Ọdọvịdị 7:1 - IWE ỌNỊNỊ

¹ Â nyị ẹkụhị ọnya aanị ọnị Igidiyọnị ọnịrị isoja anị nịnị kwẹẹtẹ ẹnẹnẹ viri-viri na jị ajẹngụ tụ́ akaha oswe ana aā hị́ Ịhẹrọdị. Ajẹngụ Animidiya nịnị vị ana ya ana gụrị ataba Imore akẹbẹẹba ẹnịnị.

Ọdọvịdị 7:1 ပူးပေါင်းရင်းမြစ်များ

Oyinyima 12:6

di Abụramị che ẹtẹ ọnọọ na para hu na ngụ ịzị aā hị́ Ịsẹkẹmị, dị ọ na ngụ iruvo ọchị Imore nị. Ịnị ụmẹ ọnọọ Anikenaani nịnị ẹ vị anịzọọ nị.

Oyinyima 22:3

Ịzẹyịza, ẹnẹnẹ viri-viri ini eyinẹhẹ anị, dị ọ dà ọkụ ọnị ọ vaa sị rị ịsọvọ ọnọọ ịra, di o tenyi ịkẹrịkẹtẹ anị, Dị ọ kụ́ ezi ahụ aanị ẹẹva beri Ayiziiki, dị ẹ kwẹẹtẹ dị ẹ yaa nọ ịzị Ohomorihi kà yọ nị.

2 Ịsamụwẹrị 23:25

Isama Aniharodi, Erika Aniharodi,

Ahẹ Ụgama 83:9

Ohomorihi, wâ tama ayị ịsị ụ mẹ Animidiya ọnịrị Isisera ne beri Ijabini ini okuha Ikisoni Navọ ahịka avọọ ụ mẹ̀ mẹ wa nị.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Iwe Ọhụhị Imosiisi ana aa hị́ Ọyịvatụrọda 11:30

Ataba ẹẹva ẹnẹnị vị ana ya eyi ụvẹtẹ Okuha Ịjọdanị ini ẹtẹ Anikenaani nịnị ana ra inozi. Ataba ẹnịnị vị ana ya eyi ịzị ọyịị̄ zịị ngụ ẹtẹ oze ana gụrị ịzị chị ori Imore hi ana va eyi ka ataba Igirigari

Ijosuwa 3:1

Ịnị ẹnẹnẹ eyinẹhẹ anị, dị Ijosuwa ọnịrị avaba Anisirẹrị kwẹẹtẹ hụrẹ Isitimi, dị ẹ nọ utenyi irehu Ijodani nị. Dị ẹ jẹẹ tụ ụ́hwọ́ ịzọọ dị ẹ vaa jịnẹ irehi ọnọọ nị.

Ijosuwa 6:12

Ijosuwa ọ kwẹẹtẹ ẹnẹnẹ viri-viri ịnị eyinẹhẹ anị, dị ẹnị ohirẹsụ irehi Ohomorihi nịnị rẹ sị apoti oto Ẹnẹyịmavara nị.

Ọdọvịdị 6:32

Hụrị ụmẹ ọnọọ a kụkụ aa hị́ Igidiyọnị Ijerubaari agụvị ka ọ kà a ka Ịbaarị ọ vụ ịrẹvụ ẹngụ agụvị ụta anị ọnị ọnị wụ.

Ọdọvịdị 6:33

Ụmẹ ọnọọ avaba Animidiya, ọnịrị Anamarẹkị ne beri Aza ene hi akẹnẹ Ijodani jịnẹ enyi na jị udi tụ inozi Ijezirẹẹrị nị.

Ọdọvịdị 6:40

Ịrahụ ọnọọ, dị Ohomorihi vavọọ mẹ̀ ẹ gẹdẹ-gẹdẹ. Eyinẹhẹ dị ẹyị ọnọọ wụ́ kokoroko ama dị eteesu hunẹnẹ eguhi me chire nị.

Ọdọvịdị 8:29

Ịnị ụmẹ ọnya aanị, dị Ijerubaari ana vị ozi Ijowasi na ra ịnị irehi anị nị.

1 Ịsamụwẹrị 12:11

Dị Ẹnẹyịmavara va tụ́ Ijerubaari, Ịbarakị ọnịrị Ijehuta ne beri emi Ịsamụwẹrị ka yaa dọ wụ nịnị tụ́ hụụnị ụvọ avaba ọnịvị awụ nịnị, dị asị wụ kụkụ hụrẹ ayịnẹ nịnị nị.

1 Ịsamụwẹrị 29:1

Anihwirisiti nịnị ẹ raà kụ́ isoja ẹnịnị gụ tụ́ ịzị aā hị́ Ahwẹkị, dị Anisirẹrị ẹnị rẹ kụ́ udi ẹnịnị tụ́ ọgụrị ịkangga ana yà ịzị aā hị́ Ijezirẹẹrị nị.