Ọdọvịdị 1:6 - IWE ỌNỊNỊ

⁶ Ịjị ẹtẹ ka ịra za a, di o zwe nị, Dị ẹnịnị dụ ọ dị ẹ̀ za a, dị ẹ̀ da a ozi igege ọbanyị ahụ anị ọnịrị ụvọ anị nị.

Ọdọvịdị 1:6 ပူးပေါင်းရင်းမြစ်များ

Ẹsịta 8:12

Ẹkụhị ana a sị yị Aniju nịnị ka ẹ̀ sị mẹ̀ ịsa ọnọnị vị ẹkụhị ẹwụrẹta ịnị ụhwẹ ẹwụrẹva ịrayị. Ụhwẹ ọnọọ aā hị́ Ada nị.

Ahẹ Ụgama 107:40

Ohomorihi anaā sịị eyi oweyii re aza ana ka ẹnị ệ nyị ụbanyị ộ mẹ̀ ka ẹẹ vaa chi vaa hịrẹ ịnị ẹtẹ ọpaapara ịzị ẹ̀ yị nyị oze.

Ahẹ Ụgama 149:8

Dị ụ za ohinọyị ẹnịnị, dị ụ sị ẹba sụ́ wa, dị ụ rẹ kụ́ ịchẹkẹchẹkẹ tụ́ aza ẹbanyị ẹnịnị ahụ.

Ahẹ Ụgama 59:11

Ohomorihi ohinọyị, navọ asị ụ wụ̀ wa, ka aza amị ve reè hi ayị ịrẹyị ẹnịnị Navọ wa sị ụkata mẹ wa kà ẹ̀ẹ zi doodo ịnị ẹhẹ, dị wa va wa nẹtẹ.

Ọyịkụra 14:26

Dị Ẹnẹyịmavara kà a yi Imosiisi dị ọ ka, “Tana ụvọ awụ hi òkū, di enyi ò sì kú Anijipiti beri ịkẹkẹ ẹnịnị oni umaataā tura ọnịrị onumaata ẹnịnị.”

Ọyịkụra 21:24

Ọza ọ̀ọ tụ̀ ọza eyi, à rẹ tù ọnị eyi. Ọza ò hu ọza anyị, à rẹ hu ọnị anyị. Ọza ọ̀ọ dà ọza ụvọ, à rẹ dà ọnị ụvọ. Ọza ọ̀ọ dà ọza ahụ, a rẹ dà ọnị ahụ.

Ọyịkụra 29:20

Dị ụ rẹ wụ̀ ọ, dị ụ sị anị dị ụ dá a sisi Eerọnị ọnịrị ezi anị ụtọ eyi ụvọrị. Rẹ vavọọ da sisi wa igege ọbanyị ụvọrị ọnịrị igege ọbanyị ahụ ụvọha. Di u re che ọnọọ sẹ ụta ọnọọ okiri-okiri.

Ijeremaya 34:17

Avọọ, ọnị Ẹnẹyịmavara kà, wẹ́ yị saasa ịrẹyị anị nịnị. Ụ ka wẹ́ yị hụrẹ anda awụ nịnị ụvọ; agụvị avọọ, ọnị vaa hụrẹ ẹwụ nịnị ka we ne sú ha eyirẹkụ nịnị, dị ụkụ ọnịrị ụngwẹ ẹ̀ wụ̀ wụ nịnị va ha. Ọ kà ịsị ọnị ọnị vaa mẹ ẹwụ nịnị vee chire avaba anẹhẹ angwa.

Ijeremaya 50:15

We nowu ịrẹkụụ kara Ịbabịrọnị nịnị. Ịbabịrọnị ọ sị dọ booro aanị. Asị ọvọ anị gara ha saka-saka. Ẹnẹyịmavara kà vị ọnị aa họ̀ oponu ịrẹsụ Anibabironi nịnị aanị nị. Agụvị avọọ ẹwụ nịnị ọnịvị ẹnịnị, waa họ̀ oponu ịrẹsụ ẹnịnị nịnị, dụ wa mẹ wa anka ẹnị mẹ rẹ vịdị aza ana vọ.

Ijosuwa 15:16

Ịkarẹbị ộ kà a ka ọza tụra ọza ana àa nọ ịrẹvụ Ikiriyati Isehwa dị ọ dọ wa ẹtẹ ẹnịnị nị, ọnị vaa sị ozi ọnẹẹ aanị gà a ka ọ̀ vị ose anị. Ozi anị ọnọọ ọ rị Akịsa nị.

Ọdọvịdị 1:5

Ibezeki ịzọọ ẹnịnị ya hara ịrachị tụra Adoni-Ibezeki ana vị ohinọyị nị. Dị ẹ nyị ẹbẹẹba ọnịrị Anikenaani ne beri Aniperizi ẹ mẹẹ gẹ ịrẹkụ nị.

Ọdọvịdị 1:7

Dị Adoni-Ibezeki kà a ịsị ọnị ọnị vịdị mẹ aza gẹdẹ-gẹdẹ o tu ọnị aanị nị. Ohinọyị ẹtarẹwụ ọnị kwọrọ igege ọbanyị ẹnịnị nị. Ohinọyị ẹnẹẹ hi ịdị anị booro aanị aa tọ ẹhụ ịsọyịrị anị rị. Ẹnẹyịmavara ee si ọnị atọ aanị nị. Dị ẹ sị ọ nọ Ijerusarẹmị ịzị o vene ne su tụ.