Oyinyima 11:2 - IWE ỌNỊNỊ

² Ịnị ụmẹ ọnọọ aza ẹnyị ệ kụ̀rà hụrẹ eyi ọnị ọyịị̄ zịị vẹ di e ne tù ọnya ịnị ẹtẹ Isinari nị. Dị ẹnịnị yà ịzọọ nị.

Oyinyima 11:2 ပူးပေါင်းရင်းမြစ်များ

Oyinyima 10:10

Ẹtẹ ọnị Inimirodi rị ohinọyị tụra ô nyima hụrẹ ẹkụra Ịbabịrọnị, Ereki na ngụ ẹkụra Akadi ọnịrị ẹkụra Ikarine. Avaba ẹkụra ẹnịnị vi ene hi ini ẹtẹ Isinari.

Oyinyima 11:1

Ịnị ịyẹẹyẹ avaba anẹhẹ vị ana aa kà ẹkụra ikonya. Ẹ yị nyị irenyi ịnị ịrẹyị ẹnịnị.

Oyinyima 11:9

Agụvị avọọ aā hị́ ẹkụra ọnọọ Ịbabịrọnị nị, agụvị ka ịzọọ Ẹnẹyịmavara yà kụ́ ẹvazi ngụ ẹkụra ana anẹhẹ aa kà nị. Hụrẹ ịzọọ a yà gara wa hi avaba ẹhẹ nị.

Oyinyima 13:11

Di Ịrọọtị ka ọnị aa sị avaba ini ozi Ijodani, dị ọ kà nọ eyi ọnị ọyịị̄ zịị vẹ ịzọọ nị. Avọọ ọnịrị Abụramị mẹ̀ há ẹngụ hi nị.

Oyinyima 14:1

Ịnị ụmẹ ọnya â nyị ohinọyị ẹẹna ẹnyị aanị. Ẹnịnị ẹ vị Amịrahwẹrị ohinọyị Ịbabịrọnị, Ariyoki ohinọyị ẹkụra Erasa, Ikedoromeri ana vị ohinọyị ẹkụra Erami ne beri Itidari ana vị ohinọyị anẹkụra Igoyimi.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ịdanịyẹrị 1:2

Ananyị yị ộ hụrẹ Ijehoyakimi ụvọ yị Inebukadineza beri ẹnya ẹnyị ene hi ịnị irehi Ohomorihi. Dị ọ kụ wa na ngụ ịnị irehi ori ẹnịnị Ịbabịrọnị nị. Ô tu ịzọọ dị ọ kụ ẹnya ẹnẹẹ hi ịnị irehi ori anị nị.

Ịzakaraya 5:11

Dị anggẹẹrị tụ́ ọ ohi ka ẹtẹ Ịbabịrọnị ịzị a vaa dà irehi yọ. Ịjị ọ ta dà, dị a sị uji ọnọọ tụ́ ịzọọ dị aza aa hẹkẹ ẹ.