Ọdọvịdị 4:6 - IWE ỌNỊNỊ

⁶ Ẹkụhị ọnya, dị ọ tụ́ hị́ Ịbarakị ozi Abinowami hụrị Ịkẹdẹsị ịnị ẹtẹ Inahwitari, Idebora ka Ẹnẹyịmavara, Ohomorihi Anisirẹrị ô mẹ ọda ka Ịbarakị ọ̀ kụ aza akawụ-akawụ oze ẹẹhị hụrị ịrẹsụ Inahwitari ọnịrị Izeburuni nọ ịrẹsụ ataba Ịtabọ.

Ọdọvịdị 4:6 ပူးပေါင်းရင်းမြစ်များ

Ahẹ Ụgama 7:6

Ẹnẹyịmavara, navọ wa jị ayị kwẹẹtẹ tù ọnịvị ana aa kụ ayị amị. Ohomorihi amị, navọ wa kwẹẹtẹ dị wa mẹ ka ịzẹyịza ịrẹyị ọ̀ tụ́ ẹhẹ.

Ahẹ Ụgama 89:12

Ẹwa mẹ oze ẹbẹẹba ọnịrị ụvẹtẹ nị, Átaba Ịtabọ ọnịrị Ihamọnị mẹ̀ wụ́ ịrẹta awụ dị ẹ yaa jẹ, dị ẹ yaa jị ahẹ nị.

Ahẹ Ụgama 89:13

Wâ nyị ụkata ana banyị, ọza ọ yị zụ sị irenu kà a ịzị ụ nyị ụkata na za.

Ijeremaya 46:18

Ẹnẹyịmavara Ochẹtẹẹngụ ka, ọnị ọ vị ohinọyị nị. Ọ kà ọza ana kụ ịrẹkụ ee vee tu wu nịnị vị ana vaa nyị ụkataa hu wu nịnị anka ataba Ịtaabọ mẹ nẹba huni ataba ana vọ. É vee huna wụ nịnị anka ataba Ịkamẹrị mẹ dà jịnẹ oku avọọ nị.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Odeyi 13:47

Ọda oni Ohomorihi mẹ yị yị. Ọ kà: “Ma sị wụ nyị ka wa vị ẹtohweyi yị anẹkụra ẹnẹ ẹ̀ yị vị Aniju; dị ụ wa na zụ avaba anẹhẹ oze ana zụ zị dọ wa ha.”

Anihiburu 11:32

Sị màa kụkụ kà? Mẹ yị nyị ụmẹ kà ịrẹyị Igidiyọnị, ọnịrị Ịbarakị beri Ịsamịsịnị ọnịrị Ịjẹhwịta ne beri Idevidi ọnịrị Ịsamụwẹrị ọnịrị ọnịsẹ nịnị.

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ijosuwa 19:22

Ẹhwị ẹtẹ ẹnịnị ô tụ Ịtabọ, Isahazuma, ọnịrị Ịbẹtịsẹmẹsị, dị ọ na zẹtẹ tụ Ijodani nị. Ẹtẹ ẹnịnị vị ẹkụra ẹbanyị-ẹbanyị ẹwụrịhịnọnyị beri ẹkụra eweyi-eweyi ene hi ịnị ẹnịnị.

Ijosuwa 19:32

Ezi Inahwitari nịnị ẹ vị ọgụ ọhụhịnọnyị ana a dà ẹtẹ yị nị. Abara-abara a gà ẹ yị wa nị.

Ijosuwa 19:35

Ẹkụra ana a jị ọvọ kara ịnị ẹtẹ ọnọnị ẹ vị. Izidimi, Izeri, Ihamati, Irakati ọnịrị Ichinereti nị,

Ijosuwa 19:37

Ịkẹdẹsị, Edireyi, ọnịrị Enihazọ.

Ijosuwa 21:32

Hụụnị ẹtẹ ịrẹsụ Inahwitari a sị ẹkụra ẹbanyị-ẹbanyị ẹẹta, ana vị Ịkẹdẹsị ịnị Igariri ọnịrị ẹtẹ ọyị kụ́ ịsụpa rị, Ihamoti-Ịdọrị ọnịrị Ikaritani beri ẹtẹ ọyị kụ́ ịsụpa rị.

Ọdọvịdị 4:10

Ịbarakị ộ kụ́ isoja Anizeburuni ọnịrị Aninahwitari akawụ-akawụ oze ẹẹhị nọ ịrẹkụ Ịkẹdẹsị, dị Idebora saasa a nị.

Ọdọvịdị 5:1

Ịhị ịrẹkụ ọnọọ ji gẹdẹ-gẹdẹ, Idebora ọnịrị Ịbarakị ozi Abinowami jị ahẹ ọnọnị nị.

Ọdọvịdị 6:35

Dị ọ tụ́ aza ngụ avaba ẹtẹ Ịmanasẹ ka ẹ hị́ wa ka ẹ saasa a nọ ịrẹkụ nị. Avọọ ọ mẹ rẹ tụ́ hị́ Anaseri, ọnịrị Anizeburuni beri inahwitari nị. Dị avaba ẹnịnị saasa a nị.

Ọdọvịdị 8:18

Ịjị Igidiyọnị maa nị raa sị zụ anẹkụra Isukoti ọnịrị Ipanauwẹ dị ọ va họ̀ Ịzẹba ọnịrị Izarimuna ka, ẹngụ aza sị ẹ wụ ẹtẹ Ịtabọ ịhị ọnọọ? Dị ẹnịnị tu ọ ohi dị ẹ ka, aza ẹnẹẹ è vene Igidiyọnị nị, dị ẹ rẹ ya anka ezi ohinọyị avọọ nị.

1 Ịsamụwẹrị 10:3

Ịsamụwẹrị ka Ịsọọrụ ọ̀ọ sị hụụ ịzọọ, dị ọ̀ nị na pooro dị ọ̀ na ngụ ịzị ọchị ooki ọbanyị ọnya yà ịnị ẹkụra ana aā hị́ Ịtabọ. Ọ kà â nyị ọnọrụ ẹẹta ana aa nọ ịnị irehi Ohomorihi Ịbẹtẹrị ana vaa gẹrị Ịsọọrụ ịzọọ. Ọ kà ọnya ịnị aza ẹnẹẹ vaa kụ́ ozi ẹvụ ẹẹtaa za, dị ọsa kụ́ ịbụrẹẹdị ẹẹta rị ụvọ, dị ọsa ọnị rẹ za eche ana a sị tụ́ ịnị ịtụmpaha uye.

1 Ịsamụwẹrị 12:11

Dị Ẹnẹyịmavara va tụ́ Ijerubaari, Ịbarakị ọnịrị Ijehuta ne beri emi Ịsamụwẹrị ka yaa dọ wụ nịnị tụ́ hụụnị ụvọ avaba ọnịvị awụ nịnị, dị asị wụ kụkụ hụrẹ ayịnẹ nịnị nị.