Ọdọvịdị 1:4 - IWE ỌNỊNỊ

⁴ Ẹ́nịnị mẹ nọ ịrẹkụ ọnọọ, dị Ẹnẹyịmavara sị wa nyị ẹbẹẹba Anikenaani ọnịrị Aniperizi nịnị nị. Dị ẹ̀ wụ̀ aza ịrịka akawụ-akawụ oze ẹẹhị eyi ịrẹkụ ẹkụra ana aā hị́ Ibezeki nị.

Ọdọvịdị 1:4 ပူးပေါင်းရင်းမြစ်များ

1 Ohinọyị 22:15

Ịzẹyịza dị Imika ve si tù ohinọyị nị. Di ohinọyị kà, “Imikaya, ahẹ, yáá nọ Ịramọtị-Igiriyadi di ye ne pe wa kụ̀ ịrẹkụ, à vị asị ị nọ?” Di Imikaya ka, “Wa na, ka ẹ yị vaa nyị ịrẹyị. Ẹnẹyịmavara vaa sị waa chire wụ ụvọ.”

1 Ohinọyị 22:6

Ịzẹyịza dị ohinọyị Anisirẹrị hara ọnịsẹ nịnị gụ nị, Ẹnịnị ê tù akava. Ohinọyị Anisirẹrị mẹ̀ vavọọ raà kụ́ wa gụ, dị ọ họ̀ wa dị ọ ka, “Máá nọ Ịramọtị-Igiriyadi, di me ne pè wa kụ̀ ịrẹkụ, à vị asị mị nọ?” Dị avaba ẹnịnị ka, “Wa na de, ka Ẹnẹyịmavara va sị wa chire wu ụvọ.”

Ahẹ Ụgama 44:2

Ẹwa sị ụkata awụ dụ aza ẹnẹ ẹ̀ yẹ wụ hụụnị ẹtẹ ana aza ẹnẹẹ yà dị ụ ka ohiku ayị ẹ̀ kụkụ ra hi ịnị ẹtẹ ọnọọ nị Wâ pa ịva yị aza ẹnẹẹ ẹtẹẹtẹrẹ ama dị ụ mẹ ka ò zee yi ohiku ayị nịnị nị.

Ahẹ Ụgama 78:55

Anẹkụra ọnọọ vị ọnị ọ dụ hụụ ịzọọ, dị ọ gà ẹtẹ anị yị aza anị ka ọ̀ vị ogu ẹnịnị nị. Dị ọ kụ́ Anisirẹrị ka è hi ini eehi aza ẹnẹẹ nị.

Iwe Ọhụhị Imosiisi ana aa hị́ Ọyịvatụrọda 7:2

Ịjị Ẹnẹyịmavara Ohomorihi ẹnịnị ọ̀ọ sị anẹkụra ẹnẹẹ yị wa, dị ẹ nyị ẹbẹẹba ẹnịnị, ẹ wụ̀ avaba ẹnịnị ha bemi-bemi. Asị a nyị ọza ọnị ẹ vayị anị, dị asị a nyị oto ọnị ẹnịrị wa mẹ̀ yị ẹngụ.

Iwe Ọhụhị Imosiisi ana aa hị́ Ọyịvatụrọda 9:3

Ama ẹwụ nịnị ụvọta vee re ajịnị ka Ẹnẹyịmavara Ohomorihi awụ nịnị vaa dọ ọvịdị awụ nịnị na hụ́ anẹkụra ẹnẹẹ anka ọrịra avọọ. Ọ vaa mẹ̀ ka wee huna wa, dị ụ wa jịnẹ hụụnị ẹtẹ ẹnịnị yamị-yamị anka ọ mẹ̀ ka avọọ.

Ọdọvịdị 1:3

Dị ezi Ijuda na hị́ anda ẹnịnị ana vị ezi Isimiyọnị ẹnẹbẹnị ada ẹnịnị ka ẹ saasa ẹnị nọ ịrẹkụ Anikenaani ana ra ịnị ẹtẹ ana ga tu ịrẹsụ ẹnịnị. Ẹnị rẹ vaa saasa wa nọ ịrẹkụ ịhị òo tu wa. Ịzẹyịza dị ezi Isimiyọnị nịnị na gụ wa ụvọ nị.

Ọdọvịdị 1:5

Ibezeki ịzọọ ẹnịnị ya hara ịrachị tụra Adoni-Ibezeki ana vị ohinọyị nị. Dị ẹ nyị ẹbẹẹba ọnịrị Anikenaani ne beri Aniperizi ẹ mẹẹ gẹ ịrẹkụ nị.

Ọdọvịdị 11:32

Ịjị Ịjẹhwịta maanị sị ka, dị ọ na ne pe Anamọnị nịnị kụ ịrẹkụ nị, ịzẹyịza dị Ẹnẹyịmavara mẹ ka ọ nyị ẹbẹẹba Anamọnị nịnị nị.

Ọdọvịdị 3:5

Avọọ Anisirẹrị nịnị mẹ ra ịnị akakana Anikenaani, Anihiti, Anamọrị, Aniperizi, Anihivi ọnịrị Anijebusi nịnị nị.

1 Ịsamụwẹrị 11:8

Ịsọọrụ mẹ̀ wara aza ẹnẹẹ gụ ịzị aā hị́ Ibezeki, anọrụ Anisirẹrị ene hi ịzọọ vị ẹnị akawụ-akawụ oze ẹchẹhị tụra ẹvarẹwụ (300,000), dị Anijuda ẹnị vị akawụ-akawụ oze ẹwụrẹhị nị (30,000).

1 Ịsamụwẹrị 14:10

Ọ kà ama àa vị aza ẹnẹẹ kà a ka ẹnị ẹ̀ hịrẹ vẹ ve tù ẹnị nị, dị ẹnị hịrẹ ne tù wa. Ịjọnọọ dị ẹnị sị yẹ ka ọnọọ ộ sị zụ̀ ka Ẹnẹyịmavara ọ raà sị wa chire ẹnị ụvọ.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”