Ọdọvịdị 3:8 - IWE ỌNỊNỊ

⁸ Agụvị avọọ Ẹnẹyịmavara du ayị hi Anisirẹrị nịnị, dị ọ navọ ka Ikusani-Irisatayimi ana vị ohinọyị Arami-Inaharayimi ộ nyị ẹbẹẹba ẹnịnị, dị ẹ mẹ ịjọva tụra wa ịrẹsụ ịrayị ịhịnta.

Ọdọvịdị 3:8 ပူးပေါင်းရင်းမြစ်များ

Oyinyima 24:10

Di ozi ahụ ọnọọ kụ́ ịnyaakụmị ọga anị ẹẹwụ, dị ọ rẹ kụ́ ogu akàaka beri ọ, di o si hu aa nọ akẹbẹẹba Imesopotamiya dị ọ nọ ẹkụra Ịnahọ̀ nị.

Ahẹ Ụgama 106:41

Dị ọ kụ́ wa yị anẹkụra ọsa ana vị ọnịvị ẹnịnị, dị ẹ yaa mẹ ọdaa tụra wa nị.

Ahẹ Ụgama 129:1

Anisirẹrị ẹ̀ kụkụ kịị kà a kẹnẹ ka A raà mẹ ehuna mị ẹnẹmẹhị. M mẹ̀ hụrẹ vị ozweyi ẹ hụrẹ aa mẹ ehunaa mị nị.

Ahẹ Ụgama 44:12

Ẹyị ana vị aza awụ vị ọnị ụ ná ọyịpọ̀ yị ọnịvị ayị ị kụkụ sị mẹẹ anka ịsa kẹnẹ-kẹnẹ avọọ nị.

Ahẹ Ụgama 6:1

Ẹnẹyịmavara, navọ wa nyị isuuru, asị ụ sị ụya rị mị. Navọ asị ụ zẹẹ ka ọyịkụ ọ̀ mẹ ka we tụ́ mi ipono.

Ahẹ Ụgama 85:3

Wa rẹ raà và hụụnị ayị ana vịdị nyayịnẹ aa kụ́ wụ.

Ọyịkụra 22:24

Ayị vaa kụ́ mị dị mị ka à wụ nịnị ịnị ịrẹkụ. Ịjọnọọ di ose ewu nini vara osoku, di ezi ewu nịnị rẹ vara ozi oku nị.

Ayịsaya 50:1

Ẹnẹyịmavara kà, ẹnịnị wéé ro ka a ọnị dụ aza anị jịnẹ anka ọnọrụ ene yi ose anị tịtẹ avọọ nị? Ẹnịnị wéé ro ka ọnị ná wa ọrịhị nọ ẹkụra ọsa anka ọza ana ná ezi ọrịhị avọọ nị? Eyiyee de! Ịvị Ọnị ệ mẹ̀ ọ mẹ ka a za wa ọrịhị nọ ẹkụra ọsa nị. Agụvị ebira odivi ẹnịnị a dụ wa jịnẹ nị.

Ireevi 26:17

Ọ kà ọnị vaa và eyirazịị ka wa; dị ọnịvị ẹnịnị nyị ẹbẹẹba ẹnịnị; aza anaa nyị ịhyẹrẹ ẹnịnị ẹ vaa mẹ ịjọva tụra wa ịrẹsụ nị. Angwa vee hí wa nee tu ka ẹnịnị vị ene vee zwe ẹ̀ yị daka nyị ọza anaa dụ wa.

Ihabaku 3:7

Ihabaku kà ọnị ọ re ka ẹngụkata ọ raà kụ́ angwahi tù Anikusi nịnị, dị Animidiya nịnị kụ vazi hi ẹtẹ.

Aniroomi 7:14

Yâ yẹ ka ọda vị ana hụụnị ụvọ Ụhwẹ Ọnịnị vẹ, ama ẹmị vị ọzarẹyịrẹsụ kẹnẹ. Ịvị ọ sị mị za ọrịhị,

Iwe Ọhụhị Imosiisi ana aa hị́ Ọyịvatụrọda 29:20

Ẹnẹyịmavara ẹ yị vaa vagu ẹngụ ọza ọnọọ. Ọ nyayịnẹ vee du ayị hi ọ nị. Avaba odivi ana chẹrẹ tụ́ ịnị iwe ọnọnị vị ana vaa nọ ịrẹsụ anị pooro di o vu ẹtẹ saka-saka.

Iwe Ọhụhị Imosiisi ana aa hị́ Ọyịvatụrọda 32:30

Sị ẹ vẹ dị ọza ịnya aa dụ aza ẹnị akahị, dị aza ẹnị ẹẹva aa dụ aza ẹnị akawụ-akawụ oze ẹẹhị? Ẹnẹyịmavara Ohomorihi ẹnịnị ộ hụrẹ wa ụvọ ana mẹ ka e huna wa nị.

Ọdọvịdị 2:14

Ebira odivi ẹnịnị, dị Ẹnẹyịmavara kụ ayị dị ọ hụrẹ wa ụvọ yị ọnịvị ẹnịnị, dị ẹ kụ wa ẹnya nị. Dị ọ navọ wa chire ọnịvị ẹnịnị ụvọ ka ẹ nyị ẹbẹẹba ẹnịnị dị asị ẹ zụ sị ụvọ jị nị.

Ọdọvịdị 2:20

Agụvị avọọ, Ẹnẹyịmavara ộ kụ ayị hi Anisirẹrị nịnị ka ẹ ra sị ahụ jịnẹ ọda eku ọnị ọnịrị ohiku hị́ yị ẹngụ. Ẹnịnị ẹ yị wụ́ ịrẹyị anị.

Ọdọvịdị 3:10

Ụhwẹ Ẹnẹyịmavara ộ dọ Ọtịnẹrị ayị, dị ọ kụ Anisirẹrị nọ ịrẹkụ Ikusani-Irisatayimi. Dị Ẹnẹyịmavara sị ọ nyị ẹbẹẹba anị nị.

Ọdọvịdị 3:7

Anisirẹrị nịnị ệ rị ịvị Ẹnẹyịmavara agụvị ka ẹnịnị e hi ayị anị, dị ẹ na hẹkẹ ori Ịbaarị ọnịrị Asẹra.

Ọdọvịdị 3:9

Anisirẹrị nịnị ệ da ịpẹ yị Ẹnẹyịmavara kà ọ gụ ẹnị ụvọ, dị ọ nyị Ọtịnẹrị dị ọ dọ ẹnị ha. Ọtịnẹrị vị ozi Ikenazi ana vị ọhụva Ịkarẹbị ana vị ozweyi.

Ọdọvịdị 4:9

Idebora ka ọnị vaa saasa a. Ama Ịbarakị ẹ yị vaa nyị ụga tu ịnị anị agụvị ka Ẹnẹyịmavara vị ana vaa mẹ ka ọnyẹnẹẹ ọ nyị ẹbẹẹba Isisera. Ịzẹyịza, dị Idebora saasa Ịbarakị nọ Ịkẹdẹsị nị.

1 Ịsamụwẹrị 12:9

Ama ohiku awụ nịnị ê hi ayị Ẹnẹyịmavara ana vi Ohomorihi ẹnịnị. Di Ohomorihi va sị oze yị ọga isoja Anihazọ anaā hị́ Isisera ọnịrị Anihwirisiti ne beri ohinọyị Animowabi, dị ẹ kụ́ ịrẹkụ ne tù ohiku awụ nịnị nị.