Ọdọvịdị 2:1 - IWE ỌNỊNỊ

¹ Â nyị ụmẹ ọnya aanị ọnị anggẹẹrị Ẹnẹyịmavara sị hụrị Igirigari na ngụ Ibokimi. Ộ kà a ọnị ọ̀ kụ wa hụrị ẹtẹ Ijipiti na ngụ ịnị ẹtẹ ọnị ọnị hị́ eku anị ka ọnị aa sị yị ohiku ẹnịnị nị. Ộ kà a ọnị ẹ yị vaa sị ahụ jịnẹ eku ọnị ọnị hị́ yị wa.

Ọdọvịdị 2:1 ပူးပေါင်းရင်းမြစ်များ

Oyinyima 12:7

Di Ohomorihi ve tù Abụramị ịzọọ dị ọ kà a yọ ka Ezi anị ịrẹma-ịrẹma ọnị vaa sị ẹtẹ ọnọnịị yị nị. Di Abụramị hi mẹ aha ịsọvọ tụ́ ịzọọ yị Ẹnẹyịmavara ene ne tù ọ ịzọọ nị.

Oyinyima 16:13

Di Ihaga hị́ ịrẹha Ẹnẹyịmavara ene pè e kà ịrẹyị dị ọ ka ọnị ọ rị Ohomorihi ene re mi nị! Ọ kà Ohomorihi mi re, dị mị yị yàra nịị?

Oyinyima 48:16

anggẹẹrị ọnọọ ana dọ ọnị ha hụụnị avaba ịsa odivi, ọ̀ navọ kwogwo ò zee yi ezi ẹnẹnị. Ọ̀ navọ kwogwo a vaa sị waa tamayị ịrẹha anị ọnịrị ohiku anị nịnị ana vị Abụrahamị ọnịrị Ayiziiki. Ọ kà ọ̀ navọ ẹ va ma ozi rụrụ, dị ahịka vị ẹ gwẹtẹ ịnị ẹhẹ kẹnẹ nị.”

Ahẹ Ụgama 89:3

Ụ ka wa raà kà a ka â nyị ịsị ụ vaa mẹẹ yị ọza ọnị ụ sị nyị, wâ vavọọ raà hị́ eku yi Idevidi ana vị ozi ahụ awụ.

Ahẹ Ụgama 89:34

Ụ ka ịrẹyị ọnị ụ ra kà tịtẹ ka ụ vaa mẹ vị ọnị ụ vaa mịị mẹ ka ịsa ọnị ụ raà sị irenu awụ kà, wẹ yị vàa hụụnị anị.

Ọyịkụra 14:14

Ẹnẹyịmavara vụ ịrẹvụụ wụ nịnị. Ama ọzọza ọ̀ jẹẹ hẹẹ.”

Ọyịkụra 14:19

Di anggẹẹrị Ohomorihi ana vịdị yà ọvịdị isoja Anisirẹrị aa na và nọ ịrẹma dị ọ na jẹẹ ịrẹma nị. Di eguhi ana da jẹẹ ọvịdị ọnị và nọ ịrẹma dị ọ na jẹẹ ịrẹma Anisirẹrị nịnị nị.

Ọyịkụra 20:2

“Ẹma vị Ẹnẹyịmavara ana vi Ohomorihi awụ nị. Ẹma tụ̀ wụ hụrẹ Ijipiti ịzị ụ vịdị vị ọrịhị tụ́ nị.

Ọyịkụra 23:20

Mị vaa tụ́ anggẹẹrị amịị dọ ọvịdị awụ nịnị. Ọnị ọ vaa zụ̀ wụ nịnị oze dị ọ sị wụ nịnị na ngụ ịzị mi reè tenyi zi wu nịnị nị.

Ọyịkụra 33:14

Dị Ẹnẹyịmavara tụ́ ohi dị ọ ka, “Ẹnị ụvọta vaa saasa wụụ na, mị vaa mẹ ka ayị awụ ọ̀ nẹtẹ.”

Ayịsaya 63:9

hụụnị avaba ụya ẹnịnị nị. Ẹnẹyịmavara ụvọta ọ dọ wa ha, ẹ yị vị anggẹẹrị. Ộ dọ wa ha agụvị oyisì ọnịrị ayamva anị, ộ vịdị tẹsị ẹnịnị hụrị ẹtẹẹtẹ.

Ijeremaya 14:21

Ẹ ka Ẹnẹyịmavara ọ̀ navọ, ọ̀ tamayị ịrẹyị ọnị ọ́ ka, dị asị o sị eyi para ẹnị hu. Ẹ ka aarịhịnị asị ọ maanị mẹ̀ ụhị nyị Ijerusarẹmị, ịzị ọ sị aga ohinọyị anị ana maanị nyị ụbanyị hi ẹtẹ. Ẹnẹyịmavara ọ̀ navọ asị và hụụnị ịrẹyị ọnị ọnịrị Anịjuda nịnị dọ beri ẹngụ tụ ịnị anị.

Ireevi 26:42

Ọnị vaa tamayị ịrẹyị ọnị ọnị hị́ eku anị yị Ijekọvụ, Ayiziiki, ọnịrị Abụrahamị. Ọnị é yi vee hí ayị ịsa ọnị kà ka ọnị vaa sị ẹtẹ ọnọọ yị ẹnị aza anị.

Ireevi 26:44

Ama ịnị avaba anị, ụmẹ ẹnẹ ẹnịnị ẹ̀ẹ yà ịnị ẹtẹ ọnịvị ẹnịnị ọnị ẹ́ yị vaa hụrẹ wa saka-saka; ọnị ẹ́ yị vee vu wa ẹtẹ bemi-bemi. Ọnị ọ̀ọ vavọọ mẹ, vị ọnị ẹ̀ yị saasa ịrẹyị ọnị ọnịrị wa hị́ eku anị yị ẹngụ avọọ nị: Ọnị ọ vị Ẹnẹyịmavara Ohomorihi ẹnịnị nị.

Ịzakaraya 11:10

Ịrẹma anị, ọnị sị ọchị ọnị ịrẹha anị rị Ẹyịzọhẹ, dị ọnị che e nị, dị ọnị kụ oto ọnị Ẹnẹyịmavara wo yị avaba anẹkụra nịnị kwooze nị.

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Ịrịka 14:34

Anka ẹkụhị ẹbẹẹva ọnị e si ne re ẹtẹ, avọọ ẹkụhị ọnyọọnya mẹ va jẹẹ yị ịrayị nị. Ịrayị ẹbẹẹva

Iwe Ọhụhị Imosiisi ana aa hị́ Ọyịvatụrọda 1:8

Ọ kà ọnị aa sị ẹtẹ ọnọọ yị ẹnị. Ọnị ọ̀ vịdị raà hị́ eku anị yị ohiku ẹnịnị Abụrahamị ọnịrị Ayiziiki ne beri Ijekọvụ. Ẹnịrị ezi ịrẹma ẹnịnị ana aa vẹ ẹ̀ nyị ẹtẹ ọnọọ nị.

Iwe Ọhụhị Imosiisi ana aa hị́ Ọyịvatụrọda 4:34

Áá nyị ori ana nyayịnẹ nọ ẹkụra ọsa na kụ aza, dị ọ mẹ wa aza anị anka Ẹnẹyịmavara Ohomorihi ẹnịnị mẹẹ mẹ wa ịnị ẹtẹ Ijipiti? Imosiisi kà a eyi ẹnịnị Ohomorihi sị kụ akanya ọnịrị ịrẹkụ tu Anijipiti nị. Ộ sị ụkata ọbanyị anị mẹ ịvọpa beri apọtẹrẹwa ọrụrụ-ọrụrụ ene chire aza angwa.

Iwe Ọhụhị Imosiisi ana aa hị́ Ọyịvatụrọda 7:9

Tamayị ka Ẹnẹyịmavara Ohomorihi awụ nịnị ọnị ịnya ọ vị ọnịzẹyịza nị. Ọ vaa sị ụvọ za oto ọnị ọ wo, dị aa sị oyisì anị zụ evere awụ ịrẹmị-ịrẹma oze akahị.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.

Ọdọvịdị 11:24

Ịjẹhwịta ọ rẹ kà a yị ọ ka, ẹnịnị ẹ sị ụvọ za ẹhwị ịsa ọnị Ikemosi, ori ẹnịnị ọọ sị yị wa. Ẹnị rẹ va sị ụvọ za ịsa ọnị Ẹnẹyịmavara Ohomorihi ẹnịnị ra sị yị ẹnị.

Ọdọvịdị 13:2

Ụmẹ ọnọọ, â nyị ọnọrụ ọnya aanị ana vị Anizora. Ịrẹha aanị ọ rị Imanowa nị, dị ahịka ịrẹsụ Ịdaanị ọ chị hụrẹ nị. Ose anị ọnọọ ẹ yị ma ozi agụvị ka ọbọrị ọ vị nị.

Ọdọvịdị 13:3

Ẹkụhị ọnya dị ọnụtụ Ẹnẹyịmavara ọnya sị ẹngụ anị va zụ ọ, dị ọ kà yọ ka, vịdị vẹ ọbọrị ọ vị, dị ọ yị ma ozi nị. Ama o vee zyẹẹ, dị ọ ma ozi ọnọrụ.

Ọdọvịdị 2:5

Dị ẹnịnị hị́ ịzọọ Ibokimi (orere aza). Dị ẹ mẹ̀ ịsọvọ ịzọọ yị Ẹnẹyịmavara nị.

Ọdọvịdị 6:8

dị ọ tụ́ ọnịsẹ ana ka enube yị wa nị. Ẹnẹyịmavara kà ọnị ọ sị wa hụụnị udi ọrịhị ana a za wa Ijipiti nị.