isodọmị, éyi ọnị ọyị azị hụrẹ Igomora, Adima ọnịrị Izeboyimi vavọọ na ngụ ịzị aā hị́ Irasa.

Oyinyima 12:6

di Abụramị che ẹtẹ ọnọọ na para hu na ngụ ịzị aā hị́ Ịsẹkẹmị, dị ọ na ngụ iruvo ọchị Imore nị. Ịnị ụmẹ ọnọọ Anikenaani nịnị ẹ vị anịzọọ nị.

Oyinyima 21:25

Ụmẹ ọnya Abụrahamị ộ sị ịrẹyị ezi ahụ Abimẹrẹkị na tụ́ Abimẹrẹkị ịrẹka. Ezi ahụ Abimẹrẹkị ẹ raà sị ụkata dọ ịkangga ana aza Abụrahamị chị.

Oyinyima 26:20

Di Anigerari ana aa kụ́ ịsụpaa rị ee pe aza Ayiziiki ana raa kụ́ ịsụpaa rị zune ịkangga ọnọọ nị. Ẹnịnị ka ẹnị ẹ nyị enyi ọnọọ nị. Agụvị avọọ di Ayiziiki ka ịkangga ọnọọ ọ rị “Ịkangga Ịrazị” nị, agụvị ka ê pe e zune e.

Oyinyima 34:30

Di Ijekọvụ va hị́ Isimiyọnị ọnịrị Ireevi dị ọ ka, “Ẹ̀ẹ yẹ ka ịrẹyị ẹ na dà va tụra ẹnị ịrẹsụ aanị nị. Anikenaani ọnịrị Aniperizi ene hi ịzẹnị ẹ yị kụkụ vaa sị eyi ọyịza re ẹnị. Ọ kà ẹ yị nyị ọnị yà. Ọ kà ẹ̀ẹ vabẹ dị ẹ baku ọnị nị, aā vi e yee vú ọnịrị aza anị ẹtẹ.”

Oyinyima 46:34

dị ẹ̀ kà a yọ ka ẹ mẹ̀ hụrẹ vi ozweyi ẹẹ̄ pá ịsụpa pooro ve tù ọyaanị nị. Ọ kà ẹ̀ kà a ka ụkọrọ ẹnịrị ohiku ẹnịnị ọ vị ọnọọ nị. Ọ kà ẹẹ̀ vavọọ ka, ọ vaa zẹẹ ka ẹ̀ ra Igoseni. Ọ kà avaba aza anaā pá ịsụpa vị anị Anijipiti nini nyị ịsị anị”.

Inehemaya 5:9

Dị mị kà a yị wa ka; ịsị ẹyaa mẹ aanị e yi zoza o. Â vọrọ ka ẹnịnị è hí angwahi Ohomorihi ịnị ịsị ẹ̀ẹ yaa mẹ, agụvị enyinyi anẹkụra ana vọ ana vị ọnịvị ẹnịnị.

Ọyịkụra 2:17

Dị aza ana aā kụ́ ịsụpaa rị vẹ dị ẹ dụ ezi anẹẹ ẹnẹẹ hụụ ịzọọ nị. Di Imosiisi va na dọ wa tụ́, di o pè wa ká enyi yị atẹmẹ ọnịrị ẹvụ ẹnịnị nị.

Ụhịrẹyị 20:3

Ọza enee zwe yị ịrẹyị vị ana sị ụbanyị yị ẹngụ anị, ama ọnụra kẹnẹ o si ka ọnịrị ọza ẹ zyaazị nị.

Ịmaakị 3:25

Àa rẹ nyị irehi ana gà hi dị ẹ và eyi kà ẹngụ nị, irehi ọnọọ ọ yị zụ kwẹẹtẹ.

1 Anịkọrịntị 3:3

agụvị ka ụ waa yịị mẹ̀ ebira anka aza kẹnẹ ene hi ịnị ẹhẹ ọnọnị nị. Waa yịị kụ̀ ụhị nịnị, ụ raa zyaazị nịnị. Ọnọọ ọ́ọ sị zụ̀ ka vụ ụ yị yà anka aza kẹnẹ ene hi ịnị ẹhẹ nịnị nị.

Anigaratiya 5:20

dị ẹyaa hẹkẹ ori, dị ẹ rẹ yaa mẹ ẹbẹ, dị ẹyaa kụ́ ayị ọza, dị ẹyaa zyaazị, dị ẹyaa mẹ eyọhụrẹ, dị ẹyaa kụ́ ayị, dị ẹ rẹ yaa há ọhọha, dị ẹ sị ẹngụ ẹnịnị jị ịrịnya, dị ẹyaa há azaa hi,

Anikorasi 4:5

Yẹ, ụ mẹmẹẹ sị ịrẹyọyẹẹ mẹ ebiraa hi aza ẹnẹ ẹ̀ yị vị ọdọwụ. Re ka we yi du ụmẹ ha nịnị.

1 Anịtẹsaronika 4:12

Wàa vavọọ aa mẹ nịnị, aza ẹnẹ ẹ̀yị vị ọdọwụ vaa sị ụbanyịị wụ nịnị, di u weyi che ayị za ọza nịnị.

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

Ijemiisi 3:16

Ịzị aza ẹ̀ẹ yà aa kụ̀ ụhị, dị ahịka ẹngụ ẹnịnị kẹnẹ e re sì ọyịza yị nị, ezigi ọnịrị ịsa edivi ẹ mā ta hụụ ịzọọ.

Ijemiisi 4:1

Sị ẹẹ̄ kụ́ ịrẹkụụ vẹ, sị ẹẹ̄ mẹ ka waa zyaazị nịnị? Iruvo ịrazị awụ nịnị ọ vị ka ayị awụ nịnị ọ yị nẹtẹ agụvị oyisì odivi ẹngụ awụ nịnị.

1Ipita 2:12

Waa mẹ̀ ebira ọyịza, ụ mẹ yà ịnị akakana anarịmadọwụ nịnị aanị. Aza ẹnẹẹ ẹ̀ẹ daka aa kà ịrẹyị odivi awụ nịnị, áa vọrọ ka è zụ ré ebira ọyịza awụ nịnị, dị ẹ̀ zụ sị ụga yị Ohomorihi ịnị ẹkụhị oni òo ve tù wa.