Ọyịkụra 5:9 - IWE ỌNỊNỊ

⁹ Ọ kà ẹ̀ dà tụ́ ịnị ụkọrọ ẹnịnị yị wa vị ẹ̀ẹ mẹ̀ ụkọrọ pooro kẹnẹ. Ọ rẹ ka asị ẹ wụ́ ịrẹka ireche ẹnị ẹ yaa kụ́.”

Ọyịkụra 5:9 ပူးပေါင်းရင်းမြစ်များ

2 Ohinọyị 18:20

Ẹ ka: Ú wéé ro o ka ịrẹka irenu kẹnẹ ộ hwọọ kụ ịrẹkụ nị? Ẹnị u si eyi tụra, di u wee hiraa hi Asiriya?

Ijoovu 16:3

Sị ẹ maanị aa sị ọ kụ ịrẹka dị ẹ yị jị oboruhu?

Ọyịkụra 5:10

Di Anijipiti ana aā kụ́ ọrịhịị mẹ̀ ụkọrọ ẹnịrị Anisirẹrị ana a nyị ka ẹ̀ẹ kụ́ azaa nọ ịnị ụkọrọ jịnẹ hụ ụ ịda Ihwarawo nị. Dị ẹ na kà a yị Anisirẹrị nịnị dị ẹ ka, “Ihwarawo ka asị ẹ kụkụ sị avị yị wa.

Ọyịkụra 5:8

Ama asị ẹ zẹẹ ka ọpa ịrịka ụvụrọkụ ẹnị ẹẹ̄ vịdịị jị ọ̀ jị ha. Ọ kà onuworo ẹ vị nị. Ka uworo ọ mẹ ka ee nowu ka à navọ dị ẹnị ẹ̀ na mẹ̀ ịsọvọ yị Ohomorihi ẹnịnị nị.

Ijeremaya 43:2

Dị ọnọrụ ọnya ana aā hị́ Azarịya ozi Ihosaya, ọnị Ijohananị ozi Ikareya ọnịrị ẹnị enee wù zị, nee tụ́ ohi ka, ireche oni ee che nị. Ẹ ka, Ẹnẹyịmavara, Ohomorihi ẹnịnị, ẹ́ yị tụ ọnị ka, ọnị ọ̀ kà a ka asị ẹnị na ra Ijipiti.

Ịzakaraya 1:6

Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.

Ịmarakayị 3:14

Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara?

Anẹhwẹsọsị 5:6

Asị ụ zẹẹ ka ọza ọ̀ sị ịrẹyị kẹnẹ-kẹnẹ vene wu nịnị! Agụvị ịsa ẹnẹẹ Óhomorihi vaa sị sị ụyaa rị aza ẹnẹ ẹ̀ yị mā wụ́ ịrẹyị anị nị.