Ọdọvịdị 4:9 - IWE ỌNỊNỊ

⁹ Idebora ka ọnị vaa saasa a. Ama Ịbarakị ẹ yị vaa nyị ụga tu ịnị anị agụvị ka Ẹnẹyịmavara vị ana vaa mẹ ka ọnyẹnẹẹ ọ nyị ẹbẹẹba Isisera. Ịzẹyịza, dị Idebora saasa Ịbarakị nọ Ịkẹdẹsị nị.

Ọdọvịdị 4:9 ပူးပေါင်းရင်းမြစ်များ

2 Ịtọpa 26:18

dị ẹ kà taarụ ohinọyị! E yi vọrọ tụra awụ ka wa rị eturare ịra hi Ohomorihi. Ohirẹsụ irehi Ohomorihi nịnị ana hụrẹ ovwoovu Eerọnị a nyị ka ẹẹ mẹ̀ ụkọrọ ọnọnị nị. Agụvị avọọ, jịnẹ hụrẹ aha ọnịnị ọnọnị. O yi vee zee yọ agụvị ka ọ raà rị ịvị Ohomorihi.

Ọdọvịdị 2:14

Ebira odivi ẹnịnị, dị Ẹnẹyịmavara kụ ayị dị ọ hụrẹ wa ụvọ yị ọnịvị ẹnịnị, dị ẹ kụ wa ẹnya nị. Dị ọ navọ wa chire ọnịvị ẹnịnị ụvọ ka ẹ nyị ẹbẹẹba ẹnịnị dị asị ẹ zụ sị ụvọ jị nị.

Ọdọvịdị 4:8

Dị Ịbarakị kà a, ọnị ẹ yị vaa nọ ịrẹkụ ọnọọ, ẹ̀ẹ vị Idebora saasa ọnị.

Ọdọvịdị 9:53

dị ọnẹẹ ọnya aanị zina ịrẹta ana aā kụ̀ ayị nya ịrẹsụ, dị ọ chaka a akokoro ịrẹsụ nị.

Ọdọvịdị 9:54

Obobooro ọnọọ, Abimẹrẹkị hị́ ọza ana aā kụ ẹnya ịrẹkụ anị gụ ọ ka ọ tụ ụ̀hwọ̀ anị dị ọ wụ ọnị. Ọ kà a mẹ vaa wụ́ ka ọnyẹnẹẹ ọ wụ ọnị nị. Ịzẹyịza dị ozi ahụ anị ọnọọ jị ụhwọ ngụ ẹngụ dị ọ wụ̀ ọ nị.

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.