Oyinyima 12:7 - IWE ỌNỊNỊ

⁷ Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 12:7 ပူးပေါင်းရင်းမြစ်များ

Anigaratiya 3:16

Avọọ Óhomorihi mẹ̀ kà a ka ayị zụ nyị ka ọnị ọyị vaa mẹ̀ ịsa ọrụrụ-ọrụrụ yị Abụrahamị ọnịrị ozi anị nị. Iwe Ohomorihi ọyị kà a ka: “yị ezi ewu nịnị”, anka aza ọrụrụ, ama ọ ka: “yị ozi ewu,” ọnị ọ vị ka ọza ịnya ọ vị nị, ana vị Ikirisiti.

Oyinyima 17:8

Ẹtẹ ọnị ọ yà ịnị anị aanị vị ọnị ọnị vaa sịị yị ọnịrị ezi anị ịrẹma-ịrẹma. Ọ kà ọnị ka avaba ẹtẹ Ikanaani ọnị vaa sịị yọ di ahịka ọnị ọ kụkụ nyị pooro nị. Ọ rẹ ka ọnị ọ vaa vị Ohomorihi ẹnịnị nị.”

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Oyinyima 18:1

Ẹkụhị ọnya, ịnị ụmẹ ọọdụ gàaga, dị Abụrahamị yaayịtẹ enoze ajẹngụ anị iruvo ọchị Imamire nị. Ọ mẹ̀ vavọọ ya ịzọọ, dị Ẹnẹyịmavara rẹ sị ẹngụ zụ ọ nị.

Oyinyima 13:15

Ọ kà avaba ẹtẹ ọnị ọ maanị re aanị ọnị ne beri Ụnanka anị ịrẹma-ịrẹma ọnị vaa sịị yị, dị ọ vị ẹẹnịnị pooro zịna-zịna nị.

Oyinyima 13:4

Ô vịdị mẹ aha ịsọvọ tụ́ ịzọọ, dị aa hẹkẹ Ẹnẹyịmavara ịzọọ nị.

Oyinyima 13:18

Dị Abụramị kú ajẹngụ anị dị ọ va yà iruvo ọchị. Ụbazị Edẹnị: A ka ụbazị Ẹnẹyịmavara, aroni Imamire ịnị ẹkụra Ihebirọnị nị. Dị ọ mẹ aha ịsọvọ tụ́ ịzọọ yị Ẹnẹyịmavara nị.

Ọyịkụra 33:1

Ẹnẹyịmavara ộ kà a yi Imosiisi dị ọ ka ọ̀ kwẹẹtẹ dị ọ̀ kụ́ aza ọnị ọ kụ́ hụrẹ Ijipiti aa vẹ dị ẹ̀ẹ nọ ịnị ẹtẹ ọnị ọnị kà a ka ọnị hị́ eku ka ọnị vaa sịị yị Abụrahamị, Ayiziiki ọnịrị Ijekọvụ. Ọ kà ọnị ọ sị ọ kà ka ezi anị ịrẹma-ịrẹma ọnị vaa sị ẹtẹ ọnọọ yị nị.

Oyinyima 32:30

Di Ijekọvụ kụkụ aa hị́ ịzọọ Ipeniyeri nị. Ọ kà, “Ọnị ô re Ohomorihi eyi gẹrị eyi, ama ọnị o rè vee sú.”

Oyinyima 26:25

Di Ayiziiki hi ụta tụ́ ịzọọ, di aa mẹ̀ aduwa hi Ẹnẹyịmavara nị. Dị ọ jị ajẹngụ anị tụ́ ịzọọ nị. Di ezi ahụ anị rẹ chị ịkangga tụ́ ịzọọ nị.

Ịrịka 32:11

ẹ yị vaa nyị ọza ẹhụ ịrayị oohu da a va hịrẹ ịnị ẹngụ ẹnịnị ana hụrị Ijipiti ene vee re ẹtẹ ọnị ọnị wo oto anị yị Abụrahamị, ọnịrị Ayiziiki ne beri Ijekọvụ. Ịrẹyị ọ́ maanị tu wa agụvị ka ẹnịnị ẹ yị sị ayị ọnya saasa ọnị.

Oyinyima 12:8

Abụramị ộ kà nọ ịnị ataba ana yà eyi ọnị ọyịị̄ zịị hụrẹ Ị́bẹtẹrị, dị ọ jị ajẹngụ tụ́ ịzọọ nị. Ajẹngụ anị vị ana yà ịnị akakana Ịbẹtẹrị ọnịrị Àyị Ộ navọ Ịbẹtẹrị tụ́ oze ọnị ọyịị̄ zịị ngụ ẹtẹ, di Àyị ọnị yà oze ọnị ọyịị̄ zịị hụrẹ nị. Di o re mẹ aha ịsọvọ tụ́ ịzọọ yị Ẹnẹyịmavara dị aa mẹ̀ aduwa ịzọọ nị.

Anihiburu 11:13

Avaba aza ẹnị ị kà aanị, vị ana sị ayị tụra Ohomorihi pooro di e vee sú. Ẹnịnị ẹ yị dọ ịsa oni Ohomorihi hị́ eku anị; ama ẹ́ jẹẹ ẹnẹẹnẹ re ịsa ẹnẹẹ, dị ẹ sị ịrajẹ zí ọ eyi nị. Ẹnị ụvọta ẹ́ dọ ka ọzọga ẹnị vị tụ́ ịnị ẹhẹ nị.

Aniroomi 9:8

Ọnọọ ọ vị ka ẹ yị vị avaba ezi ana ẹ yị ma yị Abụrahamị kẹnẹ, ẹ vị ezi Ohomorihi. Ama ezi ọnị vịdị sị ịzẹzẹ anị zẹẹ ka Abụrahamị vaa ma, dị ọ va ma wa, ẹnị ẹ vị ezi anị obooro nị.

Oyinyima 22:9

Ịjị e tù ịzị Ohomorihi kà yị Abụrahamị, dị Abụrahamị mẹ aha ụta ịsọvọ ọnya tụ́ ịzọọ nị. Dị ọ tụ́ ọkụ ọnọọ hi ọ, dị ọ sị Ayiziiki ozi anị dị ọ sụ́ ọ dị ọ sị ọ tụra ụta ọnọọ nị.

Oyinyima 17:3

Di Abụramị tana tụra ẹtẹ, di Ohomorihi rẹ kà a yọ ka:

Oyinyima 15:18

Ịhị ọnọọ Ẹnẹyịmavara ô pè Abụramị kà ịrẹyị tịtẹ dị ọ kà a yọ ka: Ezi anị ịrẹma-ịrẹma ọnị sị ẹtẹ ọnọnịị yị nị. Ẹnị ẹ nyị hụrẹ ụtọ okuha ana ya ẹhwị Ijipiti na ngụ irehu Iyuhwuretisi nị, ẹnị ẹ nyị nị.

Anigaratiya 4:28

Àa vị ẹwụ nịnị yọ, anda ayị nịnị, ini oze oto oni Ohomorihi wo, ụ sị vị ezi Ohomorihi nịnị nị, Ayiziiki ọnị mẹ̀ rẹ yà.

Iwe Ọhụhị Imosiisi ana aa hị́ Ọyịvatụrọda 30:20

Sì ịrẹyị Ẹnẹyịmavara Ohomorihi awụ nịnị, wụ́ chire e, dị ụ waa mẹ ịzẹyịza ka a na, dị ẹwụrị evere ọ zụ ku orubo ịnị ẹtẹ ọnị ọ hị́ eku anị yị ohiku ẹnịnị Abụrahamị, Ayiziiki ọnịrị Ijekọvụ.

Iwe Ọhụhị Imosiisi ana aa hị́ Ọyịvatụrọda 6:10

“Ẹnẹyịmavara vaa sị ụ vẹ ịnị ẹtẹ ọnị ọ hị́ eku anị yị ohiku awụ nịnị Abụrahamị ọnịrị Ayiziiki ne beri Ijekọvụ. Ẹtẹ ọnọọ vaa nyị ẹkụra ẹbanyị-ẹbanyị ọnị we yị sị ụvọta awụ nịnị da.

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Ọyịkụra 6:3

Ộ kà ọnị ộ sị ẹngụ zụ̀ Abụrahamị ọnịrị Ayiziiki ne beri Ijekọvụ kà ẹnịnị ệ yẹ ka ọnị ọ vị Ohomorihi Ochẹtẹẹngụ nị. Ọ kà ama ọnị ọ yị sị ẹngụ anị zụ̀ wa ka ẹ̀ yẹ ka ọnị ọ̀ rị Ẹnẹyịmavara nị.

Oyinyima 33:20

Ọ̀ mẹ aha ịsọvọ tụ́ ịzọọ, dị aa hị́ ọ Ohomorihi ana vi Ohomorihi Anisirẹrị nị.

Oyinyima 28:13

Di o re re ka Ẹnẹyịmavara ộ jẹẹ pè ọnị dị ọ ka: Ọnị ọ̀ vị Ẹnẹyịmavara ana vị Ohomorihi Abụrahamị ada anị ọnịrị Ayiziiki. Ọ kà ẹtẹ ọnị ọ hụtụ tụ́ aanị, ọnịrị ezi anị ọnị sịị yị nị.

Oyinyima 26:3

Ọ kà ọ̀ maanị yà ịnị ẹtẹ ọnọnị, ka ọnị vaa yàa pè e dị ọnị mẹ ka ò zee yọ. Ọ kà ọnịrị ezi anị ịrẹma-ịrẹma ọnị vaa sị avaba ẹtẹ ẹnẹnịị yị nị. Avaba ịsị ọnị hị́ eku ka ọnị vaa mẹ yị ada anị Abụrahamị vị ọnị ọnị vaa mẹẹ yọ.

Oyinyima 8:20

Inowa mẹ̀ sị jịnẹ tụ́ ẹhẹ, dị ọ mẹ aha ịsọvọ yị Ẹnẹyịmavara nị. Dị ọ sị ịnị avaba uye ana rụra mẹ̀ ịsọvọ ọnịrị inomi ana rụra mẹ̀ ịsọvọ, dị ọ sị wa mẹ̀ ịsọvọ, dị ọ rị wa ịra ịrẹsụ aha ịsọvọ ọnọọ nị.

Odeyi 7:5

Ohomorihi ọ yị sị aha ọnyọọnyịị yọ ka ọ̀ vị áanị, ọ̀ọ hyakụ vị ahụ ọnya kẹnẹ. Ama Ohomorihi ka ẹ yị zụ nyị ka ayị vị avaba ẹtẹ ọnọọ ọnị vaa sịị yị Abụrahamị, ọnịrị ka ezi anị ịrẹma-ịrẹma ẹ vaa nyị nị. Ịnị ụmẹ oni Ohomorihi maanị sị kà, Abụrahamị ọọ̀ yị ma ozi,

Anihiburu 11:8

Abụrahamị ọnị ọ rẹ sị ayị tụra Ohomorihi, agụvị avọọ ộ wụ́ ịrẹyị chire Ohomorihi. Ịnị ụmẹ ọnya Ohomorihi ộ kà a yọ ka ọ̀ kwẹẹtẹ, dị ọ̀ nọ ịnị ẹtẹ ọnya aanị ọnị ọnị vaa sịị yọ. Ịzẹyịza, Abụrahamị ộ kwẹẹtẹ, dị aa yịị na kẹnẹ nị. Ọ yị hyakụ yẹ ịzị ọ daka aa nọ.

Oyinyima 24:7

Abụrahamị rẹ ka Ẹnẹyịmavara Ohomorihi ana mẹ ẹbẹẹba ọnị ọ sị ọnị hụụ ịda ada anị ọnịrị hụụnị ẹtẹ ịzị a yà ma ọnị nị. Ọ kà ọnị ọ hị́ eku dị ọ kà a yị ọnị ka ozi anị ịrẹma-ịrẹma ọnị vaa sị ẹtẹ ọnọnịị yị nị. Abụrahamị Ọ vaa tụ́ anggẹẹrị anịị saasa a, dị ọ̀ na nyị ọnẹẹ hụụ ịzọọ va yị ozi anị.

Ọyịkụra 6:4

Dị ọ rẹ ka ịsị ọnị dọ ka ọnị vaa mẹẹ yị wa vị ana jị jẹẹ geri-geri. Ọ kà ọnị ka ẹtẹ Ikanaani ẹnị ẹ vị ọzọga tụ́ aanị, vị ọnị ọnị vaa sịị yị wa, dị ahịka ẹnị ẹ kụkụ nyị nị.

Ọyịkụra 32:13

Tamayị ịrẹyị ezi ahụ awụ ẹnẹnị, Abụrahamị, Ayiziiki ọnịrị Ijekọvụ. Tamayị ka wa raà sị ụbanyị ẹngụ awụ hị́ eku ka ụ vaa mẹ ka ezi ẹnịnị ẹ̀ rụrụ anka ụzọmị ene hi ẹbẹẹba. Ụ ka ezi anị ụ vaa sị avaba ẹtẹ ọnọnịị yị nị. Ụ ka wa sị ọ ka ka ẹ yị zụ nyị ka wẹ yị vaa sịị yị wa dị ọ̀ vị ẹẹnịnị pooro na.”

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.

Iwe Ọhụhị Imosiisi ana aa hị́ Ọyịvatụrọda 34:4

Dị Ẹnẹyịmavara kà yị Imosiisi ka, ẹtẹ ọnọnị ọnị hị́ eku anị ka ọnị vaa sị yị evere Abụrahamị, Ayiziiki ọnịrị Ijekọvụ. Ọnị ọ̀ navọ ka Imosiisi o re e ama ẹ yị vaa ngụ ịzọọ.

1 Ịtọpa 16:16

Ịrẹyị ọnọọ vị ọnị ọ vịdị kà yị Abụrahamị, dị ọ rẹ hị́ eku anị yị Ayiziiki ka ọnị vaa mẹ̀ ẹ nị.

Oyinyima 13:17

Dị ọ rẹ ka ọ̀ kwẹẹtẹ dị ọ̀ maanị che ẹtẹ ọnọọ ajaajẹẹ ọnịrị ẹvẹnẹ-ẹvẹnẹ na para hu. Ọ kà ọnị ọnị vaa sịị yị nị.

Oyinyima 28:4

Ọ kà ọ vaa mẹ ka ò zee yị ọnịrị ezi anị anka ọ mẹ̀ mẹ ka ò zee yị Abụrahamị. Ọ rẹ ka ẹtẹ oni Ohomorihi sị yị Abụrahamị ọnị ọ vị ọzọga tụ́ ịnị aanị, ọnị ọ vaa nyị nị.”

Oyinyima 35:7

Di Ijekọvụ mẹ aha ịsọvọ ọnya tụ́ ịzọọ dị aa, hị́ ịzọọ Ohomorihi Ịbẹtẹrị nị. Iruvo ọ vị ka Ijekọvụ me zwe hụụ ịda ẹnẹbẹnị anị ịzọọ Ohomorihi yà sị ẹngụ zụ̀ ọ nị.

Oyinyima 35:12

Ọ kà ẹtẹ ọnị ọnị sị yị Abụrahamị ọnịrị Ayiziiki avọọ, vị ọnị ọnị rẹ sị yị ọ. Ọ kà ẹtẹ ọnọọ vị ọnị ọnị aa sịị yị ezi anị ịrẹma-ịrẹma.”

Oyinyima 50:24

Di Ijosẹẹhụ va hị́ ẹnẹbẹnị anị dị ọ ka, “Mee vee sú. Ama Ohomorihi vaa jẹẹ wụ nịnị ịrẹma dị ọ sị wụ nịnị hụụnị ẹtẹ ọnọnị nọ ịnị ẹtẹ ọnị ọ hị́ eku ka ọnị aa sịị yị Abụrahamị ọnịrị Ayiziiki ne beri Ijekọvụ.”

Ọyịkụra 17:15

Di Imosiisi hi ụta dị ọ ka ọnị ọ rị “Ẹnẹyịmavara, ọnọ vị uyi amị nị.”

Ọyịkụra 24:4

Di Imosiisi va chẹrẹ avaba ịrẹyị ẹnị Ẹnẹyịmavara kà nị. Ẹnẹnẹ viri-viri eyinẹhẹ anị, di Imosiisi kwẹẹtẹ dị ọ jị ụta tụ́ iruvo ataba ọnọọ nị. Dị ọ sị ịrẹta jị ọhẹ ẹwụrẹva tụ́ ọ nị. Ọhẹ ẹwụrẹva ọnọọ ọ jẹẹ yị ịrẹsụ ẹwụrẹva ana vị Anisirẹrị.

Ịrịka 26:53

ọ ga ẹtẹ yị avaba aza ana chẹrẹ ịrẹha ẹnịnị aanị.

Ijosuwa 1:6

Ẹnẹyịmavara kà Ijosuwa ọ̀ nyị ọtụtụrụma, dị ọ sị ayị vị ọnya, ka ọnị ọ vaa kụ́ aza ẹnẹẹ dị ẹ̀ na dọ ẹtẹ ọnọọ nị. Ọ kà ọnị ọ́ọ vịdị raà hị́ eku yi ohiku ẹnịnị ka ọnị aa sịị yị wa.

Ijosuwa 8:30

Dị Ijosuwa hi ụta yị Ẹnẹyịmavara Ohomorihi Anisirẹrị ịrẹsụ ataba Ẹba nị.

Ijosuwa 22:10

Ịjị ezi Irubẹnị nịnị ẹnịrị ezi Igadi, beri achẹva ezi Ịmanasẹ nịnị ve tu ịzị aā hị́ Igiriyọtị, ọ̀ sị gụrị Ijodani ịnị ẹtẹ Ikanaani, ẹnịnị ê hi ụta ọnya nyanggada aanị tụ ụtọ irehu ịzọọ.

Ọdọvịdị 6:24

Dị Igidiyọnị hì ụta tụ ịzọọ yị Ẹnẹyịmavara, dị ọ hị́ ọ Ẹnẹyịmavara Ẹngwọọrọ.

1 Ịsamụwẹrị 7:17

Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.

2 Ịsamụwẹrị 24:25

Di Idevidi hi ụta ịsọvọ tụ́ ịzọọ yị Ẹnẹyịmavara, dị ọ mẹ̀ ịsọvọ ana aā rị ịra ọnịrị ịsọvọ ẹngwọọrọ ịzọọ nị. Dị Ẹnẹyịmavara va wụ́ ịpẹ agụvị ẹtẹ ọnọọ dị ọ za ụkụ ọnọọ jẹẹ kwooze yị Anisirẹrị nị.

1 Ohinọyị 18:32

Di Erija kụ́ ịrẹta ọnọọ dị ọ sị hi ụta ịsọvọ ịzị a yàā mẹ̀ ịsọvọ ịzị a zụ yà aa hẹkẹ Ẹnẹyịmavara nị. Dị ọ chị ahata kara atakuji ọnọọ nị. Ahata ọnọọ ộ nyịnẹ, ọ zụ dọ ayị ẹnya ẹẹva.

1 Ịtọpa 16:18

Ộ kà a yị wa ka ẹnị ọnị vaa sị ẹtẹ Ikenanii yị nị, dị ahịka ẹnị ẹ kụkụ nyị ịzọọ nị.

2 Ịtọpa 20:7

Ọnị ọ vị Ohomorihi ẹnịnị ịjị aza anị Anisirẹrị ngụ ịnị ẹtẹ ọnọọ dị ộ dụ aza ene hi ịzọọ jịnẹ tụ́ ẹhẹ yị evere Abụrahamị ana vị ọta anị, dị ụ sị yị wa ka ọ vị ẹnịnị pooro zịna-zịna.

2 Ịtọpa 20:11

Aanị ẹ mẹẹ si Anisirẹrị nịnị atọ nị. Ẹnịnị vị ana vaa dụ ẹnị jịnẹ hụụnị ẹtẹ ọnị Ohomorihi sị yị ẹnị.

Ẹzịra 3:2

Dị Ijesuwa ana vị ozi Ijozadaki ọnịrị ohirẹsụ irehi Ohomorihi ana vọ neberi Izerubabẹrị ozi Isiritiyẹrị ọnịrị aza anị tenyi ụta ịsọvọ Ohomorihi Anisirẹrị da nị. Ệ da a anka a mẹ̀ chẹrẹ tụ ịnị iwe ọda Imosiisi ana vị ọnịsẹ Ohomorihi. Ẹ vavọọ da a agụvị dị ẹ rị ịsa ịsọvọ ịra ịrẹsụ anị.

Ijeremaya 3:18

Anisirẹrị nịnị ẹnịrị Anijuda vaa vàa bẹ, dị e dudu hụrẹ ẹkụra ana a za wa ọrịhị ne hi eyi ẹbẹẹba. Ẹnịnị vaa vàa vẹ ịnị ẹtẹ ọnị ọnị sị mẹ ogu yị ohiku ẹnịnị.