Ọdọvịdị 10:1 - IWE ỌNỊNỊ

¹ Ịrẹma ọnị Abimẹrẹkị wusu, Itora ana vị ozi Ipuwaa, aazị Idodo. Dị Itora ọnọnị kwẹẹtẹ ana dọ Anisirẹrị nịnị tụ nị. Itora vị Aniisaka dị ọ ra Isamiri ana ya ịrẹsụ otutu Ehwireemi.

Ọdọvịdị 10:1 ပူးပေါင်းရင်းမြစ်များ

Oyinyima 46:13

Ezi Iisaka ẹ vị Itora, Ipuva, Iyobi ọnịrị Isimironi nị.

Ijosuwa 15:48

 nyị ẹkụra ene hi ịnị ataba ana aā hị́ Isamiri, Ijatiri, ọnịrị Isoko,

Ọdọvịdị 10:2

Itora ộ mẹ̀ ọdọvịdị Anisirẹrị nịnị mẹ ịrayị ohurẹẹta dị ọ ve su. Ịjị ô wusu, dị e ne e tụ Isamiri nị.

Ọdọvịdị 12:8

Ịjị Ịjẹhwịta vavọọ wusu, aa nyị ọnọrụ ọnya aanị anaa hị́ Ibizani, Anị Ịbẹtịrẹhẹmị ọ vị nị, dị ahịka ọnị ọ vana vara ọdọvịdị Anisirẹrị nịnị nị.

Ọdọvịdị 2:16

Ẹnẹyịmavara ộ sị ọdọvịdị nịnị va yị wa ka ẹ dọ wa ha hụụnị ụvọ ọnịvị ẹnịnị ana kụ wa ẹnya.

Ọdọvịdị 3:27

Ịjị ọ na sị ngụ ịzọọ, dị o hú ọpanyị ịrẹkụ ịnị ẹkụra ana ya ịrẹsụ otutu ịnị ẹtẹ Ehwireemi, dị anọrụ Anisirẹrị kwẹẹtẹ, dị ọ kụ wa chi hi ẹtẹ, aa nọ ịrẹkụ aza Egirọnị nị.

Ọdọvịdị 3:9

Anisirẹrị nịnị ệ da ịpẹ yị Ẹnẹyịmavara kà ọ gụ ẹnị ụvọ, dị ọ nyị Ọtịnẹrị dị ọ dọ ẹnị ha. Ọtịnẹrị vị ozi Ikenazi ana vị ọhụva Ịkarẹbị ana vị ozweyi.

Ọdọvịdị 9:57

Avọọ gẹdẹ-gẹdẹ Ohomorihi mẹmẹ rẹ sị Anịsẹkẹmị nịnị atọ avaba ebira odivi ẹnị ẹ mẹ, dị ozirenu Ijotami ozi Ijerubaari za wa nị.