Ọdọvịdị 6:3 - IWE ỌNỊNỊ

³ Ụmẹ ọnị Anisirẹrị nịnị ẹ̀ẹ sị chire ịsa tụ ịnị aarẹ, dị Animidiya beri Anamarẹkị ẹnịrị anẹkụra nịnị ene hi eyi ịzị ọyịị̄ vẹ rẹ kụ ịrẹkụ tu wa.

Ọdọvịdị 6:3 ပူးပေါင်းရင်းမြစ်များ

Oyinyima 25:6

Ama di o ve sú, ộ kụ́ ịsa mẹ ezi oni ese anị ọsa ma yọ ẹyịza. Dị ọ va ka ẹ̀ hụụnị eehi yị Ayiziiki nị. Ộ ka ẹ̀ nọ ẹkụra ana yà oze ọnị ọyịị̄ zịị vẹ.

Oyinyima 29:1

Di Ijekọvụ sị ụsẹ anị hụụ ịzọọ dị ọ na ngụ ịnị ẹtẹ aza ana ra éyi ọnị ọyịị̄ zịị vẹ nị.

1 Ohinọyị 20:27

Di a rẹ kụ́ Anisirẹrị gụ nị. Ịjị a sị wa kụ́ gụ, dị ẹ sì ịsọyịrị yị wa di e si hu ka ẹnịrị Anasiriya ẹ̀ na gẹ nị. Anisirẹrị vi ene gù ịrẹkụ ẹnịnị dị ẹ và eyi ka Anasiriya. Dị ahịka vị Anisirẹrị sị mẹẹ anka ozi ẹvụ eweyi ẹẹva avọọ nị. Ama Anasiriya ẹnị vị ana gụ ẹtẹ rụ̀ụ́ kẹnẹ.

1 Ohinọyị 4:30

Isoromọnị ộ yẹ ịrẹyị huna avaba ọnị ene hi ịzị ọyịị̄ zịị hụrẹ. Ọ rẹ yẹ ịrẹyị huna avaba Anijipiti.

1 Ohinọyị 5:10

Ịzẹyịza di Ihirami kụ́ ọchị Isida ọnịrị ọchị isipirẹsị na yị Isoromọnị nị. Ọpa ọnị Isoromọnị si kẹnẹ, ọ kụ́ na yọ nị.

Ijoovu 1:3

Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.

Ijoovu 31:8

dị ọza ẹnịsa kẹnẹ-kẹnẹ ọ rị ịsa ọnị mẹ tụ ịnị aarẹ anị, dị è hu avaba ịsa ọnị ọnị chire tụ ịnị aarẹ anị ha.

Ọyịkụra 17:8

Anamarẹkị ệ kụ́ ịrẹkụ ve tù Anisirẹrị Irepihwimi.

Ayịsaya 11:14

Ẹnịnị kụkụ vaa vaa bẹ dị ẹ baku Anihwirisiti. Di e nyima hụrẹ eyi ọnị ọyịị̄ zị naa ngụ ẹtẹ, dị ẹ vavọọ chaka wa na ngụ eyi ọnị ọyịị̄ zịị hụrẹ. Ẹ rẹ vaa kụ́ ịrẹkụ naa rị Anedomi ọnịrị Animowabi. Dị Anamọnị kụkụ vị ọrịhị ẹnịnị.

Ayịsaya 62:8

Ẹnẹyịmavara o reè wo oto ẹtẹẹtẹrẹ. Ọ vaa sị ụkata anị mẹ̀ ẹ. Ọnịvị Anisirẹrị nịnị ẹ yị kụkụ vaa sị akụ ẹnịnị mẹ ịsọyịrị ẹnịnị. Anikinami nịnị ẹ yị kụkụ vee hu eche ẹnẹ ẹnịnị ka ẹhị mi tụra ịrẹsụ.

Ijeremaya 49:28

 rẹ nyị ẹkụra ana aā hị́ Ịkẹda ọnịrị Ịhazọ ọnị Inebukadineza, ohinọyị Ịbabịrọnị kwẹẹtẹ tu. Ịrẹyị ẹnịnị ọnị Ẹnẹyịmavara kà yị: Ọ kà, kwẹẹtẹ tu Anikeda nịnị, dị we vu avaba anẹkụra ene hi eyi ọnị ọyịị̄ hụrẹẹ vẹ ẹtẹ.

Ezikẹẹrị 25:3

Ọ kà ọnị ọ̀ kà a yị wa ka ọnị Ẹnẹyịmavara Ananyị ụkata hu ka, Ayị ẹnịnị vị enee hine aza maa mẹ̀ irehi ọnị Ohomorihi kẹnẹ-kẹnẹ, dị ịnẹ ẹnịnị ee hine ka asị ẹtẹ Isirẹrị tu osusu, ọnịrị é me ré ka â za Anijuda nịnị ọrịhị aa nọ aha ọsa.

Ezikẹẹrị 25:4

Ka wâ ịrẹyị ẹnẹnị mẹ mẹ, ọnị va navọ ka Anẹkụra ene hi eyi ịzị ọyịị̄ zịị hụrẹ ka ẹ̀ kụ ịrẹkụ va rị wụ nịnị. Ẹnịnị vaa vẹ vaa jị udii hi ẹkụra awụ nịnị, dị ẹ kụkụ rá ịzọọ. Ẹnị ẹ̀ vanaa rị ẹtụtụ ọchị awụ nịnị nị, dị e re yee hu ịrẹva ịsụpa awụ nịnị nị.

Ireevi 26:16

Ụya ọnị vaa sị rị wa yị: Ọnị vaa kụ ẹngụkata odivii tù wa; ụkụ ẹnẹ ẹ̀ yị ma wụ́ ahọ̀nọ ọnịrị ọvanggoro ene vee gù wa eyi vaa za wa, dị ee du wa ẹhẹẹ ha. Ọ kà ịrụkụ ọọhẹ ẹ́ vaa kụ nị, agụvị ka, ọnịvị ẹnịnị ẹ vaa rị ịsa ịnị aarẹ ẹnịnị nị.

Imika 6:15

Wàa dà aarẹ pooro we yi yèe re ịsa sị ịnị anị. Ụ vaa mẹ angwẹ, ama we yi ve da sisi ẹngụ awụ. Ẹtụtụ ana a si mẹ eche wàa mẹ̀ ẹ, we yi re hú ịnị anị.

Iwe Ọhụhị Imosiisi ana aa hị́ Ọyịvatụrọda 28:51

Ẹnịnị vaa kụ avaba ịsụpa awụ nịnị ọnịrị ịsa ịnị aarẹ awụ nịnị, dị ụngwẹ wụ̀ wụ nịnị va ha.

Ọdọvịdị 10:12

Dị ọ ka ọnị ọ rẹ dọ wa tụ hụụ ịnị ụvọ Anisidoni beri Anamarẹkị ọnịrị hụụ ịnị ụvọ Animayoni nịnị ẹ maa sị ụya rị wa nị.

Ọdọvịdị 3:13

Egirọnị ộ va ụvọ beri Anamọnị ọnịrị Anamarẹkị, dị ẹ nyị ẹbẹẹba Anisirẹrị nịnị, dị ẹ dọ Ijeriko ana vị ẹkụra ọsọchị.

Ọdọvịdị 6:2

Agụvị ka Animidiya nịnị aa chamayị yị wa di e zwe na tẹ̀ ịnị ataba ọnịrị ụtẹha nịnị nị.

Ọdọvịdị 6:33

Ụmẹ ọnọọ avaba Animidiya, ọnịrị Anamarẹkị ne beri Aza ene hi akẹnẹ Ijodani jịnẹ enyi na jị udi tụ inozi Ijezirẹẹrị nị.

Ọdọvịdị 6:4

Dị ẹ jị ajẹngụ ẹnịnị tụ ịnị ẹtẹ ẹnịnị, di e du ịsa ịnị aarẹ ẹnịnị ha hụrẹ eyi ụvẹtẹ va ngụ ojesikara Igaza, dị ẹ kụ avaba atẹmẹ, imaaru, ịkẹrịkẹtẹ Anisirẹrị nịnị, dị ẹ tụ wa avosusu.

Ọdọvịdị 7:12

Isoja Animidiya ọnịrị Anamarẹkị ne beri anẹkụra nịnị ana hụrị akẹnẹ enyi vị ana gụ pọmị inozi anka akụvarịva avọọ. Ịnyaakụmị ẹnịnị ẹ rụrụ anka ààrẹ ụtọ ókụ̄.

Ọdọvịdị 8:10

Ịzẹba ọnịrị Izarimuna beri isoja ẹnịnị vị ene hi ịzị aa hị́ Ikaakọ ụmẹ avọọ. Isoja ẹnịnị ẹẹ gụ akahị-akahị oze ẹwụrẹhị (15,000). Avaba ẹnị ana vọ ịnị isoja Anikẹdẹmụ ọ vị ọnọọ nị. Ọpa ẹnị aza anaa nọ ịrẹkụ ọnị Igidiyọnị wụ ẹẹ gụ akahị-akahị oze ẹchẹhị tụra oohu (12,000).