Oyinyima 13:16 - IWE ỌNỊNỊ

¹⁶ Ọ kà ọnị vaa mẹ ka ịpa anị ẹ̀ rụrụ anka ezi ene hi ịnị ẹhẹ. Ọ kà ọza ana àa zụ za ezi ịrịka ọ rẹ va zụụ za ịpa anị nịnị ịrịka nị.

Oyinyima 13:16 ပူးပေါင်းရင်းမြစ်များ

Oyinyima 15:5

Di Ohomorihi sị Abụramị jịnẹ nọ ẹhẹ dị ọ kà a yọ ka: Ò Re ẹbẹẹba di a re, ọ̀ọ zụ za ụzọmị ẹnẹẹ ịrịka ọ za a. Dị ọ rẹ kà a yọ ka avọọ ezi anị ịrẹma-ịrẹma mẹ̀ vaa rụrụ nị.

Oyinyima 16:10

Di Anggẹẹrị Ẹnẹyịmavara ọnọọ rẹ kà a yọ ka: Ọnị vaa mẹ ka ịpa ezi anị ẹ̀ rụrụ ẹtẹẹtẹrẹ ana ahịka ọza ọ yị va zụụ za wa ịrịka.

Oyinyima 17:16

Ọ rẹ ka ọnị vaa mẹ ka ò zee yọ, dị ọnị mẹ ka ọ̀ ma ozi ọnọrụ ọnyaa yị ọ. Ọ kà ọnị vaa mẹ ka ò zee yọ, ọnyị anẹkụra ọrụrụ ọ vaa vị nị. Ẹnyị ini ezi anị vaa vị ohinọyị.

Oyinyima 17:2

Ọ rẹ ka ịrẹyị ọnị ọnị pè e kà tịtẹ ọnị vaa jẹẹ pè e. Ọ kà ọnị rẹ vaa mẹ ka ịpa anị ẹ̀ rụrụ ẹtẹẹtẹrẹ.

Oyinyima 17:20

Ọ rẹ ka ini oze ịrẹyị Isimẹrị, ọnị ọ wụ́ ịrẹyị ọnị ọ kà. Ọ kà ọnị rẹ vaa mẹ ka ò re zee yị ọnị, dị ọnị rẹ ha, dị ọ rụrụ ẹtẹẹtẹrẹ. Ọ vaa ma ezi ẹwụrẹva dị ẹnịnị vị ohinọyị. Ohomorihi ka ọnị rẹ vaa mẹ ka ọnị ọ̀ rẹ vị anẹkụra ọbanyị.

Oyinyima 17:6

Ezi anị vaa rụrụ ẹnẹmẹhị, anẹkụra ọrụrụ vaa zị oze ịpa awụụ haa hi ẹhẹ. Ezi anị ẹnyị vaa vị ohinọyị.

Oyinyima 18:18

Abụrahamị ọnọnị ọ vaa vara anẹkụra ọbanyị ana nyị ụkata nị. Avaba anẹhẹ vaa mẹ̀ aduwa ka ò zee yi ẹnị anka o mè zee yi Abụrahamị.

Oyinyima 21:13

Ohomorihi rẹ ka ọnị rẹ vị vaa mẹ ka ozi ọnẹẹ ọrịhị ọnọọ ọ̀ vi anẹkụra ọbanyị agụvị ka ịpa Abụrahamị ọ chị hụrẹ nị.

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

Oyinyima 28:3

Di ọ mẹ̀ aduwa yọ dị ọ ka Ohomorihi Ochẹtẹẹngụ vaa mẹ ka ò zee yọ, dị ọ mẹ ka ọ ma ozi ẹtẹẹtẹrẹ. Ezi ewu ẹ vaa vị ohiku anẹkụra ọrụrụ-ọrụrụ nị.

Oyinyima 32:12

Dị ọ ka aarịhịnị ọ̀ tamayị ka ọ sị ọ kà ka ọnị vaa mẹ̀ ọnị ọyịza, dị ọ̀ mẹ ka ezi anị ịrẹma-ịrẹma ẹ̀ rụrụ anka ààrẹ ụtọ ókụ̄ ana ahịka ọza ọ yị zụ za ịrịka.”

Oyinyima 32:13

Ijekọvụ vị ana na aa sụ ịzọọ ịhị ọnọọ. Dị ọ nyị hụụnị ogu anị ka ọnị ọ̀ si mẹ Iisọ ẹyịza nị.

Oyinyima 35:11

Di Ohomorihi rẹ kà a yọ dị ọ ka, “Ọnị ọ vị Ohomorihi Ochẹtẹẹngụ nị. Ọ kà ọọ̄ ma ezi dị ẹ̀ẹ rụrụ. Dị ọ rẹ ka ezi anị ẹ vaa vị ohiku anẹkụra ọrụrụ-ọrụrụ nị. Ọ kà ezi anị ẹnyị vaa vị ohinọyị.

Oyinyima 46:3

Di Ohomorihi ka, “Ọnị ọ̀ vị Ohomorihi ana ada Ijekọvụ hẹkẹ nị. Ọ kà ọ màa nọ Ijipiti aanị, asị o hí angwa, ka ọnị vaa mẹ ka ọ̀ vara anẹkụra ọbanyị tụ́ ịzọọ.

1 Ohinọyị 3:8

Ẹmị ozi ahụ awụ vị ana yà ini akakana aza awụ ọnị ụ nyị ka ẹ̀ vị awụ. Aza ẹ rụrụ ẹ vị nị. Ọza ọ yị hyakụ zụ za wa ịrịka ẹ mẹ rụrụ pooro.

1 Ohinọyị 4:20

Anijuda ọnịrị Anijerusarẹmị ệ rụrụ anka ààrẹ ụtọ ókụ̄. Ẹnịnị vị ana aa rị, di eyee hú, dị ẹ yaa mẹrị.

2 Ohinọyị 13:23

Ẹnẹyịmavara ộ vayị ẹnịnị, dị ọ mẹ ọyịza yị wa nị. Ẹ yị zẹẹ ka è vu wa ẹtẹ; ama ộ mẹ̀ ọgụvọ yị wa agụvị oto oni o wo yị Abụrahamị, Ayiziiki, ọnịrị Ijekọvụ. Ẹnẹyịmavara e yi hi ayị aza anị.

1 Ịtọpa 21:5

Ộ kà a yị ohinọyị Idevidi ịrịka anọrụ ya ana zụ mẹ̀ ụkọrọ isoja. Ọ kà hụrị ẹtẹ Isirẹrị kẹnẹ vị aza ẹnị imiriyọnị ọnya tụra akawụ-akawụ oze ẹvarẹwụ (1,100,000). Hụrị ẹtẹ Ijuda, dị a nyị aza ẹnị akawụ-akawụ oze ịrẹka tụra ohurẹẹwụ tụra ẹẹhị (470,000).

1 Ịtọpa 27:23

Ohinọyị Idevidi ẹ yị za aza ẹnẹ ẹ̀ yị gụ ịrayị oohu ịrịka, agụvị oto ọnị Ẹnẹyịmavara wo ka ọnị va mẹ ka ezi Anisirẹrị ẹ̀ rụrụ anka ụzọmị ene hi ẹbẹẹba.

2 Ịtọpa 1:9

Ọ kà a Ẹnẹyịmavara Ohomorihi ọ navọ kwoogwo ọ mẹ̀ ịsa ọnị ọ ka yị ada anị booro aanị agụvị ka ộ raà sị ọnị mẹ̀ ohinọyị tụra aza otomiroku ọnị ọza ẹ yị yẹ za ịrịka.

Ijoovu 5:25

Ezi ewu vi ana vaa rụrụ, di evere awụ chaka ku ẹhẹ anka avị.

Ọyịkụra 1:7

Ama Anisirẹrị nịnị vị ana nyayịnẹ ha ẹnẹmẹhị. Ẹnịnị ệ rụrụ ẹtẹẹtẹrẹ dị ẹ kụkụ gwẹtẹ kẹnẹ nị.

Ọyịkụra 32:13

Tamayị ịrẹyị ezi ahụ awụ ẹnẹnị, Abụrahamị, Ayiziiki ọnịrị Ijekọvụ. Tamayị ka wa raà sị ụbanyị ẹngụ awụ hị́ eku ka ụ vaa mẹ ka ezi ẹnịnị ẹ̀ rụrụ anka ụzọmị ene hi ẹbẹẹba. Ụ ka ezi anị ụ vaa sị avaba ẹtẹ ọnọnịị yị nị. Ụ ka wa sị ọ ka ka ẹ yị zụ nyị ka wẹ yị vaa sịị yị wa dị ọ̀ vị ẹẹnịnị pooro na.”

Ijeremaya 33:22

Ẹnẹyịmavara kà, ọza ẹ̀ yị mẹ zụ zá ụzọmị ene hi ẹbẹẹba ịrịka, dị ọza ẹ̀ yi rẹ zụ ngọ ààrẹ ụtọ ókụ̄ avọọ, avọọ gẹdẹ-gẹdẹ ọnị mẹ vaa mẹ ka ezi Idevidi ọnịrị Anireevi ana vị ohirẹsụ irehi Ohomorihi ka ẹ̀ rụrụ dị ọza ẹ́ yị zụ zá wa ịrịka nị.

Ịrịka 23:10

Ẹnịnị ẹ rụrụ anka ezi ịnị eteesu. Ẹnẹ zụ za wa ịrịka? Navọ ọnị o su usu ẹngwọọrọ ọnịrẹyịzẹyịza, dị ẹtaha anị ọ ya anka Anisirẹrị.

Iwe Ọhụhị Imosiisi ana aa hị́ Ọyịvatụrọda 1:10

Ẹnẹyịmavara ana vị Ohomorihi ẹnịnị, ộ raa mẹ̀ wa rụrụ anka ụzọmị ịnị eguhi.

Anihiburu 11:12

Ịnị ụmẹ ọnọọ, Abụrahamị ộ ta bo, ọ hyakụ e vee sú. Ama ọnị ọyị va ma ezi ana ahịka ẹẹ rụrụ anka ụzọmị, dị ẹ rẹ rụrụ anka ààrẹ ụtọ ókụ̄ ọnị ọza ọ̀yị zụ za ịrịka nị.

Ẹtore 7:9

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.

Ọdọvịdị 6:3

Ụmẹ ọnị Anisirẹrị nịnị ẹ̀ẹ sị chire ịsa tụ ịnị aarẹ, dị Animidiya beri Anamarẹkị ẹnịrị anẹkụra nịnị ene hi eyi ịzị ọyịị̄ vẹ rẹ kụ ịrẹkụ tu wa.

Ọdọvịdị 6:5

Ẹnịnị àa vẹ dị ẹ kụ ịsụpa ọnịrị ajẹngụ ẹnịnị, dị ẹ rụrụ anka akụvarịva avọọ. Ọza ẹ yị zụ za wa ịrịka ẹ mẹ rụrụ ẹnẹmẹhị, di e du ẹtẹ nị.