Ọdọvịdị 13:3 - IWE ỌNỊNỊ

³ Ẹkụhị ọnya dị ọnụtụ Ẹnẹyịmavara ọnya sị ẹngụ anị va zụ ọ, dị ọ kà yọ ka, vịdị vẹ ọbọrị ọ vị, dị ọ yị ma ozi nị. Ama o vee zyẹẹ, dị ọ ma ozi ọnọrụ.

Ọdọvịdị 13:3 ပူးပေါင်းရင်းမြစ်များ

Oyinyima 17:16

Ọ rẹ ka ọnị vaa mẹ ka ò zee yọ, dị ọnị mẹ ka ọ̀ ma ozi ọnọrụ ọnyaa yị ọ. Ọ kà ọnị vaa mẹ ka ò zee yọ, ọnyị anẹkụra ọrụrụ ọ vaa vị nị. Ẹnyị ini ezi anị vaa vị ohinọyị.

Oyinyima 18:10

Dị ọnya ịnị ẹnịnị ka: ẹ yị zụ nyị ka ọnị ọ yị vavẹ ve tù ọ ụmẹ aanị ụpọsa, ọnị ee vee tù ka Isera ose anị ô sị ozi ọnọrụ rị ụvọ. Isera ọnị yà ịrẹma oze ajẹngụ ọ tangwa ee batọ.

Oyinyima 18:14

Áá nyị ịsị ẹ tụ́ akanya yị Ẹnẹyịmavara Ịnị ụmẹ ọnị aa vaa vẹ vee tù ọ, oni ee vee tù ka Isera ộ si ozi rị ụvọ.”

2 Ohinọyị 4:16

Dị Erisa kà a yị ọnẹẹ ọnọnị ka ụmẹ aanị ụpọsa, ọ vaa sị ozi ọnọrụụ rị ụvọ nị. Ọnẹẹ ọnọnị ô nowu zẹtẹ ka, aarịhịnị, a sị Erisa vene ọnị dị, agụvị ka ọza Ohomorihi ọ vị̀ nị.

Iruuku 1:11

Dị anggẹẹrị Ohomorihi sị ẹngụ zụ̀ ọọ ịzọọ nị. Dị anggẹẹrị ọnọọ jẹẹ eyi ụvọrị ụta ịzị a yàā rị eturare ịra nị.

Iruuku 1:13

Dị anggẹẹrị ọnọọ kà a yọ ka, “Ịzakaraya, asị u hí angwa agụvị ka Ohomorihi ọ raà wụ́ aduwa awụ. Erizabẹẹtị ose ewu vaa ma ozi ọnọrụ ọnyaa yị wụ, Ịjọọnụ ụ vaa yị ọ nị.

Ọdọvịdị 13:10

Dị ọnẹẹ ọnọọ zwe echeechi na ka ẹ yị ọva anị nị. Dị ọ ka ẹ yị ọ ka, ve re, ọnọrụ ịhị ọnọọ ana sị ẹngụ zụ ọnị ọnị aa ka avọọ, ọ rẹ ve tu ọnị booro aanị.

Ọdọvịdị 13:15

Imanowa ẹyị yẹ ka anggẹẹrị Ẹnẹyịmavara ọnọrụ ọnọọ vị nị. Dị Imanowa ka ẹ yị anggẹẹrị Ẹnẹyịmavara ọnọọ ka, aarịhịnị ọ jẹẹ chee, dị ẹnị ẹ wụ sẹ wụ ozi ẹvụ ọnyara dị ẹnị ẹ sị mẹ̀ ịsa yị ọ nị.

Ọdọvịdị 13:6

Dị ọnẹẹ ọnọọ na kà a yị ọva anị nị. Ọ kà â nyị ọza Ohomorihi ọnyara aanị ana sị mẹ anka anggẹẹrị ene ve tu ọnị. Ọ nyayịnẹ e chire ọza angwa nị. Ama ọnị ọ yị họ̀ ọ ịzị ọ hụrẹ vẹ, ẹ yị rẹ ka yị ọnị ịrẹha anị rị.

Ọdọvịdị 13:8

Ịjị Imanowa maanị wụ́, dị ọ mẹ̀ aduwa hị́ Ẹnẹyịmavara kà ọ navọ dị anggẹẹrị anị ọnị ọ vịdị tụ vẹ ọ varẹma vẹ, dị ọ va sị zụ ẹnị ịsa vọrọ ka ẹnị ẹ mẹ àa sị ozi ọnọọ ma.

Ọdọvịdị 2:1

 nyị ụmẹ ọnya aanị ọnị anggẹẹrị Ẹnẹyịmavara sị hụrị Igirigari na ngụ Ibokimi. Ộ kà a ọnị ọ̀ kụ wa hụrị ẹtẹ Ijipiti na ngụ ịnị ẹtẹ ọnị ọnị hị́ eku anị ka ọnị aa sị yị ohiku ẹnịnị nị. Ộ kà a ọnị ẹ yị vaa sị ahụ jịnẹ eku ọnị ọnị hị́ yị wa.

Ọdọvịdị 6:14

Dị Ẹnẹyịmavara ọnị ụvọta kà Igidiyọnị vaa nyị ụkata, agụvị avọọ ọnị aa gụ ọ ụvọ, dị ọnị sị ụkata yọ ka ọ sị dọ Anisirẹrị nịnị ha hụụnị ụvọ Animidiya.

1 Ịsamụwẹrị 1:20

Ịjị ọ naa mẹ ụmẹ chee, dị Ịhaana zyẹẹ, dị ọ ma ozi ọnọrụ nị. Dị ọ ka ịrẹha ozi anị ọnọọ ọ rị Ịsamụwẹrị nị. Ọ kà ọnị ộ pa a hụụnị ụvọ Ẹnẹyịmavara.