Oyinyima 1:11 - IWE ỌNỊNỊ

¹¹ Ohomorihi ọ rẹ kà a ka ọchị nịnị ẹ̀ chị hụụnị ẹtẹ hi ẹhẹ, ọchị irenyi-irenyi anaā nyị ẹtụtụ ọnịrị ihu evere ẹnịnị. Dị ẹ rẹ vavọọ, chị hi ẹhẹ nị.

Oyinyima 1:11 ပူးပေါင်းရင်းမြစ်များ

Oyinyima 1:12

Dị ọchị irenyi-irenyi vavọọ chị hi ẹhẹ nị, ochị anaā nyị ihu evere ẹnịnị ọnịrị anaā tụ́ ẹtụtụ evere ẹnịnị. Ohomorihi mẹ vavọọ re e, ô zee e eyi.

Oyinyima 1:29

Mâ sị akụ ọnịrị apaapa ne beri ẹtụtụ irenyi-irenyi yị wụ nịnị ka waa rị wa nịnị.

Oyinyima 2:16

Di Ẹnẹyịmavara Ohomorihi va mẹ ọda yị ọza ọnọọ dị ọ ka, “Avaba ọchị ene hi ịnị ụbazị aanị, ẹnị ẹtụtụ anị òo zee wu eyi, wa nyẹngụ aa rị ọ.

Oyinyima 2:5

ịnị ụmẹ ọnọọ ẹ yị nyị ọchị à vị avị ana chị tụ́ ịrẹsụ ẹtẹ, agụvị ka Ẹnẹyịmavara Ohomorihi ọ́ yị mẹ ka orihi ọ̀ zụ̀ụ hi ịnị ẹtẹ, ẹ yị rẹ nyị ọza ana vọrọ ka ọ̀ dà aarẹ tụ́ ịnị ẹhẹ.

Oyinyima 2:9

Ẹnẹyịmavara Ohomorihi ộ mẹ̀ ka ọchị ozoza-ozoza irenyi-irenyi è nyị hi ịzọọ, dị ẹ̀ẹ tụ́ ẹtụtụ ozoza. Ịnị akakana ụbazị ọnọọ a rẹ nyị ọchị ẹnyị ana jẹẹ ịzọọ. Ọnya vị ọnị ẹtụtụ anịị̄ mẹ ka ọza ọ̀ yàra pooro, dị ẹtụtụ ọsaa mẹ ka eyi ọza ò hweyi tù ịsa ozoza ọnịrị ịsa odivi nị.

Ijoovu 28:5

Uruvo ẹtẹ anaā kụ ịrụkụ ịsọyịrị tụ́ a ka ịra tụ́ anaa sị chaka ịrẹta enyusẹ ẹnẹnị nị.

Ahẹ Ụgama 1:3

Ọza ana vavọọ aa mẹ̀ ebira ẹtẹẹrẹ, vị ọnị ẹngụ anị vee hunẹnẹ pooro. Ẹngụ ọza ọnọọ vị ana sị mẹ anka ọchị ene e chire tụ́ ụtọ okuha, anaā tụ ẹtụtụ anị ịnị ụmẹ anị, avị anị ẹ yị maa wọ̀rọ̀. Ịsa tụra ịsa ọnị ẹngụ ọza ọnọọ ọ̀ọ sị ụvọ tụra ka ọnị aa mẹ vị ene ee zozaa yọ.

Ahẹ Ụgama 147:8

Ẹnẹyịmavara ọ sị eguhi kú ẹbẹẹba nị, dị aa mẹ ka orihi ọ̀ọ zụ̀ụ hi ẹtẹ nị. Ọnị aa mẹ ka avị ee nyii hi ịnị ataba nị.

Ayịsaya 61:11

Ẹnẹyịmavara Ochẹtẹẹngụ vaa sị ịzẹyịza anị zụ anẹhẹ nịnị. Avaba anẹkụra nịnị vaa ga a. Ịzẹyịza Ohomorihi vaa sị mẹẹ anka ụbazị mẹẹ̄ ya ẹnẹnẹ avọọ nị. Anka uhu nịnị mẹẹ̄ chị hj avaba aha dị ẹ hụ avọọ.

Ijeremaya 17:8

Ẹngụ ọza ọnọọ vị ene vee hunẹnẹ anka ọchị ene e chire tụ ụtọ okuha dị ọ hà ẹpa na ngụ ịnị enyi avọọ. Ô me hí angwa ka ẹtẹ ọngụra aaa vẹ, agụvị ka avị anị vanaa yịị vị ohwoohu. Ọ́ ma hụrị ayịnẹ ụmẹ ọnị ọyị ọọ jị, agụvị ka vị aa yịị tụ́ ẹtụtụ nị.

Imatiwu 3:10

Booro aanị, á raa sị ịraga pe ọchị nịnị ẹpa, avaba ọchị ẹnẹ ẹ̀ yị tụ́ ẹtụtụ ozoza vị ana á vaa má, dị e ne e ngụ ịnị ịra.

Imatiwu 6:30

Ohomorihi ọ̀ọ vavọọ sị uzoza yị avị, oni u wèe re ajịnị, ụhwọọ dị a sị ọọ ká tụ́ ịnị ịra, wé ro ka ọ yị vaa sị ịta ene zoza hu avọọ kú wu nịnị ẹngụ? Ẹdọwụ awụ nịnị ộ da weyi kẹnẹ!

Ịmaakị 4:28

Ẹtẹ, ọnị ụvọta, ọ mẹ ka ọ̀ chị nị. Ịjị ọ sị chị, dị ọ hụ, di o ve hi ịrẹsụ nị. Ịrẹma ọnọọ, dị ọ va mẹ nị.

1 Anịkọrịntị 15:38

Ama Ohomorihiī sị ẹngụ oni òo sì yị ihu oni u chire. Ihu ọzọza vị ana nyị ẹngụ anị.

Anihiburu 6:7

Sị ịrẹyị ọnọnị zama a re nịnị: Orihi ọ̀ọ zụ̀ hi aarẹ, di o hú ọọ, dị ọ mẹ̀ ịsa yị aza ana dàa nị, Ohomorihiī mẹ ọyịzaa yị ẹtẹ ọnọọ.

Ijemiisi 3:12

Ẹwụ nịnị ẹyịnyara amị, wéé re ọchị ezu ana aa tụ́ osinkara nịnị da, à vị ka dị ọ̀ọ tụ́ oromi? Avọọ gẹdẹ-gẹdẹ ụsị enyi ọnyịrẹyị ẹ yị nyẹngụ tụ́ enyi ohine jịnẹ.