Ọyịkụra 11:4 - IWE ỌNỊNỊ

⁴ Di Imosiisi kà a yi Ihwarawo dị ọ ka: Ẹnẹyịmavara kà ọnị vee che Ijipiti naa parahu ịnị agẹvịrahụ.

Ọyịkụra 11:4 ပူးပေါင်းရင်းမြစ်များ

Ọyịkụra 12:29

Ịzẹyịza ịnị agẹvịrahụ, ịhị ọnọọ, dị Ẹnẹyịmavara wụ̀ avaba ezi ana vi ezi ọzọkụ ịnị ẹtẹ Ijipiti nị. Ô nyima hụụnị ozi ọzọkụ Ihwarawo ana vọrọ ka ọ̀ dọ ada anị ịrẹsụ huu ne tụ́ ozi ọzọkụ aza ana za hi ịnị ẹngwa. Ezi ọzọkụ avaba ịsụpa vi ene re sú bẹẹ.

Emọsị 4:10

Ẹnẹyịmavara kà ọnị va kụ́ ẹngụkata ene tu Anijipiti tu wa. Dị ọnị wụ ezwọọmụha ọnịrị umaata ẹnịnị ha oze ịrẹkụ. Di oku ẹnịnị ana vụ aa da agụ hị́ wa ịzị ẹ̀ ya. Ama ẹnịnị ẹ yị va hụvị avọọ ro ịnẹ dị ẹ va ka ọnị vẹ.

Ahẹ Ụgama 60:10

Ohomorihi, navọ dê! u wéé si yi yi tịtẹ saka-saka nị? Wẹ yị kụkụ saasa isoja ayị nọ ịrẹkụ?

Ijoovu 34:20

Aza ẹnyị vene su asigiri ịrahụ, Ohomorihi ô vu wa ẹtẹ dị ẹ ta hi ẹtẹ. Ẹngwọọrọ-ẹngwọọrọ ọ sị wụ̀ ọnụkata ẹnịnị nị.

Ọyịkụra 12:12

Ọ kà ịrahụ ịhị ọnọọ gẹdẹ-gẹdẹ, ọnị vaa parahu ịnị ẹtẹ Ijipiti. Avaba ozi ọzọkụ ẹnịnị, ọ́ọza ọnịrị ịsụpa vị ọnị ọnị aa wụ. Dị ọnị mẹ̀ ọkarẹyị yị avaba ori Anijipiti. Dị ọ ka ọnị Ẹnẹyịmavara ọ ka avọọ nị.

Imatiwu 25:6

Ịjị agẹvịrahụ si tù, di e vene nowu ka: ‘Re! Ọva ọnẹẹ aa vẹ, wụsẹ jịnẹ nọ ẹhẹ, wa na gẹrị ọọ nịnị!’

Imika 2:13

Ohomorihi vaa nā oze, dị ọ kụ́ wụ nịnị hụụnị ọrịhị vavẹ eehi. Ụ vaa chaka ukere ózee ẹkụra dị ụ para hu aa na nịnị. Ẹnẹyịmavara ana vi ohinọyị awụ nịnị ọ vaa kụ́ wụ nịnịị jịnẹ nị.

Emọsị 5:17

Ẹ vaa wụ́ owu ịnị avaba ụbazị ịvayịnị ẹnịnị, agụvị ka Ẹnẹyịmavara ká ọnị vaa che ụbazị parahu dị ọnị o du ịsa ene hi ịnị anị va ha.

Ayịsaya 42:13

Ẹnẹyịmavara ộ jịnẹ tụ ẹhẹ na kụ̀ ịrẹkụ anka isoja avọọ; O tenyi ẹngụ tenyi, dị ee zí ịrẹkụ nị. Ô họ̀ ogeeke, dị ịrekụ sụ ịrẹyị wanyị nị. Ộ sị ụkata anị zụ̀ ọnịvị anị nịnị.

2 Ịsamụwẹrị 5:24

Dị Ẹnẹyịmavara kà ẹ̀ẹ maanị wụ́ kẹnẹ ka aa nyị ịsaa zị ụsẹ ịrẹsụ ọchị ịbarịsamị ọnọọ, ẹ wụsẹ hu ahụ hụrẹ ẹtẹ ka Ẹnẹyịmavara ọ raà dọ ọvịdị ẹnịnị aa na wụ̀ isoja Anihwirisiti nịnị.

Ọyịkụra 12:23

Ọ kà ịjị Ẹnẹyịmavara aa ngụ Ijipiti di aa wụ ozi ọzọkụ ẹnịnị nị, o vee re ọnọọ ini ihweremi oze ẹyịva ọnịrị ịnị ọbana oze, dị ọ para oze ọnọọ hu. Ọ kà ọ yị vaa zẹẹ ka ọwọza ọnọọ ọ̀ ngụ ini eehi na wụ̀ ọza.

Ahẹ Ụgama 81:5

Ịrẹyị ọnọnị vị oni Ohomorihi jị ido anị yị Anisirẹrị ẹ́nịnị mẹ̀ na dụ Anijipiti. Yaa wụ́ ka ẹnịnị aa kà ẹkụra ọnị yẹ̀ yị yẹ.