Ọdọvịdị 2:3 - IWE ỌNỊNỊ

³ Avọọ, anggẹẹrị Ẹnẹyịmavara kà ọnị ẹ yị vaa dụ aza ene hi ịzọọ jịnẹ yị wa eyi ẹnịnị. Ori ọnị ẹ yaa hẹkẹ vị ene vee tura wa.

Ọdọvịdị 2:3 ပူးပေါင်းရင်းမြစ်များ

Ahẹ Ụgama 106:36

Ẹ kụkụ aa mẹ ori aza ẹnẹẹ. Ọnọọ ộ vana kụ́ ẹngụkata tù wa ẹnẹmẹhị.

Ọyịkụra 23:33

Asị ụ zẹẹ ka ẹ ra ịnị ẹtẹ awụ nịnị ka ẹ va mẹ ka wa mẹ ịvị hi mi nịnị. Ẹ̀ ẹ ra pè wu nịnị dị ẹ yaa mẹ ori ẹnịnị nị, ọ sị wụ nịnị nyeeyi, dị ọ kụ́ ịrẹyị odivi tù wu nịnị.

Ọyịkụra 34:12

Sị eyi pe ẹngụ awụ nịnị, o. Asị ụ na zẹẹ ka ẹwụrị anẹkụra ọnị ụ waa nọ nịnị aanị ọ̀ na rị vabẹ. Ẹwụrị wa ọ̀ọ na rị vabẹ, vi eyee vene wuu ngụ ụvọ nị.

Ịrịka 33:55

Ama ẹnịnị ẹ̀ yị dụ aza ana ra hi ọ jịnẹ, ịhyọsịhyọsa vị aza ẹnẹẹ vaa kụ́ ẹngụkata tụ́ wa anka akọkọ òo che hi ọza eyi avọọ nị. Dị ẹ vị igegenechi aa tụ́ wa ẹngụ ọmọọma, dị e yee beri wa kụ́ pooro kẹnẹ.

Iwe Ọhụhị Imosiisi ana aa hị́ Ọyịvatụrọda 7:16

“Re ka avaba anẹkụra ọnị Ẹnẹyịmavara Ohomorihi awụ nịnị ọ̀ọ sị ụkata wụ ka we vu ẹtẹ, wee vu wa ẹtẹ nịnị; à sị ụ vayị ẹnịnị. Àsị u hẹkẹ ori ẹnịnị, agụvị ka ọ va vị ẹngụkata odivi yị wụ nịnị.

Ijosuwa 23:13

Yẹ ka Ẹnẹyịmavara, Ohomorihi awụ nịnị ẹ yị kụkụ vaa dụ wa jịnẹ hụụnị ẹkụra ẹnịnị yị wụ nịnị ụ maa ngụ tù wa aanị. Asị ka ọnọọ, ẹnịnị vee divi yị wụ nịnị anka ịrẹpa a vị ẹtẹ ana a chị zi ọza avọọ nị. Ịsa ọnị ẹ vaa mẹ wụ nịnị vaa zị wụ anka èe rere tu ọza ịjapa, a vị igegenechi òo ka ngụ ọza eyi avọọ nị.

Ọdọvịdị 2:21

Ẹnẹyịmavara kà ọnị ẹ yị kụkụ vaa dụ anẹkụra ọnị Ijosuwa navọ tịtẹ di o vee su jịnẹ kwooze yị wa.

Ọdọvịdị 2:4

Ịjị ịrẹyị anị ta a ka, dị avaba Anisirẹrị nịnị va orere hi, di e yee nowu boro-boro nị.

Ọdọvịdị 3:6

Ẹnịrị Anisirẹrị nịnị vị ana nyị ẹngụ vahi, dị Anisirẹrị nịnị aa hẹkẹ ori ẹnịnị nị.

Ọdọvịdị 8:27

Dị Igidiyọnị dọ avaba ịsụtọ ana sị igooru mẹ aanị, dị ọ sị mẹ awuru oweyi ọkụ ụvọ tụ ịza anaa hị́ ẹhwọọdụ nị. Ịjị ẹ sị ẹhwọọdụ ọnọọ mẹ dị ọ sị ọ tụ ẹkụra anị ịzị aa hị́ Ọpaara nị. Dị Anisirẹrị nịnị kụkụ nyima dị ẹ yaa hẹkẹ ẹ nị.