Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Oyinyima 13:2 - IWE ỌNỊNỊ

2 Abụramị vị ọzọbanyị ẹtẹẹtẹrẹ. Ộ nyị imaaru, ọnịrị atẹmẹ beri ẹvụ dị ọ rẹ nyị igooru ọnịrị enyusẹ ẹkẹhị-ẹkẹhị nị.

အခန်းကိုကြည့်ပါ။ ကော်ပီ




Oyinyima 13:2
17 ပူးပေါင်းရင်းမြစ်များ  

Di Ohinọyị hụ agụvị Isarayi di aa mẹ̀ ebira ozozaa hi Abụramị nị. Dị ọ kụ́ atẹmẹ, ẹvụ, imaaru, ịkẹrịkẹtẹ araka, ọnyị ịkẹrịkẹtẹ ne beri ịnyaakụmị ezi ahụ anọrụ ọnịrị anẹẹ dị ọ kụ́ wa yị Abụramị nị.


Ẹtẹ ọnọọ ọ yị kụkụ dọ ẹnịrị Abụramị. Ogu ẹnịnị ọ sị rụrụ baaba, avị ene hi ịzọọ ọ yị kụkụ hụ ịsụpa ẹnịnị gà rị.


Abụrahamị o si bo ẹtẹẹtẹrẹ. Ẹnẹyịmavara vị ana mẹ ka ọ̀ nyayịnẹ zee yị Abụrahamị ini oze tụra oze.


Ẹnẹyịmavara ọ raà mẹ ka ò zee yị ọga anị ẹtẹẹtẹrẹ. Ọ kà ọga anị ọ sị vara ọzọbanyị. Ohomorihi ộ kụ́ ịsụpa mẹ̀ ẹ ẹyịza: atẹmẹ, ẹvụ ọnịrị imaaru. Ọ rẹ nyị ịnyaakụmị ọnịrị ịkẹrịkẹtẹ. Avọọ ọ mẹ̀ rẹ nyị igooru, isiriva, ezi ahụ ọnọrụ ọnịrị anẹẹ vị ọnị ọ rẹ nyinyi.


Ộ nyị atẹmẹ ọnịrị imaaru rụrụ. Avọọ ọ mẹ̀ rẹ nyị ezi ahụ nị. Ụbanyị anị ọnọnị ộ mẹ̀ ka Anihwirisiti è kukuu pè e kụ́ ụ̄hị́.


Aanị Ijekọvụ mẹ̀ mẹ dị ọ vara ọzọbanyị rawụ-rawụ nị. Ộ nyị ịsụpa ẹtẹẹtẹrẹ, avọọ ọ mẹ̀ rẹ nyị ezi ahụ, ịnyaakụmị ọnịrị ịkẹrịkẹtẹ nị.


Wee sere ọnịrị aza anị ne beri ogu ọnị ọ nyị. Dị ụ mẹ ka ẹhẹ anị oo zee yọ nị. Dị ọ ka Ẹnẹyịmavara ò re ogu ọnị Ijoovu nyị aanị.


Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.


Ẹnẹyịmavara ọ ga ize tu ọza, ọ mā nyị ayodu.


Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.


Tamayị ka Ẹnẹyịmavara Ohomorihi awụ nịnị ọ̀ sị ụkata yị wụ nịnị ọnị u sị nyị ẹkẹhị awụ nịnị nị. Ọ vavọọ mẹẹ ịsa ẹnẹnị agụvị ka ọ̀ vịdị ka tịtẹ dị ọ hị́ eku tụ ọ yị ohiku ẹnịnị nị.


Ọza èee tenyi ọchẹngụ anị, ọ́ọ nyị ọgụ chee. Ama ọza èee tenyi ebira ini oze ene zé Ohomorihi eyi, ọ́ọ nyị ọgụ ini oze tụra oze; agụvị ka ọ vaa mẹ ka ọza ọnọọ ọ̀ ra ẹhẹ obooro ịnị ẹhẹ ọnọnị ọnịrị ịnị ẹhẹ ana aa vẹ.


Ẹnẹyịmavara ọ zụ mẹ ka aza ẹnyị ẹ̀ vị onosiye, dị ọsa ẹ̀ vị ọzọbanyị nị. Ọnị ọ kà aza ẹnyịị chi, dị ọ kà ọsa hịrẹ nị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ