Ọdọvịdị 8:3 - IWE ỌNỊNỊ

³ Ẹ yẹ ka Ohomorihi ọ mẹ ka ẹnịnị ẹ nyị ẹbẹẹba ọdọvịdị Animidiya ẹyịva anaā hị́ Orebi ọnịrị Ịzẹba nị. Áá nyị ịsị ọnị yaanị zụ mẹ ene huna ọnọọ nị? Ịjị Igidiyọnị maanị sị ịrẹyị ka dị ayị ẹnịị sị nẹtẹ dị ẹnịnị ẹ yị kụkụ kụ ayị hi ọ nị.

Ọdọvịdị 8:3 ပူးပေါင်းရင်းမြစ်များ

Ahẹ Ụgama 115:1

Ẹnẹyịmavara, ẹwụ ịnyara kẹnẹ a vọrọ ka àa sị ụbanyịị yị nị. A yị nyị aayị ịnị anị vụrụ-vụrụ, agụvị ka uū sì ịrẹyị ọza, dị ahịka ịzẹyịza ụ rẹẹ mẹ nị.

Ahẹ Ụgama 44:3

Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa vị ụkata ẹnịnị ẹ sị nyị ehuna; ụkata awụ ọ mẹ ka ẹ̀ nyị ehuna nị agụvị ka wê sì ịrẹyị ẹnịnị dị ụ vavọọ nyị wa iyi nị.

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

Ụhịrẹyị 16:32

Ọza ọnị ayị anị nẹtẹ o huna ọza ana nyị ụkata nị; ọza ana zụ sị ụvọ za ẹngụ anị o huni ọza ana nyị avaba ẹkụra nị.

Ụhịrẹyị 25:11

Ịrẹyị ọnị e tenyi tụ irenu kà sị mẹ anka igooru ana sị dọ achẹrẹ tụra ịrẹsụ isiriva avọọ nị.

Ụhịrẹyị 25:15

Ayọnẹtẹ aa sị dọ ohinọyị ayị nị. Ịrẹyị anaa sị ụmẹnụmẹnẹ ka ọzaa sẹdẹ yị nị.

Ịjọọnụ 4:37

Ịrẹyị ana a kà avọọ vị ịzẹyịza, a ka: ‘Ọza ịnya ô chire ịsa, dị ọsa ọnị kụ́ ẹtụtụ anị gụ nị.’

Aniroomi 12:3

Ohomorihi ộ vayị amị ẹtẹẹtẹrẹ, agụvị avọọ maa kà a yị avaba awụ nịnị ka: Asị a nyị ọza ene ne re ẹngụ anị huna ọpa ọnọọ vị ịnị awụ nịnị! Ama ọzọza ọ̀ sị ụvọ za ẹngụ anị ịnị ẹngụ ịrẹyị oni u wèe ro nịnị! Anka Óhomorihi ọ̀ọ mẹ̀ sị ụkata yị ọzọza ka ọ̀ dọ wụ́, ọzọza ọ̀ vavọọ yẹ ẹngụ anị!

Aniroomi 12:6

Anka Óhomorihi mẹmẹ nyị ọzịnya-ọzịnya ayị iyi, dị ọ sị ụkata yị, avọọ a mẹ̀ vọrọ ka yaa sị ụkata ọnọọ mẹ̀ ụkọrọ nị. Ohomorihi ọ̀ọ sị ụkata yị ka ya vị ọnịsẹ, áa vọrọ ka yaa kà ịsẹ ọnọọ, anka ịzị Ohomorihi mẹ̀ ka ya dọ wụ́ ne tù.

Anihwiripi 2:3

Asị a nyị ọza ana sị ụhị ọyị kụ̀ mẹ ịsọnyị-ịsọnyị. Asị ụ rẹ mẹ̀ ịsa agụvị di u we zụ sii wo oto nịnị. Ọzọza ọ̀ kà ẹngụ anị chi, asị aza ẹnyị ro o ka ọnị óo huna ọsa.

Ọdọvịdị 8:2

Ẹ mẹ vavọọ aa ka ịrẹyị ọnọọ dị Igidiyọnị va ka ẹ yị wa ka vị ịsa ọnị mẹ aanị wáá nyị ịzị o tu ịsa ẹnịnị mẹ nị? Dị ọ rẹ ka, vị avaba ẹnị Anabiyeza wáá ya anka atẹ ẹnị ẹnị Anehwireemi jị hi ẹtẹ nị?

Ọdọvịdị 8:4

Ịjị ẹ sị ịrẹyị ẹnịnị ka ta, dị Igidiyọnị ọnịrị isoja anị ẹnị akavarẹchẹhị (300) jịnẹ irehu Ijodani tụ akẹnẹ eyi ọsa nị. Ọ sị ngụ wa ẹngụ ẹtẹẹtẹrẹ ụmẹ avọọ, ama dị ẹnịnị yị́ ku chire ọnịvị ẹnịnị nị.