Ọdọvịdị 16:3 - IWE ỌNỊNỊ

³ Ama Ịsamịsịnị vị ana sụ ịzọọ ne tu ụmẹ agẹvịrahụ, ộ ha kwẹẹtẹ dị aa na nị. Ịjị o tu oze ọbanyị ẹkụra, dị ọ sị ụvọ za ọbanaa oze eyi ẹnyị eyi ọsa ne beri ukere anị vabẹ dị ọ hu ọ, di o chema tụ́ ịrẹsụ ịza anị na ngụ ịrẹsụ ataba ana va eyi ka Ihebirọnị, dị ọ ne e tụ́ ịzọọ nị.

Ọdọvịdị 16:3 ပူးပေါင်းရင်းမြစ်များ

Ahẹ Ụgama 107:16

Ukere enyusẹ-enyusẹ ene e si chire oze vị ọnị ọ chaka và ha.

Imika 2:13

Ohomorihi vaa nā oze, dị ọ kụ́ wụ nịnị hụụnị ọrịhị vavẹ eehi. Ụ vaa chaka ukere ózee ẹkụra dị ụ para hu aa na nịnị. Ẹnẹyịmavara ana vi ohinọyị awụ nịnị ọ vaa kụ́ wụ nịnịị jịnẹ nị.

Odeyi 2:24

Ama Ohomorihi ộ ha a hụụnị isu, ộ dọ ọ hụụnị ụvọ isu, agụvị ka ọ yị rụra mẹ ka isu ọ̀ za a.

Ọdọvịdị 16:2

Anigaza nịnị mẹ wụ́ ka Ịsamịsịnị ya ịdị ọsẹrẹka ọnọọ, dị ẹnịnị wara ẹngụ na tẹ̀ ee zi ọ ịrahụ ọyịvụrụ oze ọbanyị ana ngụ ẹkụra ọnọọ nị. Dị ẹ ka ẹnị ee be e na ngụ umeyọnị, ẹnị ẹ̀ẹ za a dị ẹnị ẹ wụ̀ ọ.

Ọdọvịdị 16:4

Ịrẹma aanị, Ịsamịsịnị re ozi ọnẹẹ ene ze e eyi tụ ẹkụra ana ya inozi Isọrẹkị. Ịrẹha ozi ọnẹẹ ọnọọ ọ rị Iderira nị.