Ọdọvịdị 7:12 - IWE ỌNỊNỊ

¹² Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄.

Ọdọvịdị 7:12 ပူးပေါင်းရင်းမြစ်များ

1 Ohinọyị 20:27

Di a rẹ kụ́ Anisirẹrị gụ nị. Ịjị a sị wa kụ́ gụ, dị ẹ sì ịsọyịrị yị wa di e si hu ka ẹnịrị Anasiriya ẹ̀ na gẹ nị. Anisirẹrị vi ene gù ịrẹkụ ẹnịnị dị ẹ và eyi ka Anasiriya. Dị ahịka vị Anisirẹrị sị mẹẹ anka ozi ẹvụ eweyi ẹẹva avọọ nị. Ama Anasiriya ẹnị vị ana gụ ẹtẹ rụ̀ụ́ kẹnẹ.

1 Ohinọyị 4:30

Isoromọnị ộ yẹ ịrẹyị huna avaba ọnị ene hi ịzị ọyịị̄ zịị hụrẹ. Ọ rẹ yẹ ịrẹyị huna avaba Anijipiti.

Ahẹ Ụgama 3:1

Ẹnẹyịmavara, tee, aza ana aa bàrà mị ẹ sị rụrụ baaba ọ. Wéē re aza ana mẹhị kwẹẹtẹ tù mị!

Ahẹ Ụgama 33:16

Vị isoja mẹ̀ sị rụrụ, ohinọyị sị rị ịrẹkụ Ộ! vị ụkata isoja ọ zụ mẹ ka asị ịrẹkụ rị ọnị.

Ijeremaya 46:23

Uruku rimi-rimi vị ene e vú ẹtẹ. Ẹnịnị ệ rụrụ pooro, ọza ẹ́ yị zá wa ịrịka. Isoja ẹnịnị ẹ rụrụ huni akụvarịva nịnị.

Ijosuwa 11:4

Ịjị avaba ohinọyị ẹnẹẹ wụ́ enube ọnọọ, dị ẹ ku isoja hị́ ẹhẹ. Ẹnyị vị ana sị ahụ dị ọrụrụ-ọrụrụ ẹnịnị sị umaata ọnịrị ịkẹkẹ ịrẹkụ nị. Ọkọnị isoja vị ana gụ pọmị anka ààrẹ ụtọ ókụ̄.

Ọdọvịdị 6:3

Ụmẹ ọnị Anisirẹrị nịnị ẹ̀ẹ sị chire ịsa tụ ịnị aarẹ, dị Animidiya beri Anamarẹkị ẹnịrị anẹkụra nịnị ene hi eyi ịzị ọyịị̄ vẹ rẹ kụ ịrẹkụ tu wa.

Ọdọvịdị 6:33

Ụmẹ ọnọọ avaba Animidiya, ọnịrị Anamarẹkị ne beri Aza ene hi akẹnẹ Ijodani jịnẹ enyi na jị udi tụ inozi Ijezirẹẹrị nị.

Ọdọvịdị 6:5

Ẹnịnị àa vẹ dị ẹ kụ ịsụpa ọnịrị ajẹngụ ẹnịnị, dị ẹ rụrụ anka akụvarịva avọọ. Ọza ẹ yị zụ za wa ịrịka ẹ mẹ rụrụ ẹnẹmẹhị, di e du ẹtẹ nị.

Ọdọvịdị 7:13

Igidiyọnị ộ wụ̀ isoja ẹnyị maa kà a yị ọsa ụra ọnị ọ ra. Isoja ọnọọ kà a ọnị o rị ụra ka apaapa ịrẹgụ ibaari ọnya ô zina va ngụ ịzị ẹnịnị kụ udi, dị ọ nya ajẹngụ ọnya, di o wu va hi ẹtẹ nị.

Ọdọvịdị 8:10

Ịzẹba ọnịrị Izarimuna beri isoja ẹnịnị vị ene hi ịzị aa hị́ Ikaakọ ụmẹ avọọ. Isoja ẹnịnị ẹẹ gụ akahị-akahị oze ẹwụrẹhị (15,000). Avaba ẹnị ana vọ ịnị isoja Anikẹdẹmụ ọ vị ọnọọ nị. Ọpa ẹnị aza anaa nọ ịrẹkụ ọnị Igidiyọnị wụ ẹẹ gụ akahị-akahị oze ẹchẹhị tụra oohu (12,000).

1 Ịsamụwẹrị 13:5

Dị Anihwirisiti nịnị kụ́ ẹngụ gụ ka ẹnịrị Anisirẹrị ẹ va kụ̀ ịrẹkụ nị. Isoja Anihwirisiti ana nyị ịkẹkẹ ịrẹkụ oni umaataā tura vị ẹnị akawụ rị akahị. Dị ẹnị anaā sịị ịkẹkẹ ịrẹkụ oni umaataā tura kụ̀ ịrẹkụ ẹnị vị ẹnị akawụ-akawụ oze ẹẹta nị. Isoja ana vọ ẹnị vị otomiroku, ẹ rụrụ anka ààrẹ ụtọ ókū avọọ nị. Dị ẹnịnị hịrẹ nọ Imikimasi di e ne gù ịrẹkụ ẹnịnị tụ́ eyi ọnị ọyịị̄ zịị vẹ ẹkụra Ịbẹtị-Aveni.

1 Ịsamụwẹrị 30:17

Di Idevidi ẹnịrị aza ẹnẹẹ gẹ ịrẹkụ hụrẹ ịrahụ na ngụ oruva eyinẹhẹ anị nị. Ẹ yị nyị aza ẹnẹẹ ene re oze zwe à yị vị ẹnị akava kẹnẹ anaā tura ịkẹrịkẹtẹ di e si zwe.