Di Abịsarọmị va kà a yi ezi ahụ anị dị ọ ka aarẹ Ijowabii vị ana gụrị aarẹ anị. Ọ rẹ ka ộ nyị ịsa ịnị aarẹ anaā hị́ ibaari tụ́ ịnị aarẹ. Ọ kà ezi ahụ ẹnị ẹ̀ na, dị ẹ̀ na jị ịra tụ́ ịnị aarẹ ọnọọ. Ịzẹyịza di ezi ahụ Abịsarọmị na, dị ẹ na jị ịra tụ́ ịnị aarẹ ọnọọ nị.
Ịhyẹgwẹẹna aanị dị aza ẹnẹẹ ne tu ose Ịsamịsịnị, dị ẹ kà a yị ọ ka, o vene ọva anị dị ọ ka iruvo ụhị ọnọọ yị ẹnị nị. Ẹ̀ẹ yị vị avọọ vị ẹnị aa rị ọnịrị irehi ada anị ịra nị. Dị ẹ kà ọnịrị ọva wáá hị́ ẹnị vẹ ịzẹnị va tụ́ ẹnị avosusu nị?
Dị ose Ịsamịsịnị ka yị ọ ka vị ọnị roo ka vị ọ yị sì ịrẹyị ozi anị nị; avọ ọnị ọ ra sị ọ ga ọta Ịsamịsịnị ọnyara aanị. Dị ọ ka atụra ose anị o zoza huna onyeyiza anị nị, dị o da ịpẹ yị Ịsamịsịnị ka ọ nyị atụra anị ọnọọ dọ ịrẹsụ anị nị.
Ịjị ọ maanị ra tụ ọ ịrẹka, dị Ịsamịsịnị na dị ọ za ahaka ịrẹka ẹchẹhị ireyi-ireyi nị, ọ kụ ahaka ẹnẹẹ ẹvẹẹva dị ọ sụ wa omuta za ẹngụ nị, ọ mẹ vavọọ sị wa mẹ dị Ịsamịsịnị na sị avị ọyị wu dị o kuru wa gẹ omuta ahaka ẹnẹẹ ẹvẹẹva hi ẹtẹ nị.