Ọdọvịdị 2:16 - IWE ỌNỊNỊ

¹⁶ Ẹnẹyịmavara ộ sị ọdọvịdị nịnị va yị wa ka ẹ dọ wa ha hụụnị ụvọ ọnịvị ẹnịnị ana kụ wa ẹnya.

Ọdọvịdị 2:16 ပူးပေါင်းရင်းမြစ်များ

2 Ịsamụwẹrị 7:11

Pipooro ve tụ́ ụmẹ ọnị mị nyị ọdọvịdị yị Anisirẹrị aza amị. Kà a ka mẹ yị kụkụ vaa zẹẹ ka ọnịvị amị ẹ̀ kụ́ ọ kata a ẹngụ. Kà a ka ma vịdị sị ọ kà a yọ ka ẹmị Ẹnẹyịmavara ụvọta ọ vaa sị irehi amịị jẹẹ nị.

Inehemaya 9:27

Agụvị avọ ụ navọ wa ka ọnịvị ẹnịnị ẹ̀ nyị ẹbẹẹba ẹnịnị dị ẹẹ mẹ ọda tụra wa ịrẹsụ nị. Ịnị ụmẹ ẹngụkata ẹnịnị, ệ nowu va za wụ, dị ụ hụrẹ ẹbẹẹba vẹ ịnị owoba ẹnịnị nị. Wâ tụ ọnọgụmvọ hi wa ana dọ wa ha hụrẹ ụvọ ọnịvị ẹnịnị agụvị ayamva ọbanyị ọnị ụ nyị yị wa.

Odeyi 13:20

dị ẹ yà ịzọọ nị. Ohomorihi ộ nyị ọmọkarẹyị yị wa mẹ ịrayị akava tụra ẹvarẹwụ (450) pooro ne tù ụmẹ Ịsamụwẹrị ana vị ọnịsẹ.

Ọdọvịdị 10:1

Ịrẹma ọnị Abimẹrẹkị wusu, Itora ana vị ozi Ipuwaa, aazị Idodo. Dị Itora ọnọnị kwẹẹtẹ ana dọ Anisirẹrị nịnị tụ nị. Itora vị Aniisaka dị ọ ra Isamiri ana ya ịrẹsụ otutu Ehwireemi.

Ọdọvịdị 11:32

Ịjị Ịjẹhwịta maanị sị ka, dị ọ na ne pe Anamọnị nịnị kụ ịrẹkụ nị, ịzẹyịza dị Ẹnẹyịmavara mẹ ka ọ nyị ẹbẹẹba Anamọnị nịnị nị.

Ọdọvịdị 3:15

Ụmẹ ọnọọ Anisirẹrị nịnị ê na owu na za Ẹnẹyịmavara, dị ọ sị ọnọrụ ana aā hị́ Ehudi ka ọ dọ wa ha nị. Ehudi vị ozi Igera, dị ọ vị Anịbẹnjamịnị nị. Ọnị ọnụvọha ọ vị nị. Anisirẹrị nịnị ệ sị ẹyịza tụ́ ọ ụtụ hi Egirọnị, Ohinọyị Imowabi.

Ọdọvịdị 3:31

Ọdọvịdị ọsa ọnị Isirẹrị vị ana nyị ọ vị Ịsamịga ozi Anati nị, ọnị ọ sị akokoro ịrẹsụ ụnọ wụ̀ Anihwirisiti akata, dị ọ dọ Anisirẹrị nịnị tụ nị.

Ọdọvịdị 4:5

Ọọ̄ yaatẹ iruvo ọsọchị ọnya aanị ana ya ịnị akakana ẹkụra Iraama ọnịrị Ibeteri ịrẹsụ ataba Ehwireemi, dị aza eē vee họ̀ use ajuwe hụụnị ụvọ anị.

Ọdọvịdị 6:14

Dị Ẹnẹyịmavara ọnị ụvọta kà Igidiyọnị vaa nyị ụkata, agụvị avọọ ọnị aa gụ ọ ụvọ, dị ọnị sị ụkata yọ ka ọ sị dọ Anisirẹrị nịnị ha hụụnị ụvọ Animidiya.

Iruutu 1:1

 nyị ụmẹ ọnya aanị ọnị Anisirẹrị nịnị ệ yị nyị ohinọyị, dị ahịka aza irenyi-irenyi ệ mẹ ọdọvịdị ẹnịnị nị. Ụmẹ ọnọọ ụngwẹ vavọọ sị kụ̀ ịnị ẹtẹ Anisirẹrị nị.  nyị ọnọrụ ọnya aanị ịjọnọọ ịnị ẹkụra Ịbẹtịrẹhẹmị ini ẹtẹ Ijuda. Ộ kụ́ ose anị ọnịrị ezi anị ẹẹva hụrẹ Ịbẹtịrẹhẹmị nọ ịnị ẹtẹ Imowabi.

1 Ịsamụwẹrị 12:11

Dị Ẹnẹyịmavara va tụ́ Ijerubaari, Ịbarakị ọnịrị Ijehuta ne beri emi Ịsamụwẹrị ka yaa dọ wụ nịnị tụ́ hụụnị ụvọ avaba ọnịvị awụ nịnị, dị asị wụ kụkụ hụrẹ ayịnẹ nịnị nị.

1 Ịsamụwẹrị 14:48

Ịsọọrụ ộ kụ̀ ịrẹkụ anka ọmụha, di o huna Anamarẹkị nịnị nị. Dị ọ dọ Anisirẹrị hụụnị ụvọ aza ana vịdị aa gara waa ha nị.