Oyinyima 12:2 - IWE ỌNỊNỊ

² Ohomorihi ka ọnị vaa mẹ ka ọ̀ vara anẹkụra ọbanyị, dị ọnị mẹ ka ò zee yọ, dị mị mẹ ka ịrẹha anị ọ̀ yārā. Ohomorihi ka agụvị anị ọnị vaa mẹ ka ò zee yị avaba anẹhẹ nị.

Oyinyima 12:2 ပူးပေါင်းရင်းမြစ်များ

Oyinyima 13:16

Ọ kà ọnị vaa mẹ ka ịpa anị ẹ̀ rụrụ anka ezi ene hi ịnị ẹhẹ. Ọ kà ọza ana àa zụ za ezi ịrịka ọ rẹ va zụụ za ịpa anị nịnị ịrịka nị.

Oyinyima 15:5

Di Ohomorihi sị Abụramị jịnẹ nọ ẹhẹ dị ọ kà a yọ ka: Ò Re ẹbẹẹba di a re, ọ̀ọ zụ za ụzọmị ẹnẹẹ ịrịka ọ za a. Dị ọ rẹ kà a yọ ka avọọ ezi anị ịrẹma-ịrẹma mẹ̀ vaa rụrụ nị.

Oyinyima 17:20

Ọ rẹ ka ini oze ịrẹyị Isimẹrị, ọnị ọ wụ́ ịrẹyị ọnị ọ kà. Ọ kà ọnị rẹ vaa mẹ ka ò re zee yị ọnị, dị ọnị rẹ ha, dị ọ rụrụ ẹtẹẹtẹrẹ. Ọ vaa ma ezi ẹwụrẹva dị ẹnịnị vị ohinọyị. Ohomorihi ka ọnị rẹ vaa mẹ ka ọnị ọ̀ rẹ vị anẹkụra ọbanyị.

Oyinyima 18:18

Abụrahamị ọnọnị ọ vaa vara anẹkụra ọbanyị ana nyị ụkata nị. Avaba anẹhẹ vaa mẹ̀ aduwa ka ò zee yi ẹnị anka o mè zee yi Abụrahamị.

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Oyinyima 19:29

Ohomorihi mẹ̀ vavọọ vu ẹkụra ini ozi ọnọọ ẹtẹ, Ohomorihi ộ tamayị Abụrahamị, dị ọ dọ Ịrọọtị tụ́ nị.

Oyinyima 24:1

Abụrahamị o si bo ẹtẹẹtẹrẹ. Ẹnẹyịmavara vị ana mẹ ka ọ̀ nyayịnẹ zee yị Abụrahamị ini oze tụra oze.

Oyinyima 24:35

Ẹnẹyịmavara ọ raà mẹ ka ò zee yị ọga anị ẹtẹẹtẹrẹ. Ọ kà ọga anị ọ sị vara ọzọbanyị. Ohomorihi ộ kụ́ ịsụpa mẹ̀ ẹ ẹyịza: atẹmẹ, ẹvụ ọnịrị imaaru. Ọ rẹ nyị ịnyaakụmị ọnịrị ịkẹrịkẹtẹ. Avọọ ọ mẹ̀ rẹ nyị igooru, isiriva, ezi ahụ ọnọrụ ọnịrị anẹẹ vị ọnị ọ rẹ nyinyi.

Oyinyima 25:11

Abụrahamị mè wusu, Ohomorihi ộ mẹ̀ ka ò zee yị Ayiziiki ozi anị. Di Ayiziiki kwẹẹtẹ na ra ọgụrị ịzị aa hị́ “Ịbẹẹrị-Ịraha-Ịrọyị” (ịkangga ọza ana yàrà eneē re mị).

Oyinyima 26:3

Ọ kà ọ̀ maanị yà ịnị ẹtẹ ọnọnị, ka ọnị vaa yàa pè e dị ọnị mẹ ka ò zee yọ. Ọ kà ọnịrị ezi anị ịrẹma-ịrẹma ọnị vaa sị avaba ẹtẹ ẹnẹnịị yị nị. Avaba ịsị ọnị hị́ eku ka ọnị vaa mẹ yị ada anị Abụrahamị vị ọnị ọnị vaa mẹẹ yọ.

Oyinyima 26:4

Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 27:29

Anẹkụra nịnị vị ana vaa hẹkẹ ẹwụ, di e yee kú ẹtẹẹ yị wụ. Ẹwụ waa vị ọga tụra avaba ẹyịnyara awụ ịrẹsụ nị. Ẹnịnị vi ene vee kú ẹtẹẹ yị wụ. Aza ene èe chì hi wụ, vị ọnị ọnị vee chìi hí. Aza ana àa ka o zee yị wụ, vị ọnị o vee zee yị.”

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

Oyinyima 35:11

Di Ohomorihi rẹ kà a yọ dị ọ ka, “Ọnị ọ vị Ohomorihi Ochẹtẹẹngụ nị. Ọ kà ọọ̄ ma ezi dị ẹ̀ẹ rụrụ. Dị ọ rẹ ka ezi anị ẹ vaa vị ohiku anẹkụra ọrụrụ-ọrụrụ nị. Ọ kà ezi anị ẹnyị vaa vị ohinọyị.

Oyinyima 46:3

Di Ohomorihi ka, “Ọnị ọ̀ vị Ohomorihi ana ada Ijekọvụ hẹkẹ nị. Ọ kà ọ màa nọ Ijipiti aanị, asị o hí angwa, ka ọnị vaa mẹ ka ọ̀ vara anẹkụra ọbanyị tụ́ ịzọọ.

2 Ịsamụwẹrị 7:9

Avaba ịzị ọ nọ vị ọnị mị jẹẹ ịrẹma anị, dị mị wụ ọnịvị anị hụrẹ oze yọ. Kà a ka mị vaa mẹ ka ịrẹha anị ọ̀ ngụ ịrẹyị anka ịrẹha aza ọkọọka ene hi ẹhẹ mẹ̀ ngụ ịrẹyị.

1 Ohinọyị 1:47

Ezi ahụ ohinọyị vị ana hyakụ vẹ dị ẹ va kụ́ ada ayị Idevidi ohinọyị ka ọ̀ nyarị ịrẹsụ ọyịza. Ẹ ka Ohomorihi anị vị ana vaa mẹ ka ịrẹha Isoromọnị ọ̀ nẹba huna ịrẹha Idevidi. Ẹ rẹ ka Udi Isoromọnị ọ vaa kà a hịrẹ huna udi Idevidi nị. Di ohinọyị hyakụ tana tụra aha ọyịsụ anị, dị ọ kụ́ Isoromọnị nị.

Ijoovu 35:8

Aza anka ẹwụ, ịrẹyị ọhịmị awụ aa zama nị. Ọyịza ọnị ụ rẹ mẹ, ẹnị ẹ rị aha anị nị.

Ahẹ Ụgama 107:38

Ohomorihi ộ mẹ̀ ka ò zee yị wa, ẹnịnị ệ rụrụ ẹtẹẹtẹrẹ. Ọ yị hyakụ zẹẹ ka ịsụpa ẹnịnị ẹ̀ jị ha.

Ọyịkụra 1:7

Ama Anisirẹrị nịnị vị ana nyayịnẹ ha ẹnẹmẹhị. Ẹnịnị ệ rụrụ ẹtẹẹtẹrẹ dị ẹ kụkụ gwẹtẹ kẹnẹ nị.

Ọyịkụra 32:10

“Navọ mị dị ma nyayịnẹ mẹ ọyịkụ yị aza ẹnẹnị ẹtẹẹtẹrẹ, dị ma wụ̀ wa va ha. Dị ahịka ẹwụ mị kụkụ vara anẹkụra ọbanyị nị”.

Ayịsaya 51:2

Ịzẹyịza, tamayị ka Abụrahamị ọnịrị Isera ẹ vị ohiku awụ nịnị. Ẹnẹyịmavara ộ mẹ̀ ka Abụrahamị ọ́ ma ozi ọrụrụ ịzị ụ chị hụrẹ vẹ nị.

Ezikẹẹrị 34:26

Ọnị vaa mẹ ka ò zé yị wa, dị ẹnịnị rá kara ataba anị. Ọnị vaa zụ orihi yị wa chụụchụ ụmẹ tụra ụmẹ ọnị ee yee sị ọ. Orihi ọnọọ vị ana vaa mẹ ka ò zé yị wa.

Imika 7:20

U sì ịrẹyị aza awụ pooro nị a yi nyị ka u vee vene wa Avọọ ụ mẹ̀ kà a yị Abụrahamị ohiku ayị nị vị ọyaanị, hụrẹ ụmọrụmọ ụ vavọọ kà nị.

Ịzakaraya 8:13

Ịnị ịyẹẹyẹ, anẹkụra ọsa nịnị vene chi hi aza ka o divi yị wa anka Ijuda ọnịrị Isirẹrị, avọọ Ẹnẹyịmavara kà ọnị vaa dọ wa ha, dị aa kụkụ a sị ize ẹnịnị hị́ ọsa yị aza. Avọọ ẹnịnị ẹ nyị ọtụtụrụma, asị e hí angwa.

Ịrịka 14:12

Dị Ẹnẹyịmavara kà ọnị vaa hụrẹ wa ụvọ, dị ọnị sị ụkụ wụ̀ wa va ha nị. Dị ọnị mẹ Imosiisi ẹkụra ọbanyị, dị ọ nyị ụkata huu ẹnẹnị.

Ịrịka 22:12

Ohomorihi ộ ka yị Ịbaraamị ka asị ọ saasa ọnụtụ ẹnẹẹ, dị asị ọ rẹ chi hi Anisirẹrị agụvị ka aza ọnị ọnị raà mẹ̀ ka o zee yị ẹ vẹ nị.

Ịrịka 23:20

Ọ kà ọnị ọ ka a ka o zee yị wa. Ohomorihi ọ̀ọ ka o zee yị wa, ọnị ẹ yị zụ vara a.

Aniroomi 4:11

Ụvẹvẹnẹ vị apọtẹrẹwa ka Abụrahamị ộ vịdị raà sị ayị tụra Ohomorihi, di Ohomorihi za a ịrịka tụ́ ịnị ọnịrẹyịzẹyịza nị. Dị ọ va jị ụvẹvẹnẹ ọ hụrẹ sị ayị tụra Ohomorihi nị. Ini oze ọnọọ, Abụrahamị ọ raà vị ada avaba aza ana sị ayị tụra Ohomorihi ịnị ụmẹ ẹnẹ ẹ̀ yị jị ụvẹvẹnẹ, dị Ohomorihi ọ̀ zụ za ẹngụ aza ẹnẹẹ ịrịka tụ́ ịnị ọnịrẹyịzẹyịza.

Anigaratiya 3:14

Ijeesu Ikirisiti ộ vavọọ mẹ, agụvị dị Ohomorihi ọ̀ zụ mẹ ka ò zé yị anarịmadọwụ nịnị, anka ọ mẹ̀ mẹ ka ò zé yị Abụrahamị; agụvị dị ẹyị ana sị ayị tụra Ijeesu Ikirisiti, ọ̀ zụ dụ Ụhwẹ Ọnịnị oni Ohomorihi kà a ka ayị zụ nyị ka ọnị ọyị vaa sịị yị.

Anigaratiya 3:7

Agụvị avọọ, yẹ nịnị ka ọdọwụ nịnị ẹ vị ezi Abụrahamị booro nị.

Iwe Ọhụhị Imosiisi ana aa hị́ Ọyịvatụrọda 26:5

Vatụra ịrẹyị ẹnẹnị ọvịdị Ẹnẹyịmavara: Ohiku amị vị Anarami ana aa doodo zị, ẹ yị nyị irehi. Ộ kụ́ aza nọ ẹtẹ Ijipiti. Ẹnị chee ẹ vị ẹ mẹ ngụ ẹkụra ọnọọ nị. Ama ẹ vaa sị rụrụ, dị ẹ vị Anẹkụra ana nyị ụkata nị.