Ọdọvịdị 11:3 - IWE ỌNỊNỊ

³ Ịzẹyịza dị Ijẹhụta zwe hụụ ịnị eehi yị adẹnyara anị ẹnẹnị, dị ọ na ra ẹtẹ anaa hị́ Ịtọbị nị. Ẹtẹ Ịtọbị ịzọọ ọ ya ịjị o ne ku chee dị ọ hara ezi edivi ẹnyị ku ẹngụ ana kụkụ a dụ ọ zị nị.

Ọdọvịdị 11:3 ပူးပေါင်းရင်းမြစ်များ

2 Ịsamụwẹrị 10:6

Anamọnị e si re ka ẹnị ẹ sị ayị mẹ kụ́ Idevidi ẹnẹmẹhị, dị ẹ wụsẹ sị ẹkẹhị na hị́ isoja Anarami ẹnị akawụ-akawụ oze ẹẹwụ hụrẹ Ịbẹtị-Ịrẹhọbị ọnịrị Izoba nị. Ẹ rẹ na hị́ ohinọyị Imaaka isoja anị akahị. Dị ẹ rẹ na hị́ isoja ẹnị akawụ-akawụ oze ịhịnọnyị hụrẹ Itobi nị.

2 Ịsamụwẹrị 10:8

Anamọnị ê tenyi ẹngụ ịrẹkụ tụ́ oze ana a zị naa ngụ ẹkụra ẹnịnị, dị Anarami ana hụrẹ Izoba ọnịrị Ịrẹhọbị vẹ ne beri Anịtọbị ọnịrị Animaaka ẹnị tenyi ẹngụ ịrẹkụ tụ́ ịnị avị chapaa nị.

Odeyi 17:5

Ama Aniju nịnị aa kụ̀ ụhị. Dị ẹ na tọ̀ọ́ aza kẹnẹ-kẹnẹ hụrẹ oze vẹ, dị ẹ kụ́ ẹngụ gụ nị. Dị ẹ za ẹkụra, dị ẹ vàa zí nị. Dị ẹ hara nọ ini eehi Ijasoni, di eyee sì ka ẹnị ẹ̀ sị Ịpọọrụ ọnịrị Isira tụ́ ẹhẹ yị aza nị.

Ọdọvịdị 11:2

Ọnẹẹ obooro ọnị Igiriyadi nyị ọ ma ezi ọnọrụ ọsa yị ọ. Ịjị ezi ose anị obooro ẹnẹnị sị vịra dị ẹ dụ Ijẹhụta hụụ ịnị eehi nị. Dị ẹ kà a yị ọ ka ozi ọsẹrẹka ọ vị nị agụvị avọọ, ẹ yị va nyị ogu ada ẹnịnị ana vaa gaa tu ọ.

Ọdọvịdị 9:4

Dị Anịsẹkẹmị nịnị sị ẹkẹhị isiriva ẹtarẹwụ hụụ ịnị irehi ori ẹnịnị ana aā hị́ Ịbaarị-Iberiti yị Abimẹrẹkị nị. Dị Abimẹrẹkị dọ wa ẹkẹhị ọnọọ, dị ọ dọ aza kẹnẹ-kẹnẹ ọnị ọ kụkụ a kụ tụra ẹngụ aa zịịzị nị.

1 Ịsamụwẹrị 22:2

 nyị aza ẹnyị ana ayị vịdị aa kụ́ ọnịrị aza ana ayị ẹnịnị si du. Dị ẹngụ aza ẹnẹẹ kụ́ ẹngụ gụ di ẹ kụ́ ẹngụ ẹnịnị na yị Idevidi nị. Ẹnịnị vị akana, dị ahịka Idevidi ẹ kụkụ sị mẹ ọga nị.

1 Ịsamụwẹrị 27:2

Ịzẹyịza di Idevidi ọnịrị aza ẹnị akata ana aā dụ ọ zị si hu, dị ẹ ne tù Akisi ozi Imawoki ana vi ohinọyị Igati nị.