Oyinyima 1:6 - IWE ỌNỊNỊ

⁶ Ịrẹma ọnọọ di Ohomorihi rẹ ka à nyị eguhi dị ọ̀ yà ịnị akakana enyi ọnọọ dị ọ̀ gà enyi ọnọọ hi ẹẹva.

Oyinyima 1:6 ပူးပေါင်းရင်းမြစ်များ

Oyinyima 1:14

Dị Ohomorihi rẹ ka à nyị ẹtohweyi hi ini eguhi ẹbẹẹba, dị ọ̀ há ọọdụ ọnịrị ịrahụ hi, dị à rẹ zụ sịị yẹ ẹkụhị, ịrayị ọnịrị ụmẹ eche ahẹkẹ.

Oyinyima 1:20

Ohomorihi rẹ ka ịsa anaā ra ini enyi ọrụrụ-ọrụrụ ẹ̀ chaka hi ini enyi, di inomi nịnị eè hira ẹbẹẹba ini eguhi.

Ijoovu 26:13

Ọ̀ọ tụ ụhwẹ kẹnẹ dị avaba ẹtẹ hweyi ịnị ihinẹba; ụvọ anị ọ̀ sị wụ̀ ẹ́wụ́ ene e zwe nị.

Ijoovu 37:11

Ộ mẹ ka eguhi ọ̀ vị enyeenyi, dị ịnyanya aa rị vee-vee hụụnị eguhi nị.

Ijoovu 37:18

Wáá nyẹngụ tana eguhi ẹbẹẹba, anka Ohomorihi mẹ̀ mẹ, dị ụ wa mẹ̀ ẹ katẹngụ anka enyusẹ?

Ahẹ Ụgama 104:2

Wâ sị ẹtohweyi dị ụ sị mẹ awuru chire nị, dị ụ maanị gana ẹhẹ jẹẹ anka ọza òó rere jị ajẹngụ avọọ nị.

Ahẹ Ụgama 148:4

Ihinẹba ana nẹba hu keekere ọnịrị enyi ene hi ịrẹsụ eguhi ọ̀ọ kụ́ ọ avọ.

Ahẹ Ụgama 150:1

Waa kụ́ Ẹnẹyịmavara avọ nịnị Waa kụ́ Ohomorihi avọ ini eehi anị nịnị Waa kụ́ ọ avọ agụvị ụkata ọnị ọ nyị tụ́ ini ihinẹba nịnị.

Ahẹ Ụgama 19:1

Avaba ihinẹba aa sịị zụ̀ ka ụbanyị Ohomorihi ộ dẹngụ Aa mẹ ka avaba aza è re ụkọrọ oni Ohomorihi sị ụvọ anị mẹ.

Ahẹ Ụgama 19:2

Eyi ana nị̄, vi ana aa nọ ọ booro-booro Ịrahụ ene hi aa sị ịrẹyọyẹ anịị zụ̀

Ahẹ Ụgama 33:6

Irenu kẹnẹ ọ sị ka ịrẹyị dị ọ sị mẹ ẹbẹẹba ọnọnị. Ọ mẹ̀ tụ́ ụhwẹ hụụnị irenu, dị ọ sị mẹ avaba ịsị e hi ịnị anị nị.

Ahẹ Ụgama 33:9

Irenu kẹnẹ ọ sị kà ịrẹyị, dị ịsị ọ ka ọ̀ mẹ mẹ nị ee ro! Ọda ọnị ọnị mẹ, ọnị ọ mā vara oo!

Ịrẹyị Ọzwọzịsa 11:3

Orihi òo ka eyi vị ọọ zụ̀ nị.

Ayịsaya 40:22

Ohomorihi ana mẹ̀ ẹhẹ ộ yaatẹ ịrẹsụ ude ohinọyị anị ẹbẹẹba ẹteesu ọnịrị eguhi. Ẹyị aza ana ya ịrẹsụ ẹtẹ vi ene weyi anka ihine avọọ. Ọnị ọ́ gana eguhi anka ịta anaā sịị jị oze avọọ nị. Ọ gana a anka ajẹngụ ana aā ra ịnị anị avọọ nị.

Ijeremaya 10:10

Ama Ẹnẹyịmavara ọ vị Ohomorihi obooro nị. Ọnị ọ vị Ohomorihi ana yara nị. Ọnị ọ vị Ohinọyị pooro zịna-zịna nị. Ẹnẹyịmavara àaa kụ ayị, avaba ẹhẹ vị ene e zizi. Anẹhẹ ẹ yị zụ jẹẹ zị ọ àaa kụ ayị.

Ijeremaya 51:15

Ẹnẹyịmavara ọ sị ụkata anị mẹ ẹhẹ ọnọnị nị. Ịrẹyọyẹ anị ọ sị mẹ avaba ịsị e hi ẹhẹ, dị ọ́ gana ẹbẹẹba nị.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

2Ipita 3:5

Ệ yẹ ịsa ọnọnị, ama é yii, ẹ́ yị dọ ka ịyẹẹyẹ Ohomorihi ộ kà ịrẹyị, dị ọ mẹ ẹhẹ ọnịrị ẹbẹẹba nị. Dị ẹtẹ jịnẹ hụụnị enyi vẹ, dị ọ rẹ yà ịrẹsụ enyi nị.