Ọyịkụra 7:4 - IWE ỌNỊNỊ

⁴ Ihwarawo ọ yị vaa dọ ịrẹyị anịị tụ́ ịzọọ. Ịjọnọọ dị ọnị tana ụvọ za Anijipiti dị ọnị ọ̀ va kụ́ aza anị Anisirẹrị dị ọnị ọ̀ kụ́ wa ógu-ógu hụụnị ẹtẹ Ijipiti.

Ọyịkụra 7:4 ပူးပေါင်းရင်းမြစ်များ

Ọyịkụra 10:1

Dị Ẹnẹyịmavara rẹ hị́ Imosiisi dị ọ ka. Ọ̀ na ne tù Ihwarawo. Ọ kà ọnị ọ raà mẹ ka ọnịrị anụkọrọ anị ẹ̀ za ayị ẹnịnị katẹngụ. Ọ kà ọnọọ vaa mẹ ka ọnị ò re oze mẹ̀ ụkọrọ ịvọpa anị ịda ẹnịnị.

Ọyịkụra 11:9

Ẹnẹyịmavara ộ vịdị sị ọ ka yị Imosiisi ka Ihwarawo ọ yị vaa dọ ịrẹyị anịị tụ́ ịzọọ, agụvị di oni ò re oze mẹ ịvọpa rụrụ ịnị ẹtẹ Ijipiti.

Ọyịkụra 12:51

Ịhị ọnọọ gẹdẹ-gẹdẹ dị Ẹnẹyịmavara kụ́ Anisirẹrị ogu-ogu jịnẹ hụrẹ Ijipiti nị.

Ọyịkụra 13:3

Di Imosiisi vavọọ kà a yị aza ẹnẹẹ dị ọ ka ẹkụhị ẹnị ẹ sị jịnẹ hụrẹ Ijipiti dị ẹ̀ yị kụkụ vị ọrịhị aanị vị ẹnị ẹ vaa tamayị anị. Ọ kà ẹẹ̄ yẹ ka ụkata-ụkata Ẹnẹyịmavara sị kụ́ wa jịnẹ nị. Dị ọ rẹ ka ịnị ẹkụhị ọnọnị asị ẹ rị ịsa ọnyọọnyị ana nyị òwù.

Ọyịkụra 13:9

Ọ kà Eche ọnọnị vị ana vaa sị mẹ anka apọtẹrẹwa ọnị ọza dà tụ́ ụvọ, à vị ịsị aā sụụ za ibe anaā tama ọza ayị ịrẹyị agụvị dị asị ịrẹyị Ohomorihi hụụnị irenu ẹnịnị. Dị ọ rẹ ka ẹ yẹ ka ọnị Ẹnẹyịmavara ọ sị ụkata-ụkata tụ̀ wa hụrẹ Ijipiti nị.

Ọyịkụra 18:8

Di Imosiisi kà a yị Ijetiro avaba ịsị Ẹnẹyịmavara hụ agụvị Anisirẹrị mẹ Ihwarawo ọnịrị Anijipiti nị. Dị ọ rẹ kà a yọ avaba ẹngụkata ene tù wa ózee ọnịrị Ẹnẹyịmavara mẹmẹ dọ wa tụ́ nị.

Ọyịkụra 3:19

Ohomorihi ka ama ọnị ộ yẹ ka ẹ yị nyị ịsẹ vaa mẹ̀ ka ohinọyị Anijipiti ọ̀ zẹẹ ka ẹ̀ na, ọnị ọ̀ọ daka tị tana ụvọ za a.

Ọyịkụra 3:20

Di Ohomorihi ka ama vị ọnị vaa tana ụvọ za Anijipiti dị ọnị mẹ ịvọpa irenyi-irenyi eyi ẹnịnị. Ọ kà ọnị ọ̀ọ vavọọ sị ọ mẹ, ọ vaa navọ ka ẹ̀ na.

Ọyịkụra 6:1

Dị Ẹnẹyịmavara va hị́ Imosiisi dị ọ ka: O vee re ịsị ọnị vaa sị mẹ Ihwarawo. Ọ kà ụkata-ụkata ọnị vaa sị za a ka ọ̀ hụrẹ wa ụvọ ka ẹ̀ jịnẹ hụrẹ Ijipiti nị. Ụkata-ụkata ọnị vaa sịị za a ka ọ̀ dụ wa jịnẹ nị.

Ọyịkụra 6:26

Eerọnị ọnịrị Imosiisi ẹnẹẹ gẹdẹ-gẹdẹ Ẹnẹyịmavara kà a yị ka ẹ̀ na kụ́ Anisirẹrị jịnẹ hụrẹ Ijipiti nị. Ọ kà ọ̀ kụ́ wa jịnẹ ógu-ógu.

Ọyịkụra 6:6

Dị ọ rẹ ka agụvị avọọ ọ̀ na kà a yị Anisirẹrị nịnị ka ọnị ka ọnị ọ̀ vị Ẹnẹyịmavara nị. Ka ọnị vaa kụ́ wa jịnẹ dị ẹ yị kụkụ vị ọrịhị Anijipiti nịnị. Ọ kà ọnị aa dọ wa tụ́, ama ọnị vaa sị ụyaa rị Anijipiti nịnị ẹtẹẹtẹrẹ.

Ọyịkụra 7:13

Ihwarawo vị ana sị sị ayị anị katẹngụ anka Ẹnẹyịmavara mẹ̀ vịdị kà a. Ọ yị zẹẹ ka ọnị ọ̀ dọ ịrẹyị Imosiisi ọnịrị Eerọnị tụ́ ịzọọ.

Ọyịkụra 7:16

Dị ọ kà a yị Ihwarawo ka Ẹnẹyịmavara ana vị Ohomorihi Anihiburu ọ tụ́ ọ hi ọ nị. Ọ kà ọ̀ kà a ka ọnị ka ọ̀ hụrẹ aza anị ụvọ dị ẹ̀ na hẹkẹ ọnị ịnị ụnọmị. Dị ọ rẹ ka ọ̀ kà a yọ ka ọnị ka ộ yị va dọ ịrẹyị anị tụ́ ịzọọ.

Ọyịkụra 8:15

Ama Ịjị Ihwarawo re ka ẹtẹ ọ sị rọ, dị ọ rẹ sị ayị anị kà geri-geri nị, Anka Ẹnẹyịmavara mẹ̀ vịdị kà a, Ihwarawo ọ yị dọ ịrẹyị Imosiisi ọnịrị Eerọnị tụ́ ịzọọ.

Ọyịkụra 8:19

Dị ọnịvọpa nini va kà a yi Ihwarawo ka Ohomorihi ọ maanị mẹ̀ nị. Ama anka Ẹnẹyịmavara mẹ̀ vịdị kà a, Ihwarawo ọ sị ayị anị kà geri-geri, ọ yị zẹẹ ka ọnị ọ̀ wụ́ ịrẹyị.

Ọyịkụra 9:12

Ama Ẹnẹyịmavara ọ raà mẹ ka ayị Ihwarawo ọ katẹngụ. Ọ yị zẹẹ ka ọnị ọ dọ ịrẹyị Imosiisi ọnịrị Eerọnị tụ́ ịzọọ. Avọọ Ẹnẹyịmavara mẹ̀ vịdị kị kà a yị Imosiisi nị.

Ọyịkụra 9:3

ọnị vaa pa ịva yị ịsụpa anị ene hì ịnị aarẹ, dị ụkụ odivi wụ̀ umaata anị ọnịrị ịkẹrịkẹtẹ anị ne beri ịnyaakụmị ọnịrị imaaru anị ọnịrị atẹmẹ beri ẹvụ anị nịnị.

Ụhịrẹyị 19:29

Ụya vi ene tenyi tịtẹ ee zi ọza anaa sị ịrẹyị Ohomorihi mẹ̀ isiya. Ọnụra vi enee tu ịjapa ịnị ịrẹma.

Ayịsaya 26:9

Màa sụ, màa ha, ayị amị vị ana yà ịda awụ. Ịhị wàa raà mẹ̀ ọkarẹyị yị anẹhẹ, ẹnịnị vaa yẹ ebira ana vọrọ.

Arụwẹ 3:3

Ộ tana ụvọ za ọnị ẹtẹẹtẹrẹ, dị ee tụ́ ọnị pooro kẹnẹ nị.

Ezikẹẹrị 14:21

Ẹnẹyịmavara Ananyị ụkata hu ka, ọnị vaa zị oze ẹẹna ene divi hu kere-kere ọnị ọnị zị sị ụya rị ọza, dị ọnị sị ụya rị Ijerusarẹmị, oze ẹẹna ẹnẹẹ ẹ vị ịrẹkụ, ụngwẹ ọbanyị, uye edivi ọnịrị ụkụ nị. Dị ọnị sị wụ̀ aza ẹnịrị ịsụpa nịnị và ha.

Ezikẹẹrị 25:11

Ẹnẹyịmavara kà ọnị vaa sị ụyaa rị Animowabi nịnị, dị ẹnịnị ẹ̀ yẹ ka ọnị ọ̀ vị Ẹnẹyịmavara nị.

Ezikẹẹrị 30:14

Eyi-ụvẹtẹ Ijipiti ana aā hị́ Ipatirosi vị ọnị ọnị vaa jị eburu, dị ọnị rị ịzị aā hị́ Izowanị ịra, Izowanị vị ana yà eyi ẹbẹẹba ịnị ẹtẹ Ijipiti. Ọnị vaa sị ụyaa rị aza ene hi ẹtẹ Itebesi.

Ezikẹẹrị 30:19

Ẹnẹyịmavara kà, ọnị ọ̀ọ maanị raa sị ụya rị Anijipiti nịnị, ẹnịnị vaa dọ ka ọnị ọ vị Ẹnẹyịmavara nị.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

Ẹtore 16:7

Dị mị rẹ wụ́ ọngwẹ ọsa hụụnị ụta ọnọọ vẹ, dị ọ tụ́ ohi ka, “Ohomorihi Ananyị yị Ochẹtẹngụ, ịzẹyịza ụ waa sịị mẹ̀ ọkarẹyị nị, ẹ yị nyị ireche ịnị anị.”

Ẹtore 19:2

Ịzẹyịza ọ sịị̄ mẹ̀ ọkarẹyị anị nị, ọ mā nyị ireche. Ọ raà mẹ̀ ọkarẹyị yị ọsẹrẹka ọbanyị ọnọọ ana aa sị ịrẹkọyịsẹ anịị du ẹhẹ. O re reè si ọ atọ agụvị ezi ahụ anị ọnị ọ wụ̀.”

Ọdọvịdị 2:15

Ụmẹ tụra ụmẹ ọnị ẹnịnị ẹ nọ ịrẹkụ dị Ẹnẹyịmavara va eyi ka wa agụvị e huna wa anka ọ mẹ kà a. Dị ẹnịnị ya ịnị ẹngụkata nị.