Oyinyima 10:5 - IWE ỌNỊNỊ

⁵ Ịpa ẹnịnị aza ana ra hi ini òkū ọnịrị ụtọ òkū chị hụrẹ nị. Ọzọza vị ana ra ẹkụra anị dị ọzọza raa kà ẹkụra anị nị.

Oyinyima 10:5 ပူးပေါင်းရင်းမြစ်များ

Oyinyima 10:20

Ụnanka Ihami ẹ vị ẹnẹẹ nị anka ovwoovu ọzọza ọnịrị ẹkụra ẹnịnị ne beri ẹtẹ ẹnịnị.

Oyinyima 10:25

Ama ozi ọnọrụ ẹẹva yị Ẹba Ọnya ọ rị Ịpẹrẹgị nị Ịnị ụmẹ Ịpẹrẹgị anẹhẹ sị gà hi nị. Ịrẹha ọyịnyara Ịpẹrẹgị ọ rị Ijokitani nị.

Oyinyima 10:32

Aza ẹnẹẹ ẹ vị ezi Inowa nị. Ịpa ọzọza ịnị ẹkụra ọzọza a hị́ aanị nị. Hụụnị ịpa ẹnịnị avaba ẹkụra chị hụrẹ dị ẹ gara hi ẹhẹ ịrẹma ọhaara enyi nị.

Oyinyima 10:4

Ezi ọnị Ijavani ọnị ma yị: Erisa, Itasisi, Ikitimi ne beri Idodanimi.

Oyinyima 10:6

Ezi ọnị Ihami ma yị: Ikusi, Ijipiti, Iputi ọnịrị Ikanaani.

Oyinyima 9:19

Ẹnị ẹyịta ẹnẹnị ẹ vị ezi Inowa nị. Ịpa ẹnịnị avaba anẹhẹ chị hụrẹ nị.

Ẹsịta 10:1

Ahasẹrọsị ohinọyị ộ dà ẹkẹhi irehi yị avaba aza ene hi ẹtẹ anị, beri anẹkụra nịnị ene hi utenyi.

Ahẹ Ụgama 72:10

Ohinọyị Anitasisi ọnịrị ohinọyị ene hi ẹkụra huu vaa kụ́ ịsa vaa mẹ ohinọyị ẹyịza. Ohinọyị Anarabi ọnịrị ohinọyị Anetiyopiya rẹ vaa kụ́ ịsaa vaa yọ.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 24:15

Dị aza ana ra hi eyi ịzị ọyịị̄ zịị hụrẹ ẹnị raa kà ịrẹyị ụbanyị Ẹnẹyịmavara. Aza ana ra hi ini òkū vaa sị Ẹnẹyịmavara ana vị Ohomorihi Anisirẹrị tụ́ ẹba.

Ayịsaya 40:15

Ẹnẹyịmavara vene re avaba anẹhẹ ka ẹ yị nyị ịsị ẹ vị. Ẹ yị huni atẹ orihi ụpọnya ini ibokiti; Avaba ẹkụra ene enyi kara vị ana hẹrẹ eyi anị anka edudu ịrẹsụ ịngọ avọọ.

Ayịsaya 41:5

Ẹkụra ọnị enyi kara nịnị me reè re ịsa ọnị ọnị Ẹnẹyịmavara mẹ̀, dị ívoovo za wa, dị ẹ yaa banyị papapa angwa mee hi wa nị. Agụvị avọọ, dị ẹ kụ ẹngụ gụ dị ẹ vẹ nị.

Ayịsaya 42:10

Jị ahẹ ọwọọwa gono Ẹnẹyịmavara nịnị. Jị ahẹ gono o avaba ẹwụ nịnị anẹhẹ. Ẹwụ nịnị anaā zị ụsẹ ini òkū ee gono o. Avaba ịsa ene hi ini òkū ee gama a Dị aza ana ra hị́ aha ẹnẹẹnẹ eni e ree gono o.

Ayịsaya 42:4

Ẹ yị vaa tụ ọ, ẹ yị vee du ọ eyi; Ọ vaa mẹ̀ ka à kụkụụ mẹ̀ ịsa ana vọrọ ịnị ẹhẹ, dị anẹkụra ọsa nịnị kukuu ee zi ka ọ̀ va zụ ẹnị ịsa.”

Ayịsaya 49:1

Sị ụtọ pe ẹtẹ ẹwụ nịnị anẹkụra ana ra utenyi. Batọ ẹwụ nịnị anẹkụra aha ene noze. Ẹnẹyịmavara ộ sị mị nyị dị a va yẹ ka â ma mị. Ịnị ịhị ozi ọnyị amị mị ya dị ọ sị ịrẹha yị mị nị.

Ayịsaya 51:5

Ộ ka aza ene hi akẹnẹ enyi vị ana kụ eyi hi ẹba ee zi ọnị eyi. Ọnị vee jintu vayị ẹnịnị, dị ọnị dọ wa ha. Ọnị vaa vị ohinọyị ẹnịnị.

Ayịsaya 59:18

Ọnị vaa sị ụya rị ọnịvị anị ana gụrị ẹtẹ ọnịrị ẹnị ene hi aha onoze anka ịsị ẹ mẹ̀ hi aza anị.

Ayịsaya 60:9

Ẹnịnị vị ẹpa ana hụrẹ aha onoze aa vẹ. Ệ kụ aza Ohomorihi vẹ eehi. Ệ kụ igooru ọnịrị isiriva saasa wa ọyị sị sị ụbanyị yị Ẹnẹyịmavara, Ohomorihi ọnịnị Isirẹrị. Ọnị ọ mẹ avaba ẹhẹ ka ẹ sị ụbanyị yị aza anị nị.

Ijeremaya 2:10

Ọ kà ẹnịnị ẹ nọ ẹtẹ Ịsayịpụrọsị ọnị enyi jị kara dị è ne re. Ẹyị vị avọọ ẹ tụ aza nọ ẹtẹ Ikeda dị ẹ tangwa na zama a re, èe ve re ka aa nyị ịzị ẹngụ ịrẹyị ọnọnị yà mẹ da.

Ijeremaya 25:22

Avaba ohinọyị ẹtẹ Ịtaya, avaba ohinọyị ẹtẹ Ịsịdọnị ẹnịrị ohinọyị ẹkụra ene hi ụtọ oku nịnị;

Ezikẹẹrị 26:15

Ọ kà ẹwụ nịnị Anitaya, ịjị àa ra nyị ẹbẹẹba awụ nịnị, aza ana ra hi utenyi vaa hụrẹ ayịnẹ ịjị ẹẹ yaa wụ́ aza ana aa wụ̀ mee nowu.

Ezikẹẹrị 26:18

Ụ mẹ va sị sẹ ẹdụ nịnị aanị, ẹkụra-ẹkụra ene hi ịnị akakana ẹnyị vị anaa dá ẹgahị. Anẹkụra ẹnẹẹ mẹ wụ ka á ree vu wu nịnị ẹtẹ ộ za wa zizi.

Ịdanịyẹrị 11:18

Ịrẹma ọnọọ, ọ vaa kụ ịrẹkụ ne tu anẹkụra ene hi eyi ụtọ oku dị ọ nyị ẹbẹẹba ọrụrụ-ọrụrụ ẹnịnị. Ama ọdọvịdị ọnya ana ahịka ọzọga ọ vị nị va sị zụ ọ, dị ọ̀ hụụnị ịkanggụ anị, ịzẹyịza, ọ vaa sị ịkanggụ anị zụ ọ ẹtẹẹtẹrẹ.

Ịzẹhwanaya 2:11

Ẹnẹyịmavara vee chire wa angwa ẹtẹẹtẹrẹ. Di o du ori ene hi ịnị ẹtẹ ọnọọ ha. Ịjọnọọ dị anẹkụra ọzọza aa hẹkẹ Ẹnẹyịmavara ịzị ẹ̀ẹ ya.

Iwe Ọhụhị Imosiisi ana aa hị́ Ọyịvatụrọda 32:8

Ẹnẹyịmavara ana nẹba hu keekere ộ sị ẹtẹ ọzọza yị wa nị ọnị ộ ka a ịzị anẹkụra irenyi-irenyi vaa ya ọnịrị ori ọnị ọzọza vaa kụ yị.