Ộ mẹ̀ aduwa, dị ọ ka: Ẹwụ Ẹnẹyịmavara, Ohomorihi Anisirẹrị nịnị, ohinọyị ana ya ẹbẹẹba anggẹẹrị nịnị, ẹwụ ịnyara ọ vị̀ Ohomorihi nị. Ẹ wa vị ohinọyị avaba ẹhẹ nị. Ẹwụ tụ ẹtẹ ọnịrị ihinẹba nị.
Dị ẹ ka ọnị ịnyara kẹnẹ ọ vị Ẹnẹyịmavara nị. Ọnị ọ mẹ̀ eguhi, ọnịrị ẹbẹẹba neberi ụzọmị nịnị nị. Ọnị ọ mẹ̀ ẹtẹ ọnịrị oku neberi avaba ịsa ana ra hị́ ịnị anị. Ọnị ọ sị ụhwẹ yị avaba ịsa, dị ee sere wa nị. Ọnị avaba anggẹẹrị nịnị aa hẹkẹ nị.
Re ẹbẹẹba di u wee re! Ẹnẹ mẹ ụzọmị ọnị wee re? Ẹnẹyịmavara ana kụ wa tụ ẹhẹ anka ọkọnị isoja, ọ̀ yẹ ịrịka ẹnịnị vị, dị ọọ̄ sị ịrẹha ọzọza hị́ wa nị. Agụvị ụkata ọdẹngụ anị ene e si sere wa, ẹ yị nyị ene vu ịnị ẹnịnị.
Aanịka wẹ́ẹ́ yị yẹ? Wẹ́ẹ́ yị wụ̀? Ẹnẹyịmavara ọ vị Ohomorihi ana yara pooro nị. Ọnị ọ tụ ẹhẹ vẹ nị. Ọ yị mā ngụ ọ ẹngụ, ọ yị mā ha a. Ẹ yị nyị ọza ana yẹ ịsị vị aro anị.
Ohomorihi ộ mẹ avaba ịsa ene hi ẹbẹẹba, dị ọ gana wa nị. Ọnị ộ mẹ̀ ẹhẹ ọnịrị avaba ịsa ene hi ịnị anị nị. Ọnị ộ mẹ̀ ka aza ene hi ịnị ẹhẹ ẹ̀ yara, dị ẹẹ tụ́ ụhwẹ nị. Ẹnẹyịmavara, Ohomorihi ọ kà a yị ozi ahụ anị ọyaanị ka;
Ẹnẹyịmavara ana dọ wụ nịnị ha ka; ọza ana mẹ wụ nịnị tụ́ ịnị ịnẹ ọnyị awụ nịnị ka, “Ẹma vị Ẹnẹyịmavara ana ma avaba ịsa nị. Ẹmị ịnyara ọ mẹ ẹbẹẹba ịzị ọ gana na za nị. Ẹmị ọnọọ ọ rẹ mẹ ẹhẹ ịzị ọ gana na za nị.
Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.
Ayị ô hi wa ka Ẹnẹyịmavara ana tụ wa, ộ gana ẹbẹẹba ku tụ ịzị ọ ya, dị ọ sị eteesu hi ẹtẹ nị. E yee hí angwa agụvị ka aza ana mẹ ẹvaya yị wa aa kụ ayị ka ẹnị a wụ̀ wa. Ịzị aza ẹnẹẹ hi booro aanị?
agụvị ka ịhị ọnọọ, ụya ene vee chí hi ẹtẹ, ẹ̀ yị vịdị vavọọ nyị ụya da, Óhomorihi mẹ̀ hụrẹ mẹ ẹhẹ pooro ve tù ọyaanị; a mā rẹ vana vavọọ nyị ị́rẹma anị.
“Anda ayị nịnị, sị ẹ vẹ dị ụ maanị aa mẹ nịnị aanị? Ọza anka ẹwụ nịnị mẹ̀ rẹ yà ị vị nọ! Yâ vẹ ịzẹnị ka ya va kà enube ọyịza wụ nịnị, ka wa và hụụnị ịsa kẹnẹ-kẹnẹ ẹnẹnị, dị ụ wa và ká Ohomorihi ana yàra na nịnị! Ohomorihi ọnọọ ọ mẹ ẹbẹẹba ọnịrị ẹhẹ beri òkū ọnịrị avaba ịsa ene hi ịnị ẹnịnị nị.
Ẹ mẹ̀ vavọọ wụ́, di e dudu sị ayị vị ọnya, di e nowu hị́ Ohomorihi nị. Dị ẹ ka: Ohi-ọmenezeyi Ananyịwa, ẹwa mẹ ẹbẹẹba ọnịrị ẹtẹ nị. Ẹwa rẹ mẹ òkū ọnịrị avaba ịsị e hi ịnị anị nị.
Ohomorihi ọ rẹ mẹ mị ka ma sị zụ̀ aza, dị è re e Óhomorihi mẹmẹ aa mẹ̀ ịsa ọnị ọ vịdị mẹ eto anị tịtẹ. Hụrị ụmọrụmọ dị a va yẹ ka aa mẹ ẹhẹ, Óhomorihi ana mẹ avaba ịsa hụrẹ sị ịsa ọnọọ tẹ nị.
Agụvị ka Yáa sị ayị tụra Ohomorihi, ọnị ọ mẹ ka ya zụ yẹ ka ịrẹyị Ohomorihi ọ sị mẹ ẹhẹ nị; ọnị ọ vị ka ịsa ene hi ịnị ẹhẹ ọnị yaa sị eyi ayịị re aanị, vị ana hụụnị ịsa ọnị ọza ọ̀ yị zụ sị eyi re vẹ.
Yaa chẹrẹ iwee tụ́ụ hi wu nịnị ịnị oze ịrẹyị ana yà ịzọọ hụrị ụmọrụmọ, dị a va yẹ ka aa mẹ ẹhẹ. Ẹyị ụvọta ộ wụ́ Ịrẹyị ọnọọ, yáa sị eyi ré e, ya raà jị eyi ngụ ọ, dị ị raà sị ụvọ kanyị ọ nị. Ọnị ọ vị ịrẹyị anaā sịị ụhwẹ yị aza nị.
Ộ sị Ohomorihi ana yára pooro zịna-zịna, ana mẹ ẹbẹẹba ọnịrị avaba ịsị e hi ịnị anị, dị ọ rẹ mẹ ẹhẹ ọnịrị avaba ịsị e hi ịnị anị, dị ọ rẹ mẹ oku ọnịrị avaba ịsị e hi ịnị anị hị́ eku ka ọza ọ yị kụkụ vaa za a kù nị.
Di o nowu tụ́ ẹba ka, “Nyị angwahi Ohomorihi, dị waa sị ụgaa yọ, agụvị ka ụmẹ ana aa sịị mẹ̀ ọkarẹyị anẹhẹ o si tù. Waa hẹkẹ ọza ana mẹ ẹbẹẹba ọnịrị ẹhẹ beri oku ọnịrị enyi ẹtẹ!”
Dị ọ ka, “A sị ọọ mẹ! Ẹma vị Arịhwa ọnịrị Omega nị, ọnị ọ vị ka ọnịpaapa ọnịrị ọdịrẹma. Ọza ene enyi àa kụ̀, mị vaa sị enyi ene ee sìi hụụnị enyi ẹtẹ anaā mẹ ka ọza ọ̀ yàra pooro zịna-zịna, yọ ọọhẹ.
Ọza oni mi re rẹ ka: Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Irayodesiya ka: Ọza ana rị Aamị, anaā kà ịzẹyịza, dị a zụ sị ayị tụraa, ọ tụ́ ụtụ ọnọnị nị; avaba ịsa oni Ohomorihi tụ́ vị ana rẹ hụụnị ụvọ anị vẹ:
