Oyinyima 12:1 - IWE ỌNỊNỊ

¹ Ẹkụhị ọnya di Ẹnẹyịmavara hị́ Abụramị dị ọ kà a yọ ka: Ọ kwẹẹtẹ hụrị ẹkụra anị ana vị ịda anda anị ọnịrị eehi ada anị dị ọ̀ọ nọ ịnị ẹtẹ ọnya ọnị ọnị vaa sị zụ̀ ọ.

Oyinyima 12:1 ပူးပေါင်းရင်းမြစ်များ

Oyinyima 15:7

Di Ohomorihi re kà a yị Abụramị dị ọ ka: Ọnị vị Ẹnẹyịmavara ana sị ọ hụrẹ ẹkụra Ọọrị ịnị ẹtẹ Anikaridi vẹ ka ọnị ọ̀ va sị ẹtẹ ọnọnị yị ọ dị ọ̀ kụkụ vị aanị nị.

Oyinyima 20:13

Dị ọ rẹ ka Ịjị Ohomorihi ka ọnị ọ̀ hụụnị eehi ada anị dị ọnị ọ̀ọ zịịzị, dị ọnị ka ọgụvọ ọnya ọnị ọ vaa mẹẹ yị ọnị yị: aha tụra aha ẹnị ẹ̀ẹ nọ, ọ̀ kà a ka ẹnẹbẹnị anị ọnị vị nị.”

Oyinyima 24:38

Ọ kà ọ ka ọnị ọ nọ ini eehi ịda ada anị ọnịrị ịda anda anị dị ọnị ọ̀ na nyị ọnẹẹ hụụ ịzọọ va yị ozi anị.

Oyinyima 24:4

Ọ kà ọ̀ kà a ka ẹkụra anị ọnịrị ịda anda anị ọ va naa nyị ọnẹẹ hụrẹ vaa yi Ayiziiki ozi anị nị.”

Oyinyima 24:7

Abụrahamị rẹ ka Ẹnẹyịmavara Ohomorihi ana mẹ ẹbẹẹba ọnị ọ sị ọnị hụụ ịda ada anị ọnịrị hụụnị ẹtẹ ịzị a yà ma ọnị nị. Ọ kà ọnị ọ hị́ eku dị ọ kà a yị ọnị ka ozi anị ịrẹma-ịrẹma ọnị vaa sị ẹtẹ ọnọnịị yị nị. Abụrahamị Ọ vaa tụ́ anggẹẹrị anịị saasa a, dị ọ̀ na nyị ọnẹẹ hụụ ịzọọ va yị ozi anị.

Oyinyima 26:2

Di Ẹnẹyịmavara sị ẹngụ zụ̀ Ayiziiki dị ọ kà a yọ ka, “Asị ọ nọ Ijipiti. Ọ kà ọnị vaa kà a yọ ịzị a vọrọ ka ò ku udi tụ̀ ịnị ẹtẹ ọnọnị.

Inehemaya 9:7

Ọnị ọ vị Ẹnẹyịmavara, Ohomorihi ana nyị Abụramị, dị ọ sị ọ hụrẹ ẹkụra Uri ẹtẹ Anikaridi, dị ọ vara ịrẹha anị tu ịnị Abụrahamị nị.

Ayịsaya 37:12

Ọ kà ohiku anị nịnị ê vu ẹkụra ana aā hị́ Igozanị, Ịharanị, ọnịrị Ịrẹzẹhwị ẹtẹ. Ẹnịnị ệ wụ Anedẹnị nini ana ra hi ịzị aā hị́ Iterasa, ẹ yị nyị ori ẹnịnị ana va zụ dọ wụ tụ.

Ayịsaya 41:9

Ẹnẹyịmavara kà ọnị ộ kụ wụ nịnị hụrị avaba ẹhẹ, dị ọnị hị́ wụ nịnị hụrị aha onoze nị, dị ọnị kà a yị wụ ka ezi ahụ anị ụ vị nị. Ọnị ọ nyị̀ wa nị. Ọnị ẹ yị hụrẹ wa ụvọ.

Ayịsaya 51:2

Ịzẹyịza, tamayị ka Abụrahamị ọnịrị Isera ẹ vị ohiku awụ nịnị. Ẹnẹyịmavara ộ mẹ̀ ka Abụrahamị ọ́ ma ozi ọrụrụ ịzị ụ chị hụrẹ vẹ nị.

Ezikẹẹrị 33:24

Ozi-ọza, aza ana ra hi ẹkụra-ẹkụra ana jị eburu ịnị ẹtẹ Isirẹrị aanị, aa kà a ka, Abụrahamị vị ọnịnya, di a sị ẹtẹ ọnọnịị yị ọ. Ẹnị ẹ́ sị rụrụ booro aanị, ẹnị ẹ nyị ẹtẹ ọnọọ nị.

Ịrịka 10:30

Dị Ihobabi tụ ọ ohi ka ọnị ẹ yị saasa wa nị. Ọ kà ọnị aa va nọ eehi anị.

2 Anịkọrịntị 6:17

Agụvị avọọ dị Ananyị yị rẹ kà a ka: Jịnẹ hụụ ịdị ẹnịnị, sị ẹngụ awụ nịnị tụ́ irenyi kwooze yị wa. Asị ụ sị ụvọ kanyị ịsa eneē du ọza ẹngụ nịnị. Ịjọnọọ ọnị vaa dọ wụ nịnịị pe ẹngụ.

Anihiburu 11:8

Abụrahamị ọnị ọ rẹ sị ayị tụra Ohomorihi, agụvị avọọ ộ wụ́ ịrẹyị chire Ohomorihi. Ịnị ụmẹ ọnya Ohomorihi ộ kà a yọ ka ọ̀ kwẹẹtẹ, dị ọ̀ nọ ịnị ẹtẹ ọnya aanị ọnị ọnị vaa sịị yọ. Ịzẹyịza, Abụrahamị ộ kwẹẹtẹ, dị aa yịị na kẹnẹ nị. Ọ yị hyakụ yẹ ịzị ọ daka aa nọ.

Ẹtore 18:4

Dị mị rẹ wụ́ ọngwẹ ọsa hụrẹ ẹbẹẹba, dị ọ ka: Ẹwụ nịnị aza anị, jịnẹ tụ́ ẹhẹ hụrị Ịbabịrọnị nịnị! Asị ụ nyị ụvọ tụ́ ịnị ebira odivi ẹnịnị! Agụvị asị ẹwụrị wa na rị ụya ọnyọọnya nịnị.