Ọdọvịdị 7:2 - IWE ỌNỊNỊ

² Ẹnẹyịmavara ộ kà yị Igidiyọnị ka isoja anị ẹ sị rụrụ. Ọ kà a ẹ yị vị ụrụrụ ẹnịnị ọnị vaa sị sị Animidiya nịnị chire wa ụvọ. Ẹ yị vị avọọ, Anisirẹrị nịnị ve ro ka ẹnị nyị ụkata ọnị ẹnị sị dọ ẹngụ ẹnịnị ha nị.

Ọdọvịdị 7:2 ပူးပေါင်းရင်းမြစ်များ

Oyinyima 46:2

Ijekọvụ mẹ̀ yà ịzọọ, dị ọ ra ụra ịrahụ ẹkụhị ọnya nị. Ịnị ụra ọnọọ di Ohomorihi hị́ ọ dị ọ ka, “Ijekọvụ, Ijekọvụ!” Di Ijekọvụ ka, “Hèé, ụ mẹ̀ kà?”

2 Ịtọpa 14:11

Ịjị eyi sị gẹrị eyi, dị asa hị́ Ẹnẹyịmavara Ohomorihi anị, dị ọ kà, kwoogwo Ẹnẹyịmavara, ọnị ọ zụ sị ụkata yị ọkụmị tu ọnụkata nị. Booro aanị ọ gụ ẹnị ụvọ agụvị ka ọnị ẹnị sị ayị tụra nị. Ịrẹha anị ẹnị sị aa nọ ịrẹkụ otomiroku isoja ẹnịnị nị. Ọnị ọ vị Ohomorihi ẹnịnị nị. Ẹ yị nyị ọza ene zụ hú ọ ẹtẹ.

Ayịsaya 10:13

Anasiriya aa kà a ka ụkata ẹngụ ẹnịnị ọnịrị ịrẹyọyẹ ẹngụ ẹnịnị ẹnị vavọọ sị nyị ehuna ẹkụra nị. Ẹ ka ẹnị ẹ nyị ụkata ẹnị ẹnị sị za ohinọyị anẹkụra dị ẹnị kụ́ ogu ẹnịnị nị.

Ayịsaya 2:11

Ụmẹ ọnya aa vẹ, avaba aza ene ee wu ịkaa zị, dị Ẹnẹyịmavara kà wa chị, dị ọ tẹ avaba aza ana aa mẹ eyii zi. Ịnị ụmẹ ọnọọ, Ẹnẹyịmavara ịnya kẹnẹ aza vaa sị ụbanyịị yị nị.

Ayịsaya 2:17

Dị ọ za avaba ịsị ọza ee sii wu ika dị ọ vara a ụtẹ, ịsa aza aa sịị mẹ eyi dị ọ vara a ịrẹyị ụhị. Ịhị ọnọọ Ẹnẹyịmavara ịnya kẹnẹ aza vaa sị ụbanyịị yị nị.

Ijeremaya 9:23

Ẹnẹyịmavara kà, asị ọyẹrẹyị nịnị sị ịrẹyọyẹ ẹnịnị wo oto. Asị aza ana nyị ụkata sị ụkata ẹnịnị wo oto. Dị a sị opisa nịnị sị ogu ẹnịnị wo oto.

Ezikẹẹrị 28:17

Wâ sị ẹngụ tụ ẹba agụvị ka wee zoza, dị ọ̀yị ngụrẹyị ọnị ụ ngụrẹyị mẹ ka wa kụkụụ mẹ̀ ebira anka ọnụra avọọ nị. Ọsọnị ọ mẹ ka ọnị ọ̀ tụ̀ wụ okoko va nya ẹtẹ nị. Ọnị ộ sị ịrẹyị awụ kà ohinọyị ana vọ nịnị ọnọ.

Ezikẹẹrị 28:2

Ozi-ọza, ọnị kà a yị ohinọyị Anitaya ka ọnị Ẹnẹyịmavara Ochẹtẹẹngụ ka; wâ sị ẹngụ awụ tụ ẹba pooro, ụ kụkụ ka ori u vị̀ nị; Ụ ka vị ụ yaatụ ịrẹsụ aga ohinọyị awụ tụ ịnị akakana enyi anka ori avọọ nị. Wa nyẹngụ aa mẹ apẹ ka ori ụ vị nị, ama, yẹ ka ọza ịrẹsụ-ịrẹsụ ụ vị̀ nị.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Ihabaku 1:16

Avọọ dị ẹ mẹ̀ ịsọvọ, dị ẹ rị eturare ịra ọnị ẹ sị gụ́ ọha ẹnịnị ẹngụ ka ọ̀ mẹ ẹ́nị nyị ụvọha.

Ịzakaraya 12:7

Ẹnẹyịmavara kà a ọnị ụvọta vaa vịdị dọ aza ana ra Ijuda ha da, agụvị dị ọ sị ụbanyị yị ovwoovu Idevidi, dị asị aza ene hi Ijerusarẹmị huna Ijuda.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

Ịrịka 31:4

Ịrẹsụ ọnyọọnya ẹ tụ́ anọrụ akahị nọ ịrẹkụ.

Aniroomi 11:18

Agụvị avọọ asị ụ na mẹ eyi hi aza anaa dà kwooze anka avọ avọọ! Wàaa mẹ eyi, yẹ ka ayị vị ẹwa vị ẹpa, avọ kẹnẹ ụ vị nị.

Aniroomi 3:27

Sị ị kụkụ nyẹngụ si wo oto aanị? Ẹ yị nyị! Sị ẹ vẹ di yè yi nyengu wo oto? Ye yi nyẹngụ wo oto, agụvị ka vị ị sị ayị tụra Ohomorihi kẹnẹ nị, ẹ yị vị agụvị ka yaa saasa ọda

2 Anịkọrịntị 4:7

Ẹyị ọnịsa obooro maanị yà ịnị ayị anị aanị, ẹyị vị ana sị mẹẹ anka ụnọkọ ụvụ-ụvụ kẹnẹ. Ọnọọ ọ sị zụ̀ ka Ohomorihi ọ nyị ụkata ọnọọ nị, ẹ yị vị ẹyị.

Anẹhwẹsọsị 2:9

Ayị rẹ vị agụvị ka ọzọnyị-ọzọnyị ọ́ọ da mẹ chẹngụ, Óhomorihi sị dọ ọ há. Agụvị avọọ ẹ yị nyị ịsị ọza zụ sị wo oto ịnị anị.

Iwe Ọhụhị Imosiisi ana aa hị́ Ọyịvatụrọda 32:27

Ama ọnị ẹ yị vaa zẹ ka ọnịvị ẹnịnị e wo oto ka ẹnị e reè huna wa; agụvị ka ọnị ụvọta ộ vavọọ sị wa siisi ẹtẹ nị.

Iwe Ọhụhị Imosiisi ana aa hị́ Ọyịvatụrọda 8:17

Ama asị ụ ne rò ka ụkata ẹngụ awụ ụ sị nyị ogu ẹnẹẹ nị.

Iwe Ọhụhị Imosiisi ana aa hị́ Ọyịvatụrọda 8:18

Tamayị ka Ẹnẹyịmavara Ohomorihi awụ nịnị ọ̀ sị ụkata yị wụ nịnị ọnị u sị nyị ẹkẹhị awụ nịnị nị. Ọ vavọọ mẹẹ ịsa ẹnẹnị agụvị ka ọ̀ vịdị ka tịtẹ dị ọ hị́ eku tụ ọ yị ohiku ẹnịnị nị.

Ijemiisi 4:6

Ama ụkata oni Ohomorihi sị yị ọ banyị hu nị, agụvị ka Iwe Ohomorihi ọ́ kà a ka: Ohomorihi o yi sì aza anaā sịị ẹngụ ẹnịnịị̄ tụ́ ẹba ama ọọ̄ mẹ̀ ọyịzaa yị aza anaā kà ẹngụ ẹnịnịị chi.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”