Ọdọvịdị 9:4 - IWE ỌNỊNỊ

⁴ Dị Anịsẹkẹmị nịnị sị ẹkẹhị isiriva ẹtarẹwụ hụụ ịnị irehi ori ẹnịnị ana aā hị́ Ịbaarị-Iberiti yị Abimẹrẹkị nị. Dị Abimẹrẹkị dọ wa ẹkẹhị ọnọọ, dị ọ dọ aza kẹnẹ-kẹnẹ ọnị ọ kụkụ a kụ tụra ẹngụ aa zịịzị nị.

Ọdọvịdị 9:4 ပူးပေါင်းရင်းမြစ်များ

2 Ịsamụwẹrị 6:20

Idevidi ọnị ọ rẹ nọ eehi ka ọnị ọ̀ na mẹ̀ aduwa yị aneehi anị. Ọ́ màa na, di Imikari ozi Ịsọọrụ ana vị ọnẹẹ va gẹrị ọ nị. Di Imikari ka, “O! ohinọyị Anisirẹrị, wâ dà mẹ ajịnị kẹnẹ. Aanị ụ mẹ ngwa awuru hi ẹtẹ di ezi anẹẹ ana vị ezi ahụ ezida awụ ee re wu nị. Dị waa mẹ anka ọza kẹnẹ-kẹnẹ avọọ nị.”

2 Ịtọpa 13:7

Avọọ ọ mẹ rẹ kụ́ aza kẹnẹ-kẹnẹ ku ịrẹma na kụ́ ọ ka Irehobowami ozi Isoromọnị ụhwẹ agụvị ka o vi ozweyi, oni eyi anị ộ yị hweyi.

Ijoovu 30:8

Ijoovu ka ọnụra ẹ vị nị. Ẹ yị nyị ịsa ẹ vị ini ọza. Â ra dụ wa hụụnị ẹkụra.

Ụhịrẹyị 12:11

Ọgẹrẹva ana da aarẹ banyị ọọ rị vọ ku nị ama ọnụra ọ̀ọ du ụmẹ anị ha nị.

Ịzẹhwanaya 3:4

Ọnịsẹ ẹnịnị vị oyi ana dụ ẹngụ ẹnịnị kẹnẹ. Ẹnịnị ẹ yị wụra sị ayị tụra. Ohirẹsụ irehi Ohomorihi ẹnịnị vị ana aa sị akamawụ mẹ̀ ịsa enyisi ịnị irehi Ohomorihi. Ẹnịnị ẹ raà sị ọda Ohomorihi siisi ẹtẹ.

Odeyi 17:5

Ama Aniju nịnị aa kụ̀ ụhị. Dị ẹ na tọ̀ọ́ aza kẹnẹ-kẹnẹ hụrẹ oze vẹ, dị ẹ kụ́ ẹngụ gụ nị. Dị ẹ za ẹkụra, dị ẹ vàa zí nị. Dị ẹ hara nọ ini eehi Ijasoni, di eyee sì ka ẹnị ẹ̀ sị Ịpọọrụ ọnịrị Isira tụ́ ẹhẹ yị aza nị.

Ọdọvịdị 11:3

Ịzẹyịza dị Ijẹhụta zwe hụụ ịnị eehi yị adẹnyara anị ẹnẹnị, dị ọ na ra ẹtẹ anaa hị́ Ịtọbị nị. Ẹtẹ Ịtọbị ịzọọ ọ ya ịjị o ne ku chee dị ọ hara ezi edivi ẹnyị ku ẹngụ ana kụkụ a dụ ọ zị nị.

Ọdọvịdị 8:33

Ịjị Igidiyọnị vavọọ wụ su kwooze kẹnẹ dị Anisirẹrị nịnị rẹ nyima kụkụ raa hẹkẹ ori ana hị́ Ịbaarị nịnị nị. Ẹ hyakụ mẹ ori ana hị́ Ịbaarị-Iberiti yị ẹngụ ẹnịnị bẹẹ.

Ọdọvịdị 9:27

Ịjị ụmẹ ịsa ọyịna ịvayịnị si tu, dị Anisekumi ọzọza tọ̀ igirepi, dị ẹ mẹ eche, dị ẹ rị eche nị. Ẹnịnị ệ nọ ịnị irehi ori ẹnịnị ịzị ẹ ya rị ịsa, di e hu eche, dị ẹ ya ịzọọ aa kụ Abimẹrẹkị ụhụ nị.

1 Ịsamụwẹrị 22:2

 nyị aza ẹnyị ana ayị vịdị aa kụ́ ọnịrị aza ana ayị ẹnịnị si du. Dị ẹngụ aza ẹnẹẹ kụ́ ẹngụ gụ di ẹ kụ́ ẹngụ ẹnịnị na yị Idevidi nị. Ẹnịnị vị akana, dị ahịka Idevidi ẹ kụkụ sị mẹ ọga nị.