Ọdọvịdị 10:9 - IWE ỌNỊNỊ

⁹ Â nyị ụmẹ ọnya, dị Anamọnị nịnị jịnẹ irehu Ijodani na kụ ịrẹkụ ne tu Anijuda ọnịrị Anịbẹnjamịnị beri Anehwireemi nịnị nị. Anisirẹrị nịnị ẹ rị ụya ana ngụ ajẹ ịnị ụmẹ ọnọọ.

Ọdọvịdị 10:9 ပူးပေါင်းရင်းမြစ်များ

2 Ịtọpa 14:9

 nyị ụmẹ ọnya ọnị Anisudani ọnyara ana a hị́ Ịzẹra sị kụ́ ịrẹkụ ngụ Ijuda. Isoja anị vị ẹnị imiriyọnị ọnya, dị ẹnị ịrẹkẹchẹhị (300) ana kụ́ ịkẹkẹ ịrẹkụ dọ ọvịdị na sị ngụ Imaresa nị.

2 Ịtọpa 15:5

Ka ẹngụkata yị ịnị ẹkụra ụmẹ ọnọọ, ẹ yị nyị ọza ana zụ ngụ ịzọọ dị ọ zụ varẹma ịnị ẹngwọọrọ.

Iwe Ọhụhị Imosiisi ana aa hị́ Ọyịvatụrọda 28:65

Wẹ yị vaa nyị ẹngwọọrọ nịnị aha ọnyọọnyị ịnị akakana anẹkụra ẹnẹẹ. We yi vee re aha yaa tụ́ ụhwọ́ nịnị. Ẹnẹyịmavara vị ana vaa mẹ ayịị hụrẹ wụ ịnẹ nịnị. Wẹ yị kụkụ vaa nyị ọyịtụreyi nịnị, dị ẹhẹ awụ nịnị kuku du wu eyi.

Ọdọvịdị 10:10

Ịjị Anisirẹrị nịnị vavọọ aa rị ụya dị ẹnịnị ve na owu hị́ Ẹnẹyịmavara, dị ẹ ka ẹnị ẹ sị ịvị mẹ hi ọ agụvị ka ẹnị e yi Ohomorihi ẹnịnị tịtẹ naa hẹkẹ ori ana aā hị́ Ịbaarị.

Ọdọvịdị 10:8

Ịzẹyịza dị ẹnịnị nyima dị ẹ yaa sị ụya rị Anisirẹrị nịnị nị. Avaba Anisirẹrị ene hị́ akẹnẹ irehu Ijodani eyi ịzị ọyịị̄ hụrẹ ẹ vẹ ịnị ẹtẹ Anamọnị nịnị ana vị ẹtẹ Igiriyadi. Dị ẹ vavọọ rị ụya pooro mẹ ịrayị ẹwụrịhịnta nị.

Ọdọvịdị 11:4

Aa nyị ụmẹ ọnyara dị Anaamọnị nịnị kụ ịrẹkụ ne tu Isirẹrị nịnị nị.

Ọdọvịdị 2:15

Ụmẹ tụra ụmẹ ọnị ẹnịnị ẹ nọ ịrẹkụ dị Ẹnẹyịmavara va eyi ka wa agụvị e huna wa anka ọ mẹ kà a. Dị ẹnịnị ya ịnị ẹngụkata nị.

Ọdọvịdị 6:2

Agụvị ka Animidiya nịnị aa chamayị yị wa di e zwe na tẹ̀ ịnị ataba ọnịrị ụtẹha nịnị nị.

1 Ịsamụwẹrị 13:6

Ịjị Anisirẹrị re ka ịrẹyị ọkatẹngụ ộ vẹ, dị ọnịvị ee vee huna isoja ẹnịnị, di e si zwe na te ịnị ụtẹha ọnịrị ịnị ẹchịchị nị. Aza ẹnyị vị ene zwe na tẹ̀ ịnị anaha ịrẹta ọnịrị imisi.

1 Ịsamụwẹrị 28:15

Dị Ịsamụwẹrị hị́ Ịsọọrụ dị ọ ka, “sị ẹ vẹ dị wẹ̀ yị navọ mị hẹẹ dị ụ sị mị jịnẹ aa vẹ?” Dị Ịsọọrụ ka, “Ộ kata mị ẹngụ ẹtẹẹtẹrẹ booro aanị. Anihwirisiti nịnị ee pè emi kụ̀ ịrẹkụ, dị Ohomorihi ọ sị và ịrẹma amị. Màa kụkụ họ̀ Ohomorihi use ịrẹyị, ọ yị kụkụ tụ́ ọnịsẹ hi mi. Ọ yị rẹ pe mi kà ịrẹyị ịnị ụra. Agụvị avọọ mị va hị́ Ịsamụwẹrị ka wa kà a yị mị ịsị a vọrọ ka ma mẹ nị.”