Ọdọvịdị 3:7 - IWE ỌNỊNỊ

⁷ Anisirẹrị nịnị ệ rị ịvị Ẹnẹyịmavara agụvị ka ẹnịnị e hi ayị anị, dị ẹ na hẹkẹ ori Ịbaarị ọnịrị Asẹra.

Ọdọvịdị 3:7 ပူးပေါင်းရင်းမြစ်များ

1 Ohinọyị 16:33

Ahabị ô hì ọchị jẹẹ yị ori ana aā hị́ Asẹra. Ebira odivi ana Ahabị mẹ ka ọnị ọ̀ sị mẹ ayị kụ́ Ẹnẹyịmavara ana vị Ohomorihi Anisirẹrị o huna ebira odivi ana avaba ohinọyị Anisirẹrị ana vịdị rị tụ́ ọ mẹ̀ nị.

1 Ohinọyị 18:19

Booro aanị, tụ́ na hị́ avaba Anisirẹrị, dị ẹ̀ wara ve tù mị ịrẹsụ ataba Ịkamẹrị. Rẹ hị́ ọnịsẹ Ịbaarị ana vị ẹnị akava tụra ẹvarẹwụ ne beri ọnịsẹ Asẹra ẹnị vi akava. Avaba ẹnịnị ẹnẹẹ anaā rị ịsa ịda Ijezebẹrị.”

2 Ohinọyị 23:14

Ộ chaka ịrẹta ori Asẹra rugu-rugu, dị ọ ma ọchị ana a sị mẹ uyi anị jẹẹ nị, dị ọ kụ́ ẹchụkụ aza ana wụ̀ ene hi ịzọọ nị.

2 Ohinọyị 23:6

Dị ọ sị ọchị uyi ori Asẹra hụụnị irehi Ẹnẹyịmavara Ohomorihi na ngụ Ikidironi ịrẹma Ijerusarẹmị, dị ọ rị ọ ịra nị. Dị a kụ̀ ọ anka ayị, dị ọ gara atịtọ anị hi ịrẹsụ ukuta aza kẹnẹ ene hi ịzọọ.

2 Ịtọpa 15:16

Ohinọyị Asa ô du ọnyị anị ọbanyị hụrẹ udi ose ohinọyị, ọnyị anị ọbanyị ộ mẹ̀ uyi ori ana aā hị́ Asẹra ẹnẹ ẹ ka ọọ̄ mẹ̀ ka ịsa ọ̀ mẹ yị aza. Asa ộ dà ori ọnọọ nya ẹtẹ, dị o che e piri-piri, dị ọ rị opiri-opiri anị ịra inozi Ikidironi nị.

2 Ịtọpa 24:18

Dị aza ẹ yị kụkụ na hẹkẹ Ẹnẹyịmavara, Ohomorihi ohiku ẹnịnị ịnị irehi anị nị. Dị ẹ kụkụ aa hẹkẹ ori ọnyẹnẹẹ ana a hị́ Asẹra ọnịrị ori irenyi-irenyi nị. Ẹnẹyịmavara ô du ayị hi Anijuda ọnịrị Anijerusarẹmị agụvị ebira odivi ẹnịnị.

2 Ịtọpa 33:19

Avaba ịsa ọnị ohinọyị Ịmanasẹ mẹ̀ ịnị ụmẹ anị vị ana chẹrẹ tụ́ ịnị iwe ịtọpa ọnịsẹ nịnị. Aa chẹrẹ ohinọyị mẹmẹ mẹ̀ aduwa, ohi ọnị Ohomorihi sị yọ ọnịrị avaba ịvị ọnị ọ mẹ̀ dị ọ vee ro ịnẹ hụụnị ebira odivi. Avaba irehi ori ọnị ọ dà, ọnịrị uyi ori neberi ori Asẹra ọnị ọ kụ́ aha irenyi-irenyi dị aa hẹkẹ wa vị ana chẹrẹ tịtẹ.

2 Ịtọpa 33:3

Ộ varẹma tenyi irehi ori nịnị ana ada anị wu ha da. Dị ọ hi ụta hi ẹtẹ ọyị hẹkẹ ori Ịbaarị, dị ọ bẹ ọchị uyi ori ọnẹẹ ana a hị́ Asẹra ọnịrị ahẹkẹ ụzọmị ene hi ẹbẹẹba.

2 Ịtọpa 34:3

Ịnị ịrayị ana tụ́ ọ ịhịnta ọnị Ijosaya rị ohinọyị, ọ mẹ yị vị ozweyi, ó nyima aa hẹkẹ Ohomorihi ohiku anị Idevidi. Ịnị ịrayị ọhụna ana vatụra a, o nyima aa chata irehi ori nịnị ọnịrị ọchị ana bẹ́ mẹ uyi ori ọnẹẹ ana a hị́ Asẹra ọnịrị ori ana vọ.

2 Ịtọpa 34:7

Ịnị avaba ẹtẹ ene hi eyi ẹbẹẹba ọ vavọọ chata aha ori ọnịrị ụyị ẹnịnị ne beri ụta ẹnịnị dị a kwọ edudu va ha nị. Ịjị ọ sị mẹ ta ẹkụra ẹnẹẹ, dị ọ va eyi Ijerusarẹmị nị.

Ahẹ Ụgama 106:35

Ama dị ẹ và hara aza ẹnẹẹ, dị ẹ yaa hama waa mẹ̀ ebira nị.

Ahẹ Ụgama 106:36

Ẹ kụkụ aa mẹ ori aza ẹnẹẹ. Ọnọọ ộ vana kụ́ ẹngụkata tù wa ẹnẹmẹhị.

Ahẹ Ụgama 106:7

Óhiku ayị me hi Ijipiti, ẹnịnị ẹ yị sị ayị ro ịnị ịvọpa ọnị ụmẹ. Ẹ yị tamayị ịsa irenyi-irenyi ọnị ụ mẹ yị wa, dị ẹ yaa kụ̀ụ hịrẹ wụ ụtọ Okuha Ịkịịkẹ nị.

Ọyịkụra 34:13

Wèe tù ịzọọ ụ chaka ụta ịzị ẹ yàa mẹ̀ ịsọvọ, rẹ za avaba ịrẹta ẹnị ẹ sị mẹ ori dị wa chaka wa. Â nyị ọchị ẹnị ẹ bẹ yị ori ẹnịnị ẹnị ẹẹ̄ hị́ Acherimi. Ọchị ọnọọ vi oni u wee che nịnị.

Ijeremaya 23:27

Ọ kà ụra ẹnẹ ẹ ka ẹnị ệ ra ẹnẹ maanị aa kà aanị, vị ẹnị eyee sì ka ẹnị ẹ̀ sị mẹ ka aza anị è hí ayị anị, anka ohiku ẹnịnị me hi ayị anị di ẹ naa hẹkẹ Ịbaarị avọọ.

Iwe Ọhụhị Imosiisi ana aa hị́ Ọyịvatụrọda 16:21

Wèe hì ụta ịsọvọ yị Ẹnẹyịmavara Ohomorihi awụ nịnị, wẹ yị nyayịnẹ hi ọchị jẹ akaha anị yị ori ọnẹẹ ana aā hị́ Asera.

Iwe Ọhụhị Imosiisi ana aa hị́ Ọyịvatụrọda 4:9

Ẹnịnị ẹ sị eyi pe ẹngụ ẹnịnị, dị asị a nyị ụmẹ ọnị ẹ sị hi ayị ịsị ẹ sị eyi ẹnịnị re. Ẹ pa ịta zụ ezi ọnịrị aazị ẹnịnị.

Iwe Ọhụhị Imosiisi ana aa hị́ Ọyịvatụrọda 8:11

Ama sị eyi pe ẹtẹ asị u hi ayị Ẹnẹyịmavara Ohomorihi awụ. Asị a nyị ka wẹ yị saasa ọda anị ọnị aa sị wụ aanị.

Iwe Ọhụhị Imosiisi ana aa hị́ Ọyịvatụrọda 8:14

ịjọnọọ dị wee wụ, dị ụ hị́ ayị Ẹnẹyịmavara, Ohomorihi ana kụ wu nịnị hụrị ẹtẹ Ijipiti ịzị a za wụ nịnị ọrịhị.

Iwe Ọhụhị Imosiisi ana aa hị́ Ọyịvatụrọda 8:18

Tamayị ka Ẹnẹyịmavara Ohomorihi awụ nịnị ọ̀ sị ụkata yị wụ nịnị ọnị u sị nyị ẹkẹhị awụ nịnị nị. Ọ vavọọ mẹẹ ịsa ẹnẹnị agụvị ka ọ̀ vịdị ka tịtẹ dị ọ hị́ eku tụ ọ yị ohiku ẹnịnị nị.

Ọdọvịdị 3:12

Ịrẹma anị, Anisirẹrị rẹ mẹ̀ ebira odivi hi Ẹnẹyịmavara nị. Agụvị avọọ, ọ sị ụkata yị Egirọnị ohinọyị Imowabi ô huna Anisirẹrị nị.

Ọdọvịdị 3:8

Agụvị avọọ Ẹnẹyịmavara du ayị hi Anisirẹrị nịnị, dị ọ navọ ka Ikusani-Irisatayimi ana vị ohinọyị Arami-Inaharayimi ộ nyị ẹbẹẹba ẹnịnị, dị ẹ mẹ ịjọva tụra wa ịrẹsụ ịrayị ịhịnta.

Ọdọvịdị 6:25

Ịrahụ ịhị ọnọọ, Ẹnẹyịmavara kà yị Igidiyọnị ka ọ̀ sị ụnọ ịrayị ịhịmba ana vị ọgwọhụva ịnị ụnọ ada anị ene zoza. O wu ụta Ịbaarị ana vị ori ada anị, dị ọ dà ọchị ana a sị mẹ uyi ori ọnẹẹ ana a hị́ Asẹra ene hi jẹẹ akaha anị.

Ọdọvịdị 8:33

Ịjị Igidiyọnị vavọọ wụ su kwooze kẹnẹ dị Anisirẹrị nịnị rẹ nyima kụkụ raa hẹkẹ ori ana hị́ Ịbaarị nịnị nị. Ẹ hyakụ mẹ ori ana hị́ Ịbaarị-Iberiti yị ẹngụ ẹnịnị bẹẹ.

Ọdọvịdị 8:34

Ẹnịnị ẹ yị rẹ va na tamayị avaba ọyịza ọnị Ijerubaari ana ra hị́ Igidiyọnị mẹ yị wa Anisirẹrị nịnị dị ẹ hyakụ va mẹ ọyịza yị evere anị bẹẹ.

1 Ịsamụwẹrị 12:10

Di ohiku awụ nịnị nowu na za Ẹnẹyịmavara ka ọ gụ ẹnị ụvọ nị. Ẹ kà ẹnị raà mẹ̀ ebira odivi. Ẹnị ẹ sị va hụ ịrẹma Ẹnẹyịmavara na hẹkẹ ori anaā hị́ Ịbaarị ọnịrị Asịtọrẹtị. Ẹ kà Ohomorihi ọ̀ dọ ẹnị ha hụrẹ ụvọ ọnịvị ẹnịnị dị ẹnị ẹ vaa hẹkẹ ẹ nị.

1 Ịsamụwẹrị 12:9

Ama ohiku awụ nịnị ê hi ayị Ẹnẹyịmavara ana vi Ohomorihi ẹnịnị. Di Ohomorihi va sị oze yị ọga isoja Anihazọ anaā hị́ Isisera ọnịrị Anihwirisiti ne beri ohinọyị Animowabi, dị ẹ kụ́ ịrẹkụ ne tù ohiku awụ nịnị nị.