Oyinyima 11:4 - IWE ỌNỊNỊ

⁴ Dị ẹ hị́ ẹngụ dị ẹ ka, “À vẹ ẹnị ẹ̀ dà ẹkụra ẹnịnị, di ẹnị ẹ̀ dà irehi ọgọdọ ọnya tụ́ ọ dị ọ̀ gọdọ na ngụ ịnị ihinẹba. Di aa sị ọnọọ hị́ ịrẹha ẹnịnị. Ẹ ka à yị vị avọọ vị ẹnị aa garaa hi ẹhẹ kẹnẹ nị.”

Oyinyima 11:4 ပူးပေါင်းရင်းမြစ်များ

Oyinyima 6:4

 vịdị nyị aza bahị-bahị ene hi ịnị ẹhẹ ịnị ụmẹ ẹnẹẹ, ẹnị ẹ vị ezi ana ma yị anggẹẹrị ẹnẹẹ nị. Ịrẹma ọnọọ ẹngụ anggẹẹrị ẹnẹẹ ẹ̀ẹ rẹ nọ ịda ezi anẹẹ ana aza ma, dị ẹ ma ezi nị. Ezi ẹnẹẹ ẹ vị ọnọrụ ịyẹẹyẹ nị. Ẹnịnị ệ ngụ ịrẹyị.

2 Ịsamụwẹrị 8:13

Idevidi mẹ̀ na wụ Anarami ẹnị akawụ-akawụ oze ịhịịna ini ozi anọ-anọ, dị ọ vavẹ, dị ọ kụkụ ta ngụ ịrẹyị nị.

Ahẹ Ụgama 107:26

Enyi ộ dà gụgụrụgụ na ngụ ini ihinẹba, dị ọ rẹ chaka varẹma tụ́ ini òkū nị Aza ene hi ini òkū ê re ka ịrẹyị odivi ộ vẹ, angwahi ọ kụ́ ngụ wa ẹngụ.

Ahẹ Ụgama 92:9

Ẹnẹyịmavara, mâ yẹ kaakara ka ẹ yị nyị a mẹ̀ẹ kụ́ ọ, ọnịvị awụ vi ene vee vú ẹtẹ, Avaba aza ana mẹ̀ ebira edivi vị ana a vaa gara ha

Ụhịrẹyị 10:7

Ịrẹkụkụ ọza ọyịza ọ mē vu ama ọza odivi ẹ yị nyị ọyịza ana aa sị tamayị anị.

Ijeremaya 51:53

Ọ kà Anibabironi nịnị ẹ̀ẹ daka hịrẹ nọ ẹbẹẹba ịnị eguhi, dị ẹ́ na dà irehi tụ ịzọọ yị ẹngụ ẹnịnị ka asị á nyị ịsị ẹ mẹ̀ ẹnị nị, ọnị vị anaa ịị tụ aza dị e ne vu wa ẹtẹ.

Ịdanịyẹrị 4:11

Dị ọchị ọnọọ vanaa hụ nị. Dị ọ hụ pooro ne tu ka, ịrẹsụ anị ọ na sị ka eguhi nị. Ẹ yị nyị ịzị ọza jẹẹ ịrẹsụ ẹtẹ ka e yị ré e.

Ịdanịyẹrị 4:22

Inebukadineza ohinọyị ọ vị ọchị ọnọọ nị. Ọ kà, udi anị ộ ta ka hịrẹ, dị aa mẹ ọdaa tụ ịrẹsụ avaba anẹhẹ nị.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Iruuku 1:51

Ộ sị ụvọ anị mẹ̀ ụkọrọ ẹbanyị-ẹbanyị, dị ọ gara aza ana aa sị ẹngụụ tụ́ ẹbaa ha nị, ọnịrị avaba ariro ẹnịnị.

Ịjọọnụ 5:44

Ụụ̄ dụ ka waa ga ẹngụ nịnị, ama wa mā dụ ka Ohomorihi ana ahịka ọnị kẹnẹ ọ vị Ohomorihi nị, ọ̀ ga wụ nịnị. Ini oze avọọ, wéé ro ka wa zụ dọ Ohomorihi wụ́ nịnị?

Iwe Ọhụhị Imosiisi ana aa hị́ Ọyịvatụrọda 1:28

Ịzị Imosiisi ka ẹnị ẹ nọ daa! Aza ene re ẹtẹ ọnọọ ka ajịmasị anọrụ ana a hị́ Anakimi e hi ẹkụra ẹnẹẹ nị. Ẹkụra ẹnịnị vana jị ọvọ ana gọdọ na ka ihinẹba kara ẹkụra ẹnịnị.

Iwe Ọhụhị Imosiisi ana aa hị́ Ọyịvatụrọda 4:27

Ẹnẹyịmavara vị ana vaa gara wa hi ịrẹsụ ẹhẹ, dị ahịka aza chee ẹnịnị kẹnẹ ọ ha nị.

Iwe Ọhụhị Imosiisi ana aa hị́ Ọyịvatụrọda 9:1

“Imosiisi kà Anisirẹrị nịnị e batọ. E vee tu ka ẹ jịnẹ irehu Ijodani ajịnị, dị ẹ na dọ anẹkụra ene hi ịzọọ ẹtẹ ẹnịnị. Ẹkụra ẹbanyị-ẹbanyị ana jị ọvọ ọgọdọ kara ẹ vị nị. Ẹnịnị ẹ nyị ụkata ẹtẹẹtẹrẹ.