Ọdọvịdị 4:3 - IWE ỌNỊNỊ

³ Isoja Ijabini ệ nyị ịkẹkẹ ịrẹkụ enyusẹ akanarẹchẹhị. Ịrayị oohu Ijabini mẹ Anisirẹrị ọnị ẹzụ mẹ ẹvụ nị. Ịjị ụya sị hụ wa dị ẹ da ịpẹ yị Ẹnẹyịmavara kà ọ gụ ẹnị ụvọ.

Ọdọvịdị 4:3 ပူးပေါင်းရင်းမြစ်များ

Ahẹ Ụgama 106:42

Ọnịvị ẹnịnị ẹnẹẹ ệ mẹ ehuna yị wa, dị ahịka ọda ene zee wa eyi kẹnẹ ẹ yaa mẹẹ tụra wa nị.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ahẹ Ụgama 78:34

Ịjị Ohomorihi òo si nyima aa wụ̀ wa dị ẹnị ana vọ rẹ và ká Ohomorihi vẹ, di e ro ịnẹ varẹma, dị ẹ yaa dá ịpẹ.

Ọyịkụra 2:23

Ộ vana dà kù, di ohinọyị Anijipiti wusu nị. Anisirẹrị vị ana aa rịị rị ụya, di e yee nowu agụvị ụkọrọ ana a za wa ọrịhị aa mẹ nị. E yee nowu ka Ohomorihi ọ̀ gụ ẹnị ụvọ.

Iwe Ọhụhị Imosiisi ana aa hị́ Ọyịvatụrọda 28:29

Ọọdụ goro-goro vị ọnị ụ vaa sị ụvọ si oze nịnị anka ogweyi avọọ. Avaba ịsị ụ wàa mẹ, e yi vee zozaa yị wụ. Aza vị ana vaa mẹ ẹvayaa yị wụ, dị ẹyaa sị ụkata-ụkataa dọ wụ ịsa. We yi vee re ọzaa gụ wụ ụvọ nịnị.

Iwe Ọhụhị Imosiisi ana aa hị́ Ọyịvatụrọda 28:33

Ụ vaa kụ ịrụkụ nịnị ẹtẹẹtẹrẹ, ama anẹkụra ọsa ẹ vaa rị avaba ịsa ọnị ụ mẹ hụụnị aarẹ awụ nịnị. Ẹnịnị vị ana vaa mẹ ẹvayaa yị wụ nịnị, dị ẹyaa chamayịị wụ pooro.

Ijosuwa 17:16

Ezi Ijosẹẹhụ ka: Ịrẹsụ ataba ọnọọ ọ sị weyi yị ẹnị, ama avaba Anikenaani nịnị ana ra hi inozi ệ nyị ụkẹkẹ ịrẹkụ enyusẹ-enyusẹ. Ẹnị ana ra hi Ịbẹtị-Isani ọnịrị ẹkụra eweyi-eweyi ana kara a, ọnịrị ẹ na ra hi inozi Ijezirẹẹrị.

Ọdọvịdị 1:19

Ẹnẹyịmavara ộ jẹẹ isoja Anijuda nịnị ịrẹma, dị ẹ dọ ẹtẹ ẹkụra ene hi ịrẹsụ ataba nị. Ama ẹnịnị ẹ yị rẹ va zụ dụ aza ana ra inoze agụvị ka ẹnịnị ẹ nyị ịkẹkẹ ịrẹkụ enyusẹ.

Ọdọvịdị 10:10

Ịjị Anisirẹrị nịnị vavọọ aa rị ụya dị ẹnịnị ve na owu hị́ Ẹnẹyịmavara, dị ẹ ka ẹnị ẹ sị ịvị mẹ hi ọ agụvị ka ẹnị e yi Ohomorihi ẹnịnị tịtẹ naa hẹkẹ ori ana aā hị́ Ịbaarị.

Ọdọvịdị 10:16

Ịjị ẹ maanị raa da ịpẹ, dị ezi Anisirẹrị nịnị va avaba ori ẹnịnị ha, dị ẹ kụkụ a hẹkẹ Ẹnẹyịmavara nị. Ụyọrị ezi Anisirẹrị ọ zị Ẹnẹyịmavara ẹngụ ẹtẹẹtẹrẹ.

Ọdọvịdị 3:15

Ụmẹ ọnọọ Anisirẹrị nịnị ê na owu na za Ẹnẹyịmavara, dị ọ sị ọnọrụ ana aā hị́ Ehudi ka ọ dọ wa ha nị. Ehudi vị ozi Igera, dị ọ vị Anịbẹnjamịnị nị. Ọnị ọnụvọha ọ vị nị. Anisirẹrị nịnị ệ sị ẹyịza tụ́ ọ ụtụ hi Egirọnị, Ohinọyị Imowabi.

Ọdọvịdị 3:9

Anisirẹrị nịnị ệ da ịpẹ yị Ẹnẹyịmavara kà ọ gụ ẹnị ụvọ, dị ọ nyị Ọtịnẹrị dị ọ dọ ẹnị ha. Ọtịnẹrị vị ozi Ikenazi ana vị ọhụva Ịkarẹbị ana vị ozweyi.

Ọdọvịdị 4:13

dị ọ kụ́ isoja anị akanarẹchẹhị ana aā sị ịkẹkẹ ịrẹkụ enyusẹ ọnịrị ẹnị anaā sịị ahụ kụ́ ịrẹkụ hụrị Iharọsẹtị-Ịhagọyimi na ngụ okuha Ikisoni.

Ọdọvịdị 4:4

Ịnị ụmẹ ọnọọ, Idebora ana vị ose Irapidoti ana vị ọnịsẹ ộ vị ọdọvịdị Anisirẹrị nịnị nị.

Ọdọvịdị 5:8

Agụvị ka Anisirẹrị nịnị ệ nyị ka ẹnị aa hẹkẹ ori, dị ịrẹkụ ne gu wa hi oze ọbanyị ọbanyị ẹkụra ẹnịnị ene hi ịzọọ nị. Ẹ yị nyị ọza ana nyị ogonto a vị ọha ọyị sị kụ ịrẹkụ ịnị ẹnị akawụ-akawụ oze oohu.

Ọdọvịdị 6:6

Agụvị ka Animidiya ệ tụ Anisirẹrị nịnị avosusu, di e nowu na za Ẹnẹyịmavara kà ẹ mẹ ọgụ yị ẹnị nị.

1 Ịsamụwẹrị 7:8

Dị ẹ ka, “Ịsamụwẹrị, aarịhịnị wee nowuu hị́ Ẹnẹyịmavara ana vị Ohomorihi ayị, asị ụ jẹẹ. Wee nowu hị́ ọ ịsavọọ ọ̀ dọ yị tụ́ hụụnị ụvọ Anihwirisiti nịnị.”