Oyinyima 10:10 - IWE ỌNỊNỊ

¹⁰ Ẹtẹ ọnị Inimirodi rị ohinọyị tụra ô nyima hụrẹ ẹkụra Ịbabịrọnị, Ereki na ngụ ẹkụra Akadi ọnịrị ẹkụra Ikarine. Avaba ẹkụra ẹnịnị vi ene hi ini ẹtẹ Isinari.

Oyinyima 10:10 ပူးပေါင်းရင်းမြစ်များ

Oyinyima 11:9

Agụvị avọọ aā hị́ ẹkụra ọnọọ Ịbabịrọnị nị, agụvị ka ịzọọ Ẹnẹyịmavara yà kụ́ ẹvazi ngụ ẹkụra ana anẹhẹ aa kà nị. Hụrẹ ịzọọ a yà gara wa hi avaba ẹhẹ nị.

Oyinyima 11:2

Ịnị ụmẹ ọnọọ aza ẹnyị ệ kụ̀rà hụrẹ eyi ọnị ọyịị̄ zịị vẹ di e ne tù ọnya ịnị ẹtẹ Isinari nị. Dị ẹnịnị yà ịzọọ nị.

Imika 4:10

Weē ti, weē rimanya ẹwụ nịnị Anijerusarẹmị mi ka weē ti anka ọza ana aa barẹẹ avọọ o si tù ka wa kụ̀rà hụrẹ ẹkụra di wa na ra ịnị avị nịnị Waa kụraa nọ Ịbabịrọnị nịnị. Ịzọọ Ẹ́nẹ ẹ̀ yị mā vara vàa yàa dọ wụụ tụ́ nịnị. Mị ka ọ vaa dọ wụ nịnị tụ hụụnị ụvọ ọnịvị awụ nịnị.

Oyinyima 14:1

Ịnị ụmẹ ọnya â nyị ohinọyị ẹẹna ẹnyị aanị. Ẹnịnị ẹ vị Amịrahwẹrị ohinọyị Ịbabịrọnị, Ariyoki ohinọyị ẹkụra Erasa, Ikedoromeri ana vị ohinọyị ẹkụra Erami ne beri Itidari ana vị ohinọyị anẹkụra Igoyimi.

Ịzakaraya 5:11

Dị anggẹẹrị tụ́ ọ ohi ka ẹtẹ Ịbabịrọnị ịzị a vaa dà irehi yọ. Ịjị ọ ta dà, dị a sị uji ọnọọ tụ́ ịzọọ dị aza aa hẹkẹ ẹ.

Imika 5:6

Dị ọdọvịdị ayị tụ́ Anasiriya ịnị ịrẹkụ Mị ka ịhị Anasiriya ẹ̀ẹ kụ́ ịrẹkụ vẹ ịda ayị Dị ẹ ngụ ịzị ị tẹ tụ́ nị Dị ọdọvịdị ayị dọ yị hụrẹ wa ụvọ.

Emọsị 6:2

Ẹnẹyịmavara kà ẹnịnị e ne re ịsẹ tu ẹkụra ọzọza ịnị ẹtẹ Ikarine, ọnịrị Ihamati ẹkụra ọbanyị ne beri Anigati ịnị ẹtẹ Ihwirisiti. Ẹnịnị wáá nyị ụkata hụụnị Anẹkụra ẹnẹẹ nị?

Ijeremaya 50:21

Ẹnẹyịmavara kà, ẹwụ nịnị ẹkụra-ẹkụra ọ̀ kwẹẹtẹ tụ Animeratayimi nịnị ẹnịrị Anipekodi nịnị. Wụ wa, di u we vú wa ẹtẹ nịnị. Ọ kà, wa mẹ avaba ịsị ọnị kà yị wụ nịnị o.

Ayịsaya 39:1

Ịnị ụmẹ ọnọnị gẹdẹ-gẹdẹ Imerodachị-Ibaradanị, ozi Ibaradanị ana vị ohinọyị Ịbabịrọnị sị wụ́ ka ẹngụ aa zị Ihezekaya nị. Agụvị avọọ ộ chẹrẹ iwe, dị ọ sị ẹyịza beri ọ tụ́ hi Ihezekaya nị.

Ayịsaya 11:11

Ịhị ọnọọ Ananyị yị rẹ vaa sị ụkata kụ́ ọza anị ana vọ ene hi ẹkụra ẹnịnị vẹ: Asiriya, Ijipiti ụvẹtẹ ọnịrị ẹbẹẹba, Ikusi, Erami, Ịbabịrọnị, Ihamati ne beri ẹkụra ene hi ịnị akakana oku.

Ayịsaya 10:9

Ẹ rẹ ka ẹnị mè huna Ikakemisi ịnị ẹtẹ Aripadi nị. Ẹ ka ẹnị ệ kụ́ ịrẹkụ na rị anẹkụra Ịsamarịya ọnịrị Ịdamasịkọsị.

Ịdanịyẹrị 1:2

Ananyị yị ộ hụrẹ Ijehoyakimi ụvọ yị Inebukadineza beri ẹnya ẹnyị ene hi ịnị irehi Ohomorihi. Dị ọ kụ wa na ngụ ịnị irehi ori ẹnịnị Ịbabịrọnị nị. Ô tu ịzọọ dị ọ kụ ẹnya ẹnẹẹ hi ịnị irehi ori anị nị.

Oyinyima 10:9

Ẹnẹyịmavara ộ sị ụkata yọ ka ó yara zube. Ọnị a sịị̄ kà a ka Ẹnẹyịmavara ọ̀ sị ụkata yị wụ anka ọ mẹ̀ sị ụkata yị Inimirodi ka ọ̀ yara zube.

Ijeremaya 21:2

Ẹnịnị ê ne tu Ijeremaya dị ẹ́ ka, aarịhịnị, ò pe ẹnị pe Ẹnẹyịmavara kà ịrẹyị agụvị ka Inebukadineza ohinọyị Ịbabịrọnị ọnịrị Isoja anị ẹ́ raa kụ ịrẹkụ ee vee tu Ijerusarẹmị. Ẹ ka ẹyịyara, Ẹnẹyịmavara vaa mẹ ịvọpa yị ẹnị dị ọ dụ Inebukadineza varẹma.

Ijeremaya 50:1

Ijeremaya ka, ịrẹyị ọnị Ẹnẹyịmavara kà yị ọnị ịnị ịpa ẹkụra ana aā hị́ Ịbabịrọnị ọnịrị Anẹkụra ọnọọ yị.

Ezikẹẹrị 27:23

Anẹkụra ana aā hị́ Ịharanị, Ikane ọnịrị Edẹnị vị ọnị ẹwụrịị sẹ ohu nịnị. Ẹnị osohu Aniseba, Anasụrị ọnịrị Anikimadi vị enee pè wu nịnịị sẹ ohu.