Oyinyima 1:2 - IWE ỌNỊNỊ

² Ẹtẹ vị ana vịdị tịtẹ juguu kẹnẹ, di o vi osusu nị. Enyi ọbanyị vi ene kú avaba ẹtẹ, dị avaba ẹtẹ vị ịrahụ ruma-ruma nị. Dị Ụhwẹ Ohomorihi yà ẹbẹẹba enyi ọnọọ, dị aa mẹ nanana nị.

Oyinyima 1:2 ပူးပေါင်းရင်းမြစ်များ

Ijoovu 26:14

Avaba ịsa ẹnịnị aa kiiki ịnị ụkata anị anka o rere hu ohi kẹnẹ avọọ nị. Ẹnẹ zụ yẹ ịzị Ohomorihi banyị na za.

Ijoovu 26:7

Ohomorihi vị ana gana ihinẹba ku oze eyi ẹbẹẹba, Ẹ́ yị nyị ịsị ọ sị ẹhẹ gẹ ịnị anị.

Ijoovu 38:9

Ẹnẹyịmavara kà ọnị ọ̀ sị eguhi ojooji piri para enyi oku tụ ẹbẹẹba nị.

Ijoovu 41:32

Àa họ̀ enyi dị oziizi ana saasa a aa zẹtẹ, dị òkū ee ku ahụhụ ọvwọọvụ sẹnẹ-sẹnẹ nị.

Ahẹ Ụgama 104:30

Wâ tụ́ ụhwẹ tụ́ wa ẹngụ, dị ụ sị mẹ wa nị, dị ụ mẹ ka ẹhẹ anẹhẹ ẹ̀ vara ọwọọwa nị.

Ahẹ Ụgama 104:6

di u si enyi ana nyịnẹ chire e awuru nị. Enyi ọnọọ vị ana mụnẹ ataba nịnị.

Ahẹ Ụgama 136:6

Ẹhẹ vị ọnị ọ mẹ tụ́ ịrẹsụ enyi. Vi óō sì ịrẹyị ọza pooro zịna-zịna nị.

Ahẹ Ụgama 148:7

Ẹwụ nịnị ene hi ịrẹsụ ẹtẹ, wa kụ́ Ẹnẹyịmavara avọ nịnị. Ẹwụ nịnị uye ẹbanyị-ẹbanyị ene hi ini enyi ọnịrị avaba ịsị e hi iruvo oku ọ̀ọ kụ́ Ẹnẹyịmavara avọ.

Ahẹ Ụgama 33:6

Irenu kẹnẹ ọ sị ka ịrẹyị dị ọ sị mẹ ẹbẹẹba ọnọnị. Ọ mẹ̀ tụ́ ụhwẹ hụụnị irenu, dị ọ sị mẹ avaba ịsị e hi ịnị anị nị.

Ụhịrẹyị 8:24

Ịrẹyọyẹ kà a sị ọnị ma dị a va yẹ ka aa nyị òkū ọnịrị enyi ịnị ẹtẹ.

Ayịsaya 31:5

Wéē re inomi mèe hira kara ịrẹngwẹ anị ka asị a nyị ịsị ẹ kanyị ọ avọọ, avọọ ẹmị Ẹnẹyịmavara Ochẹtẹẹngụ mè vee si eyii pè Ijerusarẹmị ka asị a nyị ịsị ẹ kanyị ọ nị, mi vee sere e, dị mị dọ ọ tụ́.”

Ayịsaya 45:18

Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.

Ijeremaya 4:23

Ijeremaya ka ọnị ô ré ẹtẹ, ẹtẹ vana tịtẹ juguu kẹnẹ, dị ọ rẹ vị osusu nị. Ọnị ô ré ẹbẹẹba, ẹ yị kụkụ nyị ẹtohweyi.

Ịnahụmị 2:10

Ịjị Anininivẹ maanị re ẹtẹ, dị e nowu za ẹtẹ, dị ẹ ka, oo Ininivẹ ô si du nịnọọ! ộ sị tụ osusu! ệ yị nyị oza vụrụ-vụrụ! Ayị ẹnịnị ọ́ sị sẹ̀ hi wa ẹngụ angwa mee hi wa; Dị ẹgahị ngụ wa ẹngụ, dị ahụ ẹnịnị aa jị wa ụvọ ụkata ẹnịnị ta nị; Dị eyi ẹnịnị aa hụrẹ ọvụ nị.

2 Anịkọrịntị 4:6

Ohomorihi ộ vịdị kà a ka ẹtohweyi vaa jịnẹ hụụnị ịrahụụ vẹ. Ohomorihi ọnọọ ọ̀ rẹ mẹ ka ẹtohweyi anị ọ̀ọ zẹtẹ ịnị ayị ayị, agụvị dị ya zụ yẹ igirima Ohomorihi ana aa zẹtẹ ini eyirẹsụ Ijeesu oni Ohomorihi nyị mẹ ohinọyị ka ọ̀ dọ yị há.

Iwe Ọhụhị Imosiisi ana aa hị́ Ọyịvatụrọda 32:11

Ẹnẹyịmavara vene sere wụ nịnị anka ọkasịmẹ mẹẹ sere ịrẹngwẹ ezi anị avọọ nị. Dị a jị ọkẹrẹpẹ kara wa. Ẹnẹyịmavara vene tenyi ẹngụ ọyị gana avaka anị ku aza, dị ọ za wa ẹnịnị aa va hyẹdụ.