Oyinyima 10:2 - IWE ỌNỊNỊ

² Ezi Ịjahwẹtị nịnị ẹ vị Igoma, Ịmagọgị, Ịmadayị, Ịjavanị, Itubari, Imeseki ne beri Itirasi.

Oyinyima 10:2 ပူးပေါင်းရင်းမြစ်များ

Oyinyima 10:1

Ịtọpa ezi Inowa ọ vị ọnọọ nị. Ezi Inowa ẹnẹẹ vị Isemi, Ihami ọnịrị Ịjahwẹtị. Ẹnị ẹ rẹ vana ma ezi ịrẹma ọnị ọhaara enyi kụ́ ẹhẹ.

Oyinyima 10:21

Isemi ẹnẹbẹnị Ịjahwẹtị ọ vị ohiku ezi Ẹba nị, a rẹ ma ozi yị ọnị

Oyinyima 9:27

Ohomorihi vaa mẹ ka Ịjahwẹtị ọ yara, dị ụnaka anị ọnịrị Isemi ẹ̀ ra vabẹ, di Ikanaani ọ̀ vị ọrịhị ẹnịnị.”

2 Ohinọyị 17:6

Ịnị ana tụ ọ ịrayị ọhụhịịna ọnị Ihoseya rị ohinọyị, ohinọyị Asiriya ộ za Ịsamarịya, dị ọ za Anisirẹrị nịnị ọrịhị ne hi Asiriya nị. Aza ẹnyị ẹnịnị vị ọnị ọ kụ ne hi ịzị aā hị́ Ịhara, dị ọ kụ ẹnyị ne hi ọ̀ sị gụrị Irehu Ịhabọ ana ya okokoro Igozanị nị. Aza ẹnyị vị ọnị ọ ku ne hi ẹkụra Imediya.

Ahẹ Ụgama 120:5

Ma sị dà! Ẹ̀nị ẹ tụ́ mị ka ma na ra ẹkụra Imeseki ọnịrị ịda Ikedari?

Ayịsaya 66:19

Ẹ vaa yẹ ka ọnị ọ vị ọza anaa sị ụya rị wa nị. Ama, ọnị vaa navọ aza ẹnyị ẹnịnị, dị ọnị tụ́ wa nọ ẹkụra irenyi-irenyi aha onoze ịzị ọza ẹ yị wụ́ ịrẹyị anị, dị ẹ hyakụ ve re ụkata. Ẹnịrị aza ana yara ne ọpa vaa nọ Isipeni, Iribiya ọnịrị Iridiya, Itubari beri Igiriisi. Ẹ vaa sị ụbanyị anị zụ ịnị ẹkụra ẹnịnị.

Ezikẹẹrị 27:19

Anịdanị ẹnịrị Anigiriki nịnị ene hi ịzị aā hị́ Uzari ệ va hị́ ịsị waa ná nịnị. Enyusẹ ọnịrị ịsẹpẹ ẹ si vaa hị́ ịsa nị.

Ezikẹẹrị 27:7

Ịta Anijipiti ọyịza-ọyịza ana a mẹ̀ ụkọrọ hi, aa gana ku ẹpa awụ nịnị nị. Aza èe re e hụrị aha ẹnẹẹnẹ kẹnẹ aa yẹ ẹ nị. Ịta Anịsayịpụrọsị ene zoza kere-kere a sị jị ozokete ẹpa awụ nịnị nị. Enyi anị vị achẹrẹ ódodo

Ezikẹẹrị 32:26

Ẹkụra ana aā hị́ Imesechi ọnịrị Itubari yà ịzọọ. Ikuta isoja ẹnịnị gụ kara wa. Avaba ẹnịnị ẹ́ yị yẹ Ohomorihi. Á maa kụ̀ ịrẹkụ á wụ̀ wa nị, agụvị ka ẹnịnị vị enee vidii chire anẹhẹ nịnị angwa.

Ezikẹẹrị 38:15

ama ẹwụ vaa kwẹẹtẹ hụụ ịdị awụ aha ẹnẹẹnẹ eyi ẹbẹẹba, dị ụ dọ ọvịdị isoja tawụ-tawụ; isoja ẹnẹẹ vị ana hụrị ẹkụra ọrụrụ-ọrụrụ, ẹnịnị ẹẹ nyị ụkata ẹtẹẹtẹrẹ. Avaba ẹnịnị vị ana vaa tụra umaata.

Ezikẹẹrị 38:2

Ozi-ọza, ọnị ọ̀ va eyi ka ọnọrụ ana aā hị́ Ịgọgị dị ọnị ọ̀ tụ́ ohuvọ. Ịgọgị ọnọnị ọ̀ vị ohinọyị anẹkụra ana aā hị́ Ịmẹsẹkị ọnịrị Itubari ịnị ẹtẹ Ịmagọgị nị.

Ezikẹẹrị 38:6

Avaba aza anaā nọ ịrẹkụ ẹtẹ Igoma, ọnịrị ẹtẹ Ịbẹtị-Togama vị ana va vaka wa. Ẹtẹ ẹyịva ẹnẹnị vị ana yà eyi ẹbẹẹba. Avọọ aza mẹ hụrẹ ẹkụra-ẹkụra ana vọ va vaka wa nị.

Ezikẹẹrị 39:1

Ezikẹẹrị ka, Ẹnẹyịmavara Ananyịwa ộ kà a yị ọnị ka, ọnị Ozi ọza, ọnị ọ̀ na tụ́ Ịgọgị ohuvọ, ọnị ọ̀ kà a yị Ịgọgị ana vị ohinọyị Animeseki ọnịrị Itubari ka, ọnị Ẹnẹyịmavara vị ọnịvị anị o.

Ẹtore 20:8

Dị ọ jịnẹ, di o nee vene anẹkụra ene hi avaba ẹhẹ, ọnọọ vị ka Ịgọọgị ọnịrị Ịmagọgị. Dị ọ kụ́ wa gụ ka ẹ̀ na kụ̀ ịrẹkụ, ẹnịnị ệ rụrụ anka aarẹ ene hi ụtọ oku avọọ.