Oyinyima 1:14 - IWE ỌNỊNỊ

¹⁴ Dị Ohomorihi rẹ ka à nyị ẹtohweyi hi ini eguhi ẹbẹẹba, dị ọ̀ há ọọdụ ọnịrị ịrahụ hi, dị à rẹ zụ sịị yẹ ẹkụhị, ịrayị ọnịrị ụmẹ eche ahẹkẹ.

Oyinyima 1:14 ပူးပေါင်းရင်းမြစ်များ

Iwe Ọhụhị Imosiisi ana aa hị́ Ọyịvatụrọda 4:19

Asị ẹ zẹ ka ayị ẹnịnị o vene ẹnị dị ẹẹ hẹkẹ ọyị a vị ụhwẹ ọnịrị ụzọmị ene e yee re ịnị ihinẹba. Ẹnẹyịmavara ana vị Ohomorihi ẹnịnị vị ana navọ anẹhẹ ana vọ ka ẹẹ hẹkẹ ẹ.

Ijeremaya 31:35

Ẹnẹyịmavara ọ mẹ ọyị ka ọ̀ vị ẹtohweyi yị ọọdụ nị, ọnị ọ mẹ ụhwẹ ọnịrị ụzọmị ka ẹẹ zẹtẹ ịrahụ nị. Ọnị ọ mẹ ka oku ọọ jị ayị dị ọọ da vụụvụ nị. Ịrẹha anị ọ rị Ẹnẹyịmavara Ochẹtẹẹngụ nị.

Ahẹ Ụgama 148:3

Ẹwụ ọyị ụhwẹ ọnịrị avaba ẹwụ nịnị ụzọmị ana aa zẹtẹ ọ̀ọ kụ́ ọ avọ.

Ahẹ Ụgama 148:6

Ộ mẹ ka ọzọza ọ̀ yà udi anị pooro zịna-zịna. Ọda ọnị ọ mẹ, ẹ yị nyị ịsị ẹẹ kụ́ ọ kwooze.

Emọsị 5:8

Ẹnẹyịmavara ọnị ọ mẹ̀ ụzọmị nịnị nị. Ọnị ọ mẹ oserụhwẹ ọnịrị ụhwaazị nị, ọnị ọọ̄ vara etohozi eyọnị, dị ẹtohweyi vara ịrahụ nị. Ọnị o tụra enyi hụụnị oku vaa hịrẹ, dị ọ zwọ ọ orihi chi vẹ hi ẹtẹ nị.

Ijowẹrị 3:15

Ọyị ọnịrị ụhwẹ vee hozi, dị ụzọmị nịnị ẹ yị kụkụ za ẹtẹ.

Ijeremaya 10:2

Ẹnẹyịmavara kà, a sị ụ hama ebira ana anẹkụra ana vọ aa mẹ nịnị. Asị ụ hụrẹ ayịnẹ apọtẹrẹwa ọnị we re ẹbẹẹba nịnị, anẹkụra ana vọ ẹẹ daka hụrẹ ayịnẹ agụvị avọọ.

Ahẹ Ụgama 81:3

Sị ọpanyị ịdẹba di wee hú ọ nịnị ịnị eche ụhwẹ ọwọọwa ọnịrị ini eche ana aā rị ụhwẹ ọ̀ọ sị hụrẹ.

Oyinyima 8:22

Ọ kà hụrị ụmẹ aanị na pooro dị ẹhẹ ọ̀ kara ụpa, a vaa nyị ụmẹ ene eē sii chire ịsa, di a rẹ nyị ụmẹ ana va sịị̄ mẹ̀ ịsa ịnị aarẹ. A vaa nyị ụmẹ orihi di a rẹ nyị ụmẹ ọhahị. A vaa nyị ụmẹ ahị ọnịrị ụmẹ ẹhị, avọọ a mẹ̀ rẹ vaa nyị ụmẹ ịrahụ ọnịrị ọọdụ nị.”

Ayịsaya 40:26

Re ẹbẹẹba di u wee re! Ẹnẹ mẹ ụzọmị ọnị wee re? Ẹnẹyịmavara ana kụ wa tụ ẹhẹ anka ọkọnị isoja, ọ̀ yẹ ịrịka ẹnịnị vị, dị ọọ̄ sị ịrẹha ọzọza hị́ wa nị. Agụvị ụkata ọdẹngụ anị ene e si sere wa, ẹ yị nyị ene vu ịnị ẹnịnị.

Imatiwu 24:29

“Ịjị ụmẹ ụyọrị ẹnẹnị ọ̀ọ ta kẹnẹ, ọyị vee hozi, ụhwẹ ọ yị kụkụ vaa vwẹtẹ, dị ụzọmị nịnị jị hụụnị ihinẹba, dị ụkata ẹbẹẹba re henyi.

Emọsị 8:9

Ịnị ụmẹ ọnọọ, dị Ẹnẹyịmavara Ohomorihi mẹ ka ọyị ọ ngụ ẹtẹ, dị ẹtẹ hozi ịnị ọọdụ ọnọọ.

Ijowẹrị 2:10

Dị ẹtẹ ọnịrị ẹbẹẹba ee ziizi; dị ọyị ọnịrị ụhwẹ ẹ yị re oze sị ẹtẹ hweyi, dị ụzọmị nịnị ẹ yị kụkụ zẹtẹ nị.

Ijeremaya 33:20

Ọza ọ̀ọ zụ kụ ọda ọnị ọnị mẹ yị ọọdụ ọnịrị ịrahụ kwooze, ka asị ẹnịnị zụ vẹ ịnị ụmẹ ẹnịnị.

Ẹtore 6:12

Di mi re re, ọ mẹ̀ hụ̀ ịsa ọhụhịnọnyị ana a sị vá iwe ọnọọ nị. Dị ẹtẹ henyi jigi-jigi, dị ọyị kuku ee mine anka ịta ojooji avọọ nị. Dị ụhwẹ ọnị ee ví pooo anka anya avọọ nị.

Imatiwu 2:2

Dị e họ̀ use ka: ịzị ozi ana a ma ana vaa vị ohinọyị Aniju nịnị ya? Ẹ ka ẹnị ê re ụzọmị anị ka ộ chị tụ eyi ọnị ọyịị̄ zịị hụrẹẹ vẹ, dị ẹnị vẹ ka ẹnị ẹ̀ va vaku ẹtẹ kụ ọ nị.

Ezikẹẹrị 46:1

Ẹnẹyịmavara Ananyị ụkata hu ka, ẹkụhị ịhịnọnyị ana aa mẹ ụkọrọọ vị ịnị ọsẹ avọọ, vị ene e vee chire oze ana na ngụ ịnị ohweje ana ya ịnịnẹ irehi Ohomorihi oze ana ya eyi ọnị ọyịị̄ zịị hụrẹ aa kà nị. Ama ẹkụhị ụhwọtụ ọnịrị ẹkụhị eche ụhwẹ ọwọọwa dị a na a.

Ijeremaya 33:25

Ẹnẹyịmavara kà, ọnị ọ raa zẹẹ ịzẹzẹ beri ọọdụ ọnịrị ịrahụ, dị ọnị raa mẹ ọda ana avaba ịsa ene hi ẹhẹ ọnịrị ẹbẹẹba aa saasa nị.

Ijoovu 25:5

Ụhwẹ ọnịrị ụzọmị ẹ yị hyakụ zẹtẹ eyi Ohomorihi.

Oyinyima 9:13

Ohomorihi ka ọnị ộ sị ọgaazị tụ́ ịnị eguhi. Ọnị ọ vị apọtẹrẹwa ọkatịtẹ ọnị ọnị pè anẹhẹ kà tịtẹ nị.

Ẹtore 8:12

Dị anggẹẹrị ọhụna oni re hú ọpanyị anị nị, dị a sị ịsa nya achẹta ọyị ọnịrị achẹta ụhwẹ ne beri achẹta ụzọmị nịnị, dị achẹta ẹtohweyi ẹnịnị sị hozi nị. Achẹta ụmẹ ọọdụ ọnịrị achẹta ịrahụ ẹnị ẹ yị rẹ kụkụ nyị ẹtohweyi.

Iruuku 23:45

Ọyị o si hozi, dị achị ọratụpọ ana a sị che irehi Ohomorihi, há hi ẹẹva nị.

Ịmaakị 13:24

Ama ịjị ụmẹ ụya ẹnẹnị ọ̀ọ ta, ọyị vee hozi, ụhwẹ ọ yị kụkụ vaa vwẹtẹ,

Ezikẹẹrị 46:6

Ịhị àa rị eche ụhwẹ ọwọọwa, ohinọyị ẹkụra vaa sị ụnọ ọnya ẹnẹ ẹ̀ yị nyị ịsaa zị, dị ọ sị ezi atẹmẹ ịhịnọnyị ọnịrị ịdẹba ọnya ẹnẹ ẹ̀ yị nyị ịsaa zị dị a sị mẹ̀ ịsọvọ.

Ahẹ Ụgama 119:91

Ọda ọnị ụ mẹ vị ana jị jẹẹ ve tù ajịnị. Avaba ịsa vi ana aa hẹkẹ wụ.

Ijoovu 25:3

Ẹnẹ ka ọnị ọ zụ yẹ ịrịka ọkụrẹkụ Ohomorihi? Áá nyị ịzị ẹtohweyi anị ẹ yị zẹtẹ ne tu?

Ijoovu 3:9

Asị ụhwẹ àzị̀ umeyọnị ịrahụ ọnọọ za ẹtẹ. Asị o tụra eyi ẹtohweyi eyi,

Ẹtore 9:2

Dị ọ na oze ọbọbọ ọnọọ, dị areyi dà va jịnẹ hụụnị anị anka areyi ọrịra ọbanyị avọọ nị. Dị areyi ana dà jịnẹ hụụnị ọbọbọ ọnọọ mine ọyị ọnịrị eguhi tịtẹ kẹnẹ nị.

Oyinyima 1:13

Hụrị ẹnẹnẹ na ngụ oruva, dị ọ rẹ tụ́ ọ ẹkụhị ọhụta nị.

Oyinyima 1:15

Etohweyi ẹnẹẹ vaa za ẹbẹẹbẹ, dị ẹ̀ sị ẹtohweyi tụ́ ịnị ẹhẹ. Dị ọ rẹ vavọọ yà nị.

Ahẹ Ụgama 150:1

Waa kụ́ Ẹnẹyịmavara avọ nịnị Waa kụ́ Ohomorihi avọ ini eehi anị nịnị Waa kụ́ ọ avọ agụvị ụkata ọnị ọ nyị tụ́ ini ihinẹba nịnị.